थौं बुधवाःया बुंगद्यःयात रथं क्वाहाँ बिज्याकाः खतय् तयाः बुंगमतीइ बुंगद्यःया देगलय् विराजमान याकेगु नितिं बुंगमती यंकूगु दु

अक्षय तृतीया कुन्हु शनिवाः पूच्वं बुंगद्यःया रथ सागू खः। कोभिड १९ कोरोना भाइरस महामारीया कारण हुनिं यलया बुंगद्यः जात्रा प्रतिकातात्मक रुपं जक जात्रा यानाः क्वचायेकूगु खः ।

वंगु २४ घण्टाय् स्वनिगः दुने २४८६ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं थौं येँ जक १,९८८म्हेसित कोरोना सक्रमित जूगु दु ।

अथेहे यलय् २७० म्ह व ख्वप् २२८ म्हेसित याना २४८६ म्हेसित संक्रमित जूगु दु।

थुगु ल्याः म्हिगः स्वया १४९ म्ह कम खः।

कोरोना भाइरस संक्रमणं छन्हु हे २४६ म्हेसिगु ज्यान वंगु दु।

अथेहे वंगु २४ घण्टाया दुने थप ८१७३ म्हेसित कोरोना भाइरस संक्रमण पुष्टि जुगु धका स्वास्थ्य तथा जनसंख्या मन्त्रालयं धागु दु।

पीसीआर विधिपाखे ८,०६४ म्ह व एन्टिजेन विधिपाखे परीक्षणय् १०९ म्ह याना ८,१७३ म्हेसित संक्रमित जुगु दु ।

अथेहे वंगु २४ घण्टाय् कोरोना भाइरस संक्रमणमुक्त ७,९८९ जुगु दु।

बुधवाः सेयर कारोबार मापक नेप्से परिसूचक दोहोरो अंकं क्वहावंगु दु ।

नेप्से परिसूचक १३.०९ अंकं क्वहा वया २ हजार ७ सय ८० दशमलव ८१ अंकय् क्वहा वंगु दु। थौं न्हिच्छि थहाक्वहा वया नेप्से परिसूचक घटे जुगु दु।

आइतवाः, सोमवाः व मंगलवाः थहावंगु खःसा थौं धासा नेप्से क्वहावंगु दु । लगातार थहा वना छन्हु कुहावनिइ लगानीकर्तापिन्स ‘करेक्शन’ धका धाइ ।

नेप्से परिसूचक घटे जूसा सेयर कारोबार रकम धासा न्हुगु रेकर्ड तःगु दु। मंगलवाः ११ अर्ब ३५ करोड रुपैयाया कारोबार जुया न्हुगु रकेर्ड कायम जुगुलि थौं बुधवाः तोडे यासे न्हुगु रेकर्ड कायम जुगु दु।

बुधवाः ११ अर्ब ९५ करोड ८० लाख ९७ हजार रुपैयाँया सेयर कारोबार जुगु खः । बुधवाः २ करोड ५१ लाख कित्ता स्वया अप्वो सेयर किनबेच जुगु दु ।

बैंकिङ, व्यापार, होटल व पर्यटन, फाइनान्स व म्युचुअल फण्ड घने थहावंगु दु। बाँकी दक्को समूह घटे जूगु खः । बुधवाः यक्को कमे यागुलि समता घरेलु लघुवित्त न्हापागुे नम्बरय् खने दु सा रुरु जलविद्युत कम्पनी निगुगु थासय् दु ।

नेपाल फाइनान्स, गोर्खाज फाइनान्स लगायतया कम्पनीया सेयर भाः थहावंगु दु ।

अथेहे यक्को क्वहावंगु न्यागु शिर्ष कम्पनीइ हाइड्रोपावर कम्पनी खनेदुगु दु । ङादी पावरं यक्को गुमे यागु दु सा युनियन मोदी व नेपाल हाइड्रो खनेुगु दु ।

लुँ वहःया भाः थौं क्वहा वंगु दु ।

म्हिगः छन्हु हे तोला खुसः थहावना ९३ हजार चार सय रुपैयाँय् कारोबार जुगु लुँ थौं तोलाय् सच्छि क्वहा वंगु दु ।

लुँ तोलां थौें ९३ हजार तीन सय रुपैयाँ कायम जुगु दु धका नेपाल सुनचाँदी व्यवसायी महासंघं धागु दु ।

अथेहे, वहः या भाः न थौं क्वहा वंगु दु। म्हिगः तोलां ३५ रुपैयाँ थहावना १३ सय ९० रुपैयाँय् कारोबार जुगु खः ।

थौं वहः तोलाय् २० रुपैयाँ घटेर जुया १३ सय ७० रुपैयाँ थ्यंगु दु धका महासंघं धागु दु ।