रुपन्देहीइ उपचार यानाच्वपि थप च्याम्ह कोरोना संक्रमितकपि सीगु दु ।

च्याम्ह मध्ये खुम्ह रुपन्देहीइ व छम्ह पाल्पा व नवलपरासी पश्चिमय् च्वपि खः। बैसाख २८ गते लुम्बिनी प्रादेशिक अस्पतालय् इमर्जेन्सीइ भर्ना जुम्ह बुटवल १३ या ८० दँ दुम्ह मिसाम्ह बुधवाः सुथय् ६ः५८ बजे मदुगु धका अस्पतालया प्रवक्ता डा. विष्णु गौतमं जानकारी बिगु दु ।

अथेहे मंगलवाः इमर्जेन्सी भर्ना जुम्ह ओमसतिया गाउँपालिका रुपन्देहीया ४७ दँ दुम्ह मिजंम्ह थौं बुधवाः सुथय् ५ः३० बजे मदुगु खः । अथेहे तिनाउ गाउँपालिका–६ पाल्पाया ६० दँ दुम्ह मिसाम्ह मंगलवाः बहनि ४ः२० बजे, बुटवल–१३ या ५२ दँ दुम्ह  मिजंम्ह मंगलवाः बहनि ७ः१० बजे व बुटवल– ७ या ६० दँ दुम्ह मिजंम्ह बुधवाः सुथय् ७ः३० बजे बुटवल धागो कारखानाया कोभिड अस्पतालय् मदुगु धका अस्पतालया प्रवक्तां धागु दु।

अथेहे भिम अस्पतालय् जेठ ३ गते भर्ना जुम्ह ओमसतिया रुपन्देहीया ५७  दुम्ह मिजंम्ह मंगलवाः चान्ह्य १२ः४० बजे, वैशाख २५ गते भर्ना जुम्ह रामग्राम–६ नवलपरासीया ४६ दँ दुम्ह मिजंम्ह बुधवाः सुथय् ५ बजे व जेठ २ गते भर्ना जुम्ह लुम्बिनी साँस्कृतिक नगरपालिकाया ४५ दँ दुम्ह बुधवाः सुथय् १ बजे मदुगु खः।

पूर्वप्रहरी महानिरीक्षक खड्गजित बराल ९३ दँय् मन्त।

बुधवाः थःगु हे छेँय् मदुगु खःसा थौं न्हिनय् हे पशुपति आर्यघाटय् अन्त्येष्टि याइ धका वयकःया छ्य न धागु दु ।

बराल २०२९ सालनिसे २०३५ साल तक प्रहरी महानिरीक्षक जुयादीगु खः ।

वयकः पूर्वसांसद नाप बमाया लागि पूर्वराजदूत तक जुयादीइ धुकुम्ह खः।

लमजुङया भुलभुलेय् हाकनं भुखाय् ब्बगु दु।

भूकम्प मापन केन्द्रया कथं आः सुथय् ८ बजे जुया २६ मिनेटय् ५.३ म्याग्नेच्युटया भुखाय् ब्बगु खः ।

उगु हे थासय् सुथय् ५.८ म्याग्नेच्युटया भुखाय् ब्बगु खः।

नेपालय् ‘भारतीय भेरियन्ट’ या कोरोना भाइरस फैलै जुगु पुष्टि जुगु दु ।

भारतयात तहसनहस यागु भेरियन्ट हे नेपालय् फैलै जुगु पुष्टि जुगु दु। स्वास्थ्य तथा जनसंख्या मन्त्रालयया कथं वंगु वाःया दुने थीथी थासय् संकलन यागु ३५ गु नमुना भारतया ल्याब जिन सिक्वेन्सिङ यकूगु खः।

मंगलवाः तक वंगु लिच्वः कथं ९७ प्रतिशत अर्थात् ३४ गु नमुनाय् बी १.६१७.२ व स्वंगू प्रतिशत अर्थात् छगु  नमुनाय् बी १.६१७.१ पुष्टि जुगु दु। थुगु निगु हे भेरियन्ट न्हापां भारतय् पिहावंगु ‘भारतीय भेरियन्ट’ खः। आःतक बी १.६१७.१ विश्वया ३४ गु देशय् खने दुगु दु सा बी १.६१७.२ थीथी झीगु देशय् खने दये धुकुगु दु।

निगु हे भेरियन्टयात विश्व स्वास्थ्य संगठनं हे हलियकं भेरियन्ट अफ कन्सर्न घोषणा यागु खः । थ्व दक्को दँयापिन्त संक्रामक व जोखिमपूर्ण दु धका छगु अध्ययनं क्यंगु दु धका स्वास्थ्य मन्त्रालयं धागु दु । सामान्यतयाः भाइरसं थःगुेस्वरुप परिवर्तन याइ। थथे स्वरुप परिवर्तन याइगु झ्वलय् पुलागु भाइरसं न्हुगु प्रकार जुइ।

थुकियात हे भेरियन्ट धाइ । न्हापा २०१९ य् पिहावंगु कोरोना भाइरस न थीथी भेरियन्ट पिहावंगु खः। बेलायतय् खनेदुगु बी १.१.७ यात यूके भेरियन्ट धका धाइगु यासा ब्राजिलय् पी.२ भेरियन्ट खनेदुगु खः।

भारतया महाराष्ट्रय् सन् २०२० या अक्टोबरय् न्हापा बी.१.६१७ भेरियन्ट खनेदुगु खः। मे १० य् डब्ल्यूएचओले बी.१.६१७ यात ‘भेरियन्ट अफ कन्सर्न’ या रुपय् वर्गीकरण यागु खः । बी.१.६१७ भेरियन्ट दुने स्वंगु सिक्वेन्स खने दु, उकि बी.१.६१७.१, बी.१.६१७.२ व बी.१.६१७.३ नां बिगु दु । न्हापागु व निगुगु सिक्वेन्स यक्का संक्रामक खने दु सा स्वंगु सिक्वेन्स तसक कम जक खने दु ।

संक्रामक बी.१.६१७.२ दकलय् अप्वो खनेदुगु दु।

देयन्यक छगु लाख स्वया अप्वो कोरोना सङ्क्रमित जुया छेँय् च्वनाच्वंगु दु।

सरकारं सामान्य लक्षण दुपि छेँय् हे होम आइसोलेशनय् च्वनेत इनाप यागु दु।

गम्भीर अवस्थाया च्वंपि जक अस्पतालय् उपचार यानाच्वंगु दु। सरकारं होम आइसोलेशनय् च्वनेगु इलय् डाक्टरनाप परामर्श यायेत, डाक्टरपिनिगु परामर्शया आधारय् वासः नयेत व सासः ल्ह्यात समस्या दुपिन्त तत्काल न्ह्यने यागु अस्पतालय् वनेत इनाप यागु दु ।

सङ्क्रमितपिनिगु ल्याः थपे जुया वंगुलि सरकारं परामर्श यायेत डाक्टरपिनिगु धलः थपे यागु दु।

स्वास्थ्य मन्त्रालय व नेपाल मेडिकल काउन्सिलं होम आइसोलेशनय् च्वनिपि सङ्क्रमितपिन्त मागु परामर्शया लागि व्यवस्था यासे डाक्टरपिनिगु धलः थुकथं दु :