कलङ्कीइ मोटरसाइकल दुर्घटना जुया छम्ह मनू मन्त ।

येँ महानगरपालिका–१४ कलङ्कीया सतकय् बा६१प १५३६ नं या मोटरसाइकल दुर्घटना जुया किपू नगरपालिका–१० बाघभैरवया ५० दँ दुम्ह राजमान महर्जन थौं सुथय् मदुगु खः।

बुधवाः चान्ह्य दुर्घटना जुया गम्भीर घाइते जुम्ह महर्जन उपचारया झ्वलय् नेपाल नेसनल अस्पताल कलङ्कीइ थौं सुथय् मदु धका प्रहरी प्रधान कार्यालयं धागु दु।

दुर्घटनाया बारय् मागु अनुसन्धान जुयाच्वंगु दु धका प्रहरीं धागु दु।

थौं सुथनिसे निषेधाज्ञा कार्यान्वयनया लागि कडाइ यागु दु। सतकय् सुरक्षाकर्मीपिनिगु यक्को उपस्थितिइ दुगु खः ।

अथेहे सुरक्षाकर्मीपिन्स सुरक्षा चेकजाँच न कडा यागु दु। अत्यावश्यक बाहेकया गार्डी होल्ड यागु दु।

आःतक द्धःछि स्वया अप्वो गाडी प्रहरीं होल्डय् तगु दु । प्रहरीया कथं होल्डय् निगु पाङ्गाया गाडी दु ।

 कोरोना भाइरसया संक्रमण जुम्ह पूर्वलानि कोमल शाहयात आइसियूलय् तया उपचार यागु दु ।

शाहयात अक्सिजनया मात्रा कम खने दुगुलि आइसियूलय् सारेयागु खः । शाहया श्वासप्रश्वासय् समस्या खनेदुगुलि व अक्सिजन तक कमी जुइवं आइसियूलय् सारे यागु खः ।

आः हाई फ्लो अक्सिजनया सपोर्ट तया उपचार जुयाच्वंगु दु । मेगु स्वास्थ्यय् समस्या धासा खने मदुु धका नर्भिक अस्पतालं धाःगु दु।

कोरोना संक्रमण पुष्टि जुइवं पूर्वजुजु ज्ञानेन्द्र शाह, कोमल व म्ह्याय् प्रेरणाया थापाथलीस्थित नर्भिक अस्पतालय् उपचार जुयाच्वंगु खः । अस्पतालया कथं ज्ञानेन्द्र शाहया अवस्था सामान्य व स्थिर दु।

 स्वन्हुया दुने न्यागु लाख स्वया अप्वोसिया येँ त्वताः वंगु दु।

थौं सुथय् ६ बजे निसे निषेधाज्ञा लागू जुइगु जुगुलि चान्ह्य तीन बजे तक यात्रुपि सडकय् गाडी पियाच्वपि दु गु खः।

चान्ह्य लिबाक्क तक सडकय् गाडीपिया च्वंपि गुम्हला गाडी मदया अलपत्र जुगु दु।

म्हिगः येँया न्हुगु बसपार्क, कलङ्की, जडीबुटी, कोटेश्वर व ख्वपय् यात्रुपि यक्को भीड दुगु खः ।

स्वनिगलय् थौं सुथय् निसे निषेधाज्ञा लागू जुगु दु । येँं, यल ख्वपय् सुथय् ६ बजे निसे निषेधाज्ञा सुरु जुगु दु ।

संघीय राजधानीइ कोरोना संक्रमण अप्वोया वंगुलि स्वनिगःया स्वम्ह प्रमुख जिल्ला अधिकारीपिनिगु मंकाः बैठकं वैशाख १६ गतेनिसे निषेधाज्ञा जारी यायेगु निर्णय यागु खः ।

निषेधाज्ञा इलय् छु छु याये दइ ?

इहिपा, कय्तापुजा लगायत इहिपालय् निगु परिवारपि १५, १५म्ह सहभागी जुइ दइ । निगु पक्षं इहिपाया ब्यानर ज्वना निगः गाडी प्रयोग याना वयेगु वने फइ। इहिपा, कय्तापुजाया लागि स्थानीय तहया सिफारिस कथं जिल्ला प्रशासन कार्यालयं पास उपलब्ध यानाबिइ।

अत्यावश्यक सामग्री क्वबिइगु ढुवानीया साधन, बिरामी नाप निम्ह कुरुवा ज्वना एम्बुलेन्स, स्वास्थ्यकर्मी नाप सुरक्षा निकायया सवारीसाधन सञ्चालन याये दइ। एम्बुलेन्स, लः, स्वास्थ्य, खाद्यान्न, तरकारी, फलफूल, दुरु नाप, कुरिअर नाप डाँक सेवा, बैंक व वित्तीय संस्था, दूरसञ्चार, इन्टरनेट, क्वारेन्टिन, आइसोलेसन, फोहोरमैला व्यवस्थापन लगायत ढुवानी नाप यातायतया साधन सञ्चालन याये दइ । सरकारी कार्यालय लगायत सार्वजनिक सेवा प्रदायक संस्थापिन्स सम्बन्धि मन्त्रालय वा विभागपाखे जारी पास कया सवारीसाधन प्रयोग याये दइ। डिपार्टमेन्टल स्टोर, खाद्य सामग्रीया पसः, व्यवसायपिन्स सुथय् १० बजे तक व बहनि ५ बजे निसे ७ बजे तक सन्चालन याये दइ ।

पत्रकारपिन्स विभागं जारी यागु प्रेस पासया आधारय् वयेगु वने फइ।

छु छु  याये दइ दइ मखु ?

छु न प्रकारया सभा, सम्मेलन, गोष्ठी, तालिम, सेमिनाटर, सिनेमा हल, पार्टी प्यालेस, स्विमिङ पुल, शपिङ मल, मनोरञ्जन थाय्, सैलुन, ब्यूटी पार्लर, जिमखाना, पुचः मुना म्हितिइगु कासा, पुस्तकालय, संग्रहालय, चिडियाखाना सञ्चालन यायेत निषेधाज्ञा इलय् रोक लगे यागु दु ।

अत्यावश्यक बाहेकया सार्वजनिक नाप निजी सवारीसाधन चले यायेगु व अत्यावश्यक बाहेकया मेगु सार्वजनिक सेवा सञ्चालन यायेत रोक लगे यागु दु । खाद्य सामग्री व वासः  नाप स्वास्थ्य सामग्री सम्बन्धी पसः, व्यवसाय बाहेक मेगु पसः, व्यवसाय सञ्चालन याये दइ मखु। उल्लंघन यातकि छु सजाय जुइ ? निषेधाज्ञा उल्लंघन यातकि कानुनबमोजिम कारबाही जुइ ।

संक्रामक रोग ऐन, २०२० कथं आदेश पालना मयातकि लच्छि तक कैद वा सच्छि तका जरिवाना अथवा निगुलि जुइ फु। संक्रामक रोग ऐनय् ज्याय् पंगः थनिइपिन्त खुला तक कैद वा ६०० रुपैयाँ जरिवाना वा निगुलि सजाय तक जुइगु व्यवस्था दु ।