Display Style:
Column Style
अनलाइन डिसनरीया येँ महानगरया मेयरपाखे बिमोचन
नृपेन्द्रलाल श्रेष्ठ | कछलागा सप्तमी ११४१, मंसिर २२ सोमवाः
हलि नेवाः दबुया ग्वसालय् नेपालभाषायाःगु अनलाइन डिसनरि फेसबुक लाइभ ज्याझ्वःयासे बिमोचन जुगु दु ।
फेसबुक लाइभपाखे येँ महानगरपालिकाया मेयर बिद्यासुन्दर शाक्य उगु अनलाइन डिसनरिया बिमोचन यानादीगु खः। अमेरिकाय् च्वम्ह दिपेश शाक्य आःतक ५०७ शब्द दु थ्याका तयाःगु दु धका धयादिसे लिपा हाकन मेमेगु शब्द तनायकेगु जुइ धका धयादीगु खः।
येँ महानगरया मेयर शाक्य न्हापा हलि नेवाः दबूया तँमुज्याय् ग्वाहालि यानागु आः सहकार्य याना वनेत थः तयार दुगु । दबुया मेमेगु ज्याझ्वल् सहकार्य याना वनेत थः तयार दु धका धयादीगु खः।
दबुया नायः सिजन श्रेष्ठ दबुया कुतल थुगु डिसनरि पिकानःगु धका धयादीसे येँ महानगरपालिका थःगु महानगर दुने छगु निसे च्याःगु तःगि तक नेपालभाषा ब्बकेगु निर्णययात दबुपाखे लसकुसयासे मेमेगु स्थानीय सरकार न थुगु पलाः न्ह्याकि धयागु भलसा कयादीगु खः।
ज्याझ्वः रश्मीला प्रजापति न्ह्याकादीगु उगु ज्याझ्वलय् हलि यकं च्वपि नेवाः तयेगु ब्बति दुगु खः।
रामशेखर लुमन्ति सिरपाः महेन्द्रगोपाल कर्माचार्ययात लल्हात
लहानान्युज | कछलागा सप्तमी ११४१, मंसिर २२ सोमवाः
रामशेखर लुमन्ति दबूया ग्वसालय् ‘रामशेखर लुमन्ति सिरपाः’ ज्याझ्वः जुगु दु ।
छगु ज्याझ्वः दथुइ मूपाहाँ तिलक प्रकाश कायस्थं साहित्यकार महेन्द्र गोपाल कर्माचार्ययात नगद नापं हनापौ बिया हनेज्या याःगु दु।
उगु सिरपाया लागि ११३९ य् पिदंगु दबुलिइ झीगु कृति मध्ये च्वमि कर्माचार्यया ‘इलं न्यंगु न्ह्यसः’ दकलय् च्वछाये बहःजूगु ल्यज्या पुचःया दुजः मल्ल के सुन्दर व पूर्ण काजि ताम्राकारं धयादिगु खः।
कोरोनाया बहानाय् अतिरिक्त शुल्क कालकि कारवाही याइगु
लहानान्युज | कछलागा सप्तमी ११४१, मंसिर २२ सोमवाः
स्वास्थ्य तथा जनसङ्ख्या मन्त्रालय नं कोभिड–१९ या बहानाय् बिरामीपिन्त अतिरिक्त शुल्क मकायेगु लागि निर्देशन बिःगु दु।
मन्त्रालयया सहप्रवक्ता डा समीरकुमार अधिकारी न छु निजी अस्पतालं कोभिड–१९ या बहानाय् बिरामीपाखे अतिरिक्त शुल्क कायेगु याना वयाच्वंगुलि अथे अतिरिक्त शुल्क मकायेत निर्देशन बिःगु खः। बिरामी तयेत अतिरिक्त शुल्क कालकि अज्यागु अस्पतालयात कानून कथं कारवाही यायेगु जुइ धका धाःगु खः ।
“कोभिड–१९ या सन्र्दभय् छु निजी अस्पतालं दक्को किसिमया सेवाय् कोभिड–१९ या बहानाय् अतिरिक्त शुल्क जोडे याना कयाच्वंगु गुनासो वःगुलि मन्त्रालयया गम्भीर ध्यानाकर्षण जुगु दु”, धका धाःगु दु।
स्वनिलय् ४८४म्ह कोरोना सक्रमित
शोभा श्रेष्ठ | कछलागा षष्ठी ११४१, मंसिर २१ आइतवाः
वःगु २४ घण्टाया दुुने स्वनिगलय् ४८४ म्हेसित कोरोना पुष्टि जुगु दु ।
स्वास्थ्य तथा जनसंख्या मन्त्रालयया कथं थौं आइतवाः ४८४ म्हेसित कोरोना संक्रमित थपे जूगु दु।
संक्रमित जूपि मिसापि १८७ व मिजंपि २९७ म्ह खः ।
थौं देयन्यकं १०९६ म्हेसित कोरोना संक्रमित थपे जूगु दु।
२४ घण्टाय् १७५२ म्ह कोरोनामुक्त, १७ म्ह मन्त
शोभा श्रेष्ठ | कछलागा षष्ठी ११४१, मंसिर २१ आइतवाः
स्वास्थ्य मन्त्रालयया कथं २४ घण्टाय् १ हजार ७५२ म्ह कोरोना संक्रमणमुक्त जुया डिस्चार्ज जुगु दु।
नेपालय् थ्व नाप आःतक २ लाख २५ हजार ८०५ म्ह कोरोनामुक्त जुइ धुकुगु दु ।
अथेहे २४ घण्टाय् कोरोना संक्रमणं सीपि १७ म्ह सी धुकुगु दु।
आःतक कोरोना सीपि १ हजार ५९४ म्ह थ्यःगु दु ।
