वीरगञ्जय् थौं मंगलवाः सनिलय् थप छम्ह कोरोना संक्रमित सीउगु दु थ्व नाप छन्हुया दुने सीपि प्यम्ह थ्यगु दु ।

थौं मंगलवाः ७ः३० बजे पोखरिया नगरपालिका– २ य् च्वम्ह ७२ दँ दुम्ह सीगु दु। वैशाख १३ गते नारायणी अस्पतालय् भर्ना जुम्ह एन्टिजेन परीक्षण यागुलि कोरोना संक्रमण पुष्टि जुगु दु ।

मंगलवाः हे मदुपि वीरगञ्ज बारा परवानीपुरय् ४५ दँ दुम्ह मिजंम्ह, जितपुर सिमरा उपमहानगरपालिका–२ य् ४० दँ दुम्ह मिसा व वीरगञ्ज महानगरपालिका–२५ या ६५ दँ दुम्ह मिसा सीउगु दु।

नेपाल राष्ट्र बैंकया गभर्नर महाप्रसाद अधिकारीें अर्थतन्त्र थप प्रभावित जुइ धका धयादीगु दु।

राष्ट्र बैंकया थःगु स्थापना ६५ दँ पूरा जुया ६६ क्वःगु दँय् प्रवेश जुगु लसताय् जुगु ज्याझ्वलय् न्ववानादीसे गभर्नर अधिकारीे कोरोना संक्रमणया निक्वःगु लहरं स्वास्थ्य सङ्कट अझ अप्वोया वंगुलि अर्थतन्त्र थप प्रभावित जुया जोखिम दु धका धयादीगु खः।

कोभिड–१९ या कारण मनू जातिं देयन्यक गम्भीर स्वास्थ्य सङ्कट सामना याना वयाच्वगु दु धका धयादीसे थुकिइ मानवीय व आर्थिक संकटय् संयमतापूर्वक उचित व्यवस्थापन नाप आर्थिक क्रियाकलाप बालाक सञ्चालन व व्यवस्थापन याये मागुलि बःबियादीगु दु।