वंगु २४ घण्टाय् थप ४ हजार ५२४ म्हेसित कोरोना भाइरस संक्रमण पुष्टि जुगु दु ।

स्वास्थ्य तथा जनसंख्या मन्त्रालयया कथं १४ हजार ६७२ म्हेसिगु पीसीआर परीक्षणय् ४ हजार ३६४ व १ हजार ९ म्हेसित एन्टिजेन परीक्षणय् १६० म्ह याना ४५२४ म्हेसित संक्रमण पुष्टि जुगु दु धका धागु दु। अथेहे कोरोना भाइरस संक्रमणया कारण थप १८ म्ह सीउगु दु । आःतक देयन्यक कोरोना भाइरसया सक्रिय संक्रमितपि २६ हजार २२५ म्ह थ्यंगु दु।

थौं कोरोना संक्रमित जुपि थुकथं दु

वंगु २४ घण्टाय् दकलय् अप्वो येँ १ हजार ६०२, बाँकेय् ५१५, रुपन्देहीइ ३८३, यलय् २४०, दाङय् २३०, कास्कीइ १२९, ख्वपय् १२४ म्हेसित कोरोना संक्रमित पुष्टि जुगु दु।

अथेहे बर्दिया व मोरङय् ८६÷८६ म्ह, चितवनय् ८०, सुर्खेतय् ७४, मकवानपुरय् ७२, पर्साय् ६७, सुनसरीइ ५१, कञ्चनपुरय् ४६, पाल्पाय् ४५ म्हेसित कोरोना संक्रमण पुष्टि जुगु दु धका मन्त्रालयं धाःगु दु । अथेतु कपिलवस्तुइ ३५, कैलाली ३२, काभ्रेपलाञ्चोक ३१, धनुषा २७, बारा २६ म्हेसित कोरोना संत्रमण पुष्टी जुगु दु।

अथेहे अर्घाखाँची व नवलपरासी पश्चिमय् २३÷२३ म्ह, झापा, सिरहा, तनहुँ व गुल्मीइ १६÷१६ म्ह, धादिङय् १५, नवलपरासी पूर्व व स्याङजा १४÷१४ म्ह, सप्तरीइ १२ म्हेसित कोरोना संक्रमित जुगु दु। अथेहे रौतहट, नुवाकोट,रामेछाप, सिन्धुपाल्चोक, सल्यान, डडेल्धुरा ११÷११ म्ह, सर्लाही व गोरखा १०÷१० म्ह, महोत्तरी, बागलुङ व दैलेखमा ९÷९ म्ह, म्याग्दी, लमजुङ, प्युठान व बैतडीइ ८÷८ म्ह, उदयपुर व रुकुम पश्चिमय् ७÷७ म्ह, संखुवासभाय् ६, सिन्धुलीइ ५, दोलखा, पर्वत, रोल्पा, कालिकोट व जुम्लाय् ४÷४ म्ह, इलामय् ३ म्हेसित कोरोना संक्रमित जुगु दु।

अथेतु ओखलढुंगा, खोटाङ, धनकुटा, सोलुखुम्बु, मुस्ताङ, जाजरकोट, मुगु, हुम्ला व बझाङय् २÷२ म्ह, पाँचथर,भोजपुर, रसुवा, डोल्पा, डोटी, दार्चुला, बाजुरा १÷१ म्हेसित कोरोना संक्रमित जुगु दु धका स्वास्थ्य मन्त्रालयं धागु दु।

वंगु २४ घण्टाया दुने स्वनिगलय् १९६६ कोरोना संक्रमित जुगु दु धका स्वास्थ्य तथा जनसंख्या मन्त्रालयं धागु दु ।

वंगु २४ घण्टाया दुने जक १६०२म्हेसित कोरोना पुष्टि जुगु दु ।

अथेहे यलय् २४० म्ह व ख्वपय् १२४ म्हेसित कोरोना संक्रमित जुगु दु धका स्वास्थ्य मन्त्रालयं धागु दु।

लिपागु २४ घण्टाय् जक ४५२४ म्हेसित कोरोना संक्रमण पुष्टि जुगु दु ।

सरकारं स्वनिगः दुने कोरोना अति प्रभावित जिल्लाय् १५ दिं निषेधाज्ञा यायेगु निर्णय यागु दु ।

व स्वया न्ह्यः येँ, यल व ख्वपय् छवाःया निति निषेधाज्ञा घोषणा यागुलि मन्त्रिपरिषदं सोमवाः चान्ह्यया बैठकं १५ दिं निषेधाज्ञा यायेगु निर्णय यागु दु।

मन्त्रिपरिषद् बैठक च्वने न्ह्यः स्वनिगः दुने च्वपि प्रमुख जिल्ला अधिकारीपिनिगु बैठकं ७ दिंया निति निषेधाज्ञा यायेगु घोषणा याःगु खः ।

अथेहे सरकारं दक्को हे परीक्षा स्थगित यासे कोभिड–१९ सङ्कट व्यवस्थापन केन्द्र (सीसीएमसी) या निर्णय पारित यागु खः । अथेतु, सरकारं मेगु निर्णय मजुतले देयन्यकया विद्यालय बन्द यायेगु निर्णय यागु दु।

पहाडी क्षेत्रया २ सय व सहरी क्षेत्रय् ५ सय स्वया अप्वो जुगु थासय् सङ्क्रमित ज्ुइवं हे निषेधाज्ञा यायेगु सीसीएमसीया निर्णय न मन्त्रिपरिषदया बैठकं सदर यागु दु।

 कर्मराज महाविहार बौद्ध गुम्बाया निर्माण ज्या क्वचा वंगु २०७२ सालया तःभुखाचं ध्वस्त जुगु स्वयम्भुया बुद्धचार्य पुजारीपिनिगु १७ खा छेँ, कोपा द्यःछेँ व कर्मराज महाविहार बौद्ध गुम्बाया निर्माण ज्या क्वचागु दु ।

थौं छगु ज्याझ्वः दथुइ संघीय सांसद माननीय जीवनराम श्रेष्ठं उलेज्या यानादीगु दु । सम्बन्धित बुद्धचार्य परिवार व महाविहारयात छगु ज्याझ्वः दथुइ हस्तान्तरण यानादीगु दु। उगु ज्याझ्वलय् सांसद श्रेष्ठं थुगु नमुना ज्या जुगु धका धयादीसे ०७२ या तःभुखाचं जुगु क्षति जुगु थुगु चुक व बहाः मे थाय् न थथे हे हाउस पुलिङया योजना दयका न्ह्या वने फइ धका धयादीगु दु ।

स्वयम्भुया मौलिकता संरक्षण याये फुसा जक थुकिइ महत्व दइ व स्वदेशी नाप बिदेश पर्यटक स्वयेत वइ धका धयादीगु दु। १७ खा बुध्दाचायपिनिगु छेँ व छखा  क्वाःपा द्यः नाप कर्मराज महाविहार निर्माण खर्च १५ करोड बजेटया खः।

येँ महानगरपालिकाया मेयर विद्यासुन्दर शाक्य, पुरातत्वया पुर्ब महानिर्देशक भेषनारायण दहाल, महानगरया उपमेयर हरिपप्रभा खड्गी व बिहारया लामागुरूपिन्स नुँगः खँ तयादीगु खः।

येँ महानगरपालिकाया प्रवक्ता नाप १५ अध्यक्ष ईश्वरमान डंगोलया सभाध्यक्षताय् जुगु िवडा सदस्य निमा घ्याम्छो न सन्चालन यानादीगु खः।