प्रधानमन्त्री नाप नेकपा एमालेया अध्यक्ष केपी शर्मा ओलीें संसदीय दलया बैठक थौं प्रधानमन्त्री निवास बालुवाटारय् सुथय् ११ बजे बैठक सःतूगु दु ।

थौया बैठक सूर्य चिंपाखे त्याःपि सांसदपिन्त बैठक सःतूगु धका एमाले प्रमुख सचेतक विशाल भट्टराई न जानकारी बिःगु दु।

उगु संसदीय दलया बैठक माधवकुमार नेपाल व झलनाथ खनाल समूह धाःसा सहभागी मजइगु दु।

थःपिनिगु राष्ट्रिय कार्यकर्ता भेला जारी जुया च्वंगुलि संसदीय दलया बैठकय् सहभागी जुइ फइ मखु धका माधव नेपाल समूहया नेता योगेश भट्टराई न जानकारी बिःगु दु ।

थुगु समूहपाखे बालुवाटारय् ग्वसाः ग्वःगु चियापान ज्याझ्वः तक बहिस्कार याःगु खः।

मदुम्ह वाम बुद्धिजीवी नाप नेपालभाषाया वरिष्ठ समालोचक प्रा. माणिकलाल श्रेष्ठया अन्तिम श्रद्धांजलि व अन्त्येष्टि थौं याइगु जूगु दु ।

उकिया लागिं थौं ११ बजे वय्कःया सीम्हयात थँहितिया छेँय् हयाः अन्तिम श्रद्धांजलि ज्याझ्वः याइगु ग्वसाः दु ।

अन लिपा अनं तुं शवयात्रा यानाः शोभा भगवती यंकीगु ग्वसाः दु ।

जर्मनीइ दीम्ह वय्कःया तःधीम्ह काय थ्यंकः वयेवं वय्कःया अन्त्येष्टि यायेगु ग्वसाः यानातःगु खः 

वःगु चैत्र ३ गते प्रा. श्रेष्ठ ८९ दँया वैंशय् मदुगु खः ।

नेकपा एमालेया नेपाल समूह सांसदपि पार्टी अध्यक्ष नाप संसदीय दलया नेता केपी शर्मा ओलीं बिहीवाः सःतूगु संसदीय बैठकय् मवनिइगु जुगु दु। बुधवाः सुरु जूगु राष्ट्रिय कार्यकर्ता भेलाय् व्यस्त जुगुलि बैठकय् वने फइ मखु धका सांसद नाप सचिव योगेश भट्टराई न धाःगु दु ।

थःपि राष्ट्रिय भेलाबारे प्रधानमन्त्री नाप संसदीय दलया सचिवालयय् जानकारी दुगुलि वयकलं धयादीगु दु, ‘दलया बैठकय् वनेत छु न समस्या मदु ।

तर भेलाय् व्यस्त जुगुलि कन्ह्यः जुइगु बैठकय् उपस्थित जुइ फइ मखु ।’ तर ७ चैतय् सःतूगु केन्द्रीय कमिटी बैठकय् वने फइ मखु धका नेपाल समूहया एमाले सचिव भट्टराई न धाःगु दु।

सर्वोच्च अदालतया आदेश कथं एमालेयात संगठन व विचारया रुपं २ जेठ २०७५ य् लिहा वःसा जक केन्द्रीय कमिटीया बैठकय् वनेयेगु धका धाःगु दु ।

सरकारं कोरोना भाइरसविरुद्धया खोप अभियान आःया लागि स्थगित याःगु दु ।

स्वास्थ्य मन्त्रालय अन्तर्गत इन्सिडेन्ट कमाण्ड सिस्टमया (आईसीएस) बैठकं खोप उपलब्ध मजू तलया लागि खोप अभियान स्थगित यायेगु निर्णय याःगु दु।

बुधवाः तक ५५ दँ स्वया अप्वोसिया नागरिकपिन्त खोप बिइगु ज्याझ्वः दुगु खःसा खोप उपलब्ध मजुतलया लागि स्थगित जूगु धका स्वास्थ्य मन्त्रालयया प्रवक्ता डाक्टर जागेश्वर गौतमं जानकारी बिःगु दु। स्वास्थ्य मन्त्रालयया नियमित प्रेस ब्रिफिङय् प्रवक्ता गौतमं खोप उपलब्ध जुइवं सूचं बिया हाकनं अभियान सुरु यायेगु धका धाःगु दु।

अग्रिम भुक्तानी याःगु खोप बच्छि जक वःगु व कोभ्याक्स सुविधाया खोप न लक्ष्य कथं मवःगु  नाप खोप वइगु सुनिश्चित मजूगुलि आःया लागि खोप अभियान स्थगित यायेगु निर्णयय् थ्यःगु धका स्वास्थ्य मन्त्रालयं धाःगु दु ।

प्रधानमन्त्री केपी शर्मा ओलीें नेकपा एमाले संसदीय दलया बैठक सःतूगु दु।

संसदीय दलया नेता हैसियतं प्रधानमन्त्री ओलीं बिहीवाः सुथय् ११ बजे प्रधानमन्त्री निवास बालुवाटारय् संसदीय दल बैठक सःतूगु दु धका एमाले नेता विशाल भट्टराई न जानकारी बिःगु दु ।

‘सूर्य चुनाव चि) ज्वना त्याःपि सकसित संसदीय दलया बैठकय् ब्वनागु दु ’ धका भट्टराई न धाःगु दु।

भट्टराईयात प्रधानमन्त्री ओलीं साविकया नेकपा संसदीय दलया नेता हैसियतं प्रमुख सचेतकयात जिम्मेवारी बिःगु दु ।