Display Style:
Column Style
कोरोनाविरुद्धया खोप अभियान दित
चौलागा तृतिया ११४१,बैसाख १६ बिहीवाः
कोरोनाविरुद्धया भेरोसेल खोप अभियान स्थगित जूगु दु । स्वास्थ्य सेवा विभागं भेरोसेल खोप बीगु ज्या वैसाख १६ गतेनिसें स्थगित यायेगु निर्णय याःगु खः ।
वैशाख १६ गते नं खोप येँय् निरन्तर न्ह्याकेगु धाःसां छुं ईया लागिं अभियान स्थगित जूगु खः । खोप केन्द्रय् मनूतय् अब्यवस्थित भिडभाडया हुनिं संक्रमणया जोखिम दुगुलिं अभियान स्थगित जूगु खः ।
भेरोसेल खोपया ८ लख डोज चीनं नेपाल सरकारयात अनुदानय् उपलब्ध याकूगु खः । निगूगु चरणया खोप अभियानअन्तर्गत वंगु चैत २५ गतेनिसें भेरोसेल खोप बीगु न्ह्याकूगु खः ।
थुगु खोप १८ दँनिसें ५९ दँ पुचःया मनूतय्त ब्यूगु खः । नेपालय् कोरोनाविरुद्धया कोभिसिल्ड खोप नं छ्यलावःगु दु । कोभिसिल्ड खोपया १० लख डोज भारतं अनुदानय् बीधुंकाः वंगु माघ १४ गतेनिसें खोप अभियान न्ह्याःगु खः ।
बाँकेय् कोरोना थप निम्ह मन्त
लहानान्युज | चौलागा तृतिया ११४१,बैसाख १६ बिहीवाः
वंगु १४ घण्टाय् जक बाँकेय् कोरोना संक्रमणं झीम्ह सी धुकुगु दु।
बुधवाः चान्ह्यया ८ः५५ बजे निसे बिहीवाः सुथय् ८ बजे तक च्याम्ह सी धुकुगु दु
बिहीवाः सुथय् आधा घण्टाया फरकय् निम्हेसिगु ज्यान वंगु दु । थ्व नाप निम्ह थप जुया आः १४ घण्टाय् कोरोना संक्रमणं बाँकेय् झीम्ह सी धकुगु दु ।
बाँकेया कोरोना फोकल पर्सन तेज ओलीया कथं भेरी अस्पतालय् कैलालीया टिकापुर नगरपालिका–१ या ५२ दँ दुम्ह मिसा व नेपालगञ्ज मेडिकल कलेज शिक्षण अस्पताल कोहलपुरय् बाँकेया नेपालगञ्ज–८ या ३३ दँ दुम्ह मिजंम्ह आधा घण्टाय् मदुगु खः ।
कैलालीया ५१ दँ दुम्ह मिसाम्ह बिहीवाः सुथया १० बजे भेरी अस्पतालय् मदुगु खः अथेहे नेपालगञ्ज–८ या ३३ दँ दुम्ह नेपालगञ्ज मेडिकल कलेजय् बिहीवाः सुथया १०ः३० बजे मदुगु धका ओलीं धाःगु खः ।
लुँ तोलां ३०० रुपैयाँ थहावन
शोभा श्रेष्ठ | चौलागा तृतिया ११४१,बैसाख १६ बिहीवाः
थौं बिहीवाः लुँया भाः तोलां ३०० रुपैयाँ थहा वंगु दु ।
नेपाल सुनचाँदी व्यवसायी महासंघया कथं थौं छापावाला लुँ तोलाया ९० हजार ८०० रुपैयाँ व तेजाबी लुँ तोलाया ९० हजार ३०० रुपैयाँ कारोबार जुगु दु धका धाःगु दु।
म्हिगः लुँ तोलाया ७०० रुपैयाँ क्वहा वया तोलाया ९० हजार ५०० रुपैयाँ खरिदबिक्री जुगु खः।
अथेहे वहःया भाः न थौं थहावंगु दु। थौं वहः तोलां झीतका थहावना १३१५ रुपैयाँ कारोबार जुगु दु।
म्हिगः बुधवाः वहः तोलां झीतका क्वहा वयातोलाया १३०५ रुपैयाँ जुगु खः ।
प्रिपेड ट्याक्सीं एयरर्पोटय् आवतजावत याये फइगु
लहानान्युज | चौलागा तृतिया ११४१,बैसाख १६ बिहीवाः
त्रिभुवन विमानस्थलय् यात्रा यायेत आन्तरिक व अन्तर्राष्ट्रिय हवाईयात्रुंं शहरपाखे विमानस्थल तक छेँय् न हे ट्याक्सी सःतिइगु ब्यवस्था यागु दु।
तर, थुगु सुविधा त्रिभुवन विमानस्थल कार्यालयं अनुमति बिगु वांगु नम्बर प्लेटवाला एयरर्पोट प्रिपेड ट्याक्सीया हकय् जक लागू जुइ ।
त्रिभुवन विमानस्थल कार्यालयं थौं छगु सूचं जारी यासे थथे जानकारी बिगु खः । विमानस्थल कार्यालयया कथं हवाई यात्रुं वैधानिक हवाई टिकट÷पासपोर्ट÷भिसा क्यगु आधारय् विमानस्थलय् आवतजावत याये फइ ।
थुकिया लागि सवारी साधनया सुविधा कया प्रिपेड ट्याक्सी सःते फइ । कार्यालयया कथं प्रिपेड ट्याक्सीयात फोन याना सम्बन्धित थासय् वने फइ।
फास्ट ट्र्याकया निगुगु प्याकेजा ठेक्का रोक्के यायेत लेखा समितिया निर्देशन
लहानान्युज | चौलागा तृतिया ११४१,बैसाख १६ बिहीवाः
संसदया सार्वजनिक लेखा समितिं नेपाली सेनायात पौ च्वया फास्ट ट्र्याकया निगुगु प्याकेजया ठेक्का प्रक्रिया रोक्के यायेत निर्देशन बिगु दु।
थ्व स्वया न्ह्य न लेखा समितिं स्वकः तक रक्षा मन्त्रालययात पौं च्वया फास्ट ट्र्याकया निगुगु प्याकेजय् अनियमितता जुगु आशंकां ठेक्का प्रक्रिया रोक्के यायेत निर्देशन बिगु खः ।
चैत १९ गते लेखा समितिं फास्ट ट्र्याकया निगुगु प्याकेज अन्तर्गतया टनेल व ताँया ठेक्का प्रक्रियाय् प्रि–क्वालिफाइड हे नियमितताया शंका यासे ठेक्का प्रक्रिया रद्ध याना हाकन सुरु यायेत निर्देशन बिगु खः। तर, निर्देशन कार्यान्वयन मजु धका धाःगु खः । समितिया निर्देशन बेवास्ता यासे वैशाख १२ गते टेण्डर आह्वान यागु खः । संसदीय समितिया निर्देशन विपरीत टेण्डर प्रक्रिया न्ह्यने यकूगु खः।
मकवानपुरया धोद्रेय् (सिम्पानीनिसे चालिसे खोल्सी १.३७ किमी) व लेनडाँडामा (घट्टेपाखानिसे बाँदरेखोल्सी १.४ किमी) तक निगु सुरुङमार्ग व ताँया निर्माण यायेगु लागि २१ गु कम्पनी प्रतिस्पधार्यय् यागु खः । तर सेनां चीनया पोली च्याङ्दा इन्जिनियरिङ कर्पोरेसन लिमिटेडयात जक ‘प्रि–क्वालिफाइड’ ठहर यागु खः।
