समाजसेवी मोतिलाल शिल्पकारं न्ह्याकावःगु मोति सहयोगी संस्थापाखें लय्पतिकं बियावःगु आर्थिक ग्वाहालि थुगु लाय् नं लःल्हाःगु दु ।

संस्थापाखें ७५ दँ वा व स्वयां च्वय्या ज्याथः नागरिकपिन्त वासः न्याय्त बियावःगु आर्थिक ग्वाहालि वंगु आइतबाः न्याक्वःगु खुसी लःल्हाःगु खः । संस्थां हरेक महिनाया १ गतेया दिनय् न्हिं सच्छिया ल्याखं लच्छिया स्वद्वः तकाया आर्थिक ग्वाहालि ज्याथः नागरिकपिन्त बियावःगु खः ।

सुं नं वासः नयाच्वनेमाःपिं ज्याथःपिनि आर्थिक समस्याया ल्याखं वासः त्वःमफीमा धइगु ल्याखं थम्हं आर्थिक ग्वाहालि बियावयागु संस्थाया नायः मोतिलाल शिल्पकारं धयादिल ।

आः ४६ म्ह ज्याथः नागरिकपिन्त ग्वाहालि बियावयागु व ५० म्हेसित ग्वाहालि याय्गु लक्ष्य दुगु नं शिल्पकारं कनादिल । शिल्पकारं वंगु मंसीरनिसें थुगु ग्वाहालि बीगु न्ह्याकूगु खः ।

समाजसेवी अजरमान जोशी प्रधान सेनापति प्रशंसा पदकपाखें सम्मानित जूगु दु ।

यलय् जनतालिसे सेनाया ज्याझ्वःयात प्रभावकारी दय्केत ब्यूगु महत्वपूर्ण योगदानयात च्वछासें नेपाली सेनां समाजसेवी जोशीयात उगु पदकपाखें सम्मानित याःगु खः ।

सेना दिवस– २०७७ या लसताय् जोशीयात नेपाली सेनां उगु पदक लःल्हाःगु खः । नेपाली सेनाया राजदल गणं जनतालिसे स्वापू थकाय्त ग्वसाः ग्वःगु थीथी ज्याझ्वः सुथां लाकेत जोशीं संयोजन यानादीगु खः ।

वय्कःया उगु हे संयोजनकारी भूमिका कदर यासें उगु पदक लःल्हाःगु खः ।

लहनान्युजलिसे खँ ल्हासें ललितपुर उद्योग वाणिज्य संघया पुलांम्ह नायः तकं खःम्ह समाजसेवी जोशीं थःगु योगदानया कदर याःगुलिइ नेपाली सेनाया प्रधानसेनापति पूर्णचन्द्र थापा, राजदल गणलिसें नेपाली सेनायात आभार प्वंकादिल ।

नेपाःया सर्वमान्य नेता लिसें लौहपुरुष गणेशमान सिंहया १०६ क्वःगु बुदिंया लसताय् नेपाल तरुण दल क्षेत्र न. १ या ग्वसालय् जूगु क्षेत्रिय कासाय् स्तरया कासाय् ल्यू लाःपिं कासामिपिन्त भिंतुना लिसें  हना ज्याझ्वः क्वचाःगु दु ।

एच डि थ्रितिनया ग्वसालय् जूगु ज्याझ्वलय् कासाय् ल्यू लाःगु नेपाल तरुण दल क्षेत्र न. ८ या कासामिपिन्त भिंतुना देछाय्गुलिसें हंगु खः । ज्याझ्वलय् सभासद राज्यलक्ष्मी श्रेष्ठं कासामिपिन्त हनापौ लःल्हानादीगु खः ।

नुगः खँ तय्गु झ्वलय् सभासद श्रेष्ठ देशया प्रतिष्ठा थकाय्त कामामिपिनिगु तःधंगु योगदान दुगुलिं कासामिपिन्त माःगु सुबिधा बीत राज्यं कंजुस्याईँ यायमज्यूगु धयादिल ।

ज्याझ्वलय् येँ महानगरपालिका २० वडाया वडाध्यक्ष राजेन्द्र मानन्धरया नं उपस्थिती दुगु खः ।

नेवाः पत्रकार राष्ट्रिय दबूया नायः सुरजबीर बज्राचार्यं छगु बिज्ञप्ति जारी यासे येँ महानगरपालिकायात दँनिसें थःगु क्षेत्रया दक्वं ब्वनेकुथिइ १ गू तगिंनिसें ८ तकब्वंकेगु नितिं पाठ्यक्र मदयेकेगु झ्वलय् १ निसें ४ गू तगिंतकया पाठ्यक्रम“येँ देय् म्हसीके” सार्वजनिक याःगु अतिकं लसताया प्वकूगु दु ।

“मथां आखः सयेकेगु जूसामां भासं ब्वङ दिसँ ।” १३७दँन्ह्यःथुगु धर्तीइ पलाःतयाः राणकालीन व इलय् मांभाय् शिक्षायामहत्वया सः तयादीम्ह, हलिमय् लोकंह्वाःगु बाखंयात नेवाःभासं भाय् हिलाः“इसपं दयेकातःगु बाखं”पिथनादीम्ह नेपालभाषायाप्यंगःथौं मध्ये छगः थां मास्टर जगतसुन्दर मल्लं तयादीगु सः व म्हगसःथौं पूवनाच्वंगु अनुभव समाजं याःगु दु । नेपालभाषायाथुगु पाठ्यक्र मदयेकेगु ज्याय् योगदान यानादीपिन्त पत्रकार राष्ट्रिय दबूपाखें यक्वः यक्वः सुभाय् नं देछानागु जुल ।

अझ थुकीथुगु दबुलिं सकल आदिवासी जनजाति, मधेसी पत्रकारपिनिगु साथ कयाः ल्ह्वना वयाच्वंगु सः देय्या दकले न्हापांम्ह मातृभाषी पत्रकार धर्मादित्य धर्म

चार्यया जीवन व कर्मया खँ नं दुथ्याःगुलिं नं नेवाः पत्रकारपिनिगु नुगः लसतां जाःगु खँ नं न्ह्यथने ।  नेवाःभाय् ब्वनाः छु दइ? ल्हानाः छु दइधइगु न्ह्यसःलुयाच्वंगु इलय् थुगु हे ज्यायानितिं जनशक्तियानितिं इनाप जूगुपाखें ब्वलंगु गौरवं जाःगु लकस नं लुमंके । झी नेवाःतय्गु भविष्यधइगु हे नेवाःभाय्या भविष्य खःसा थुकिया बल्लाःगु आशा धइगु शिक्षाय् नेवाः भाय् हे खः । अझ नेवाःभाय् संरक्षण व प्रचार प्रसारया नितिं प्रत्यक्ष अप्रत्यक्ष भूमिका म्हिताच्वंगु नेपालभाषाया संचार ख्यःया आधारतकं नेपालभाषा शिक्षा हे खः ।

सकभनं लसता ह्वःगु व लँक्यंगु थुगु ज्यायानितिं येँ मनपाया मेयर विद्यासुन्दर शाक्य, उपमेयर हरिप्रभा खड्गीश्रेष्ठ, मनपाया शहरी योजना आयोग, शिक्षाविभाग, पाठ्यक्रम समिति, सकल महानगर परिवारव थुगु निर्णय उत्साहं कार्यान्वयनयानादीपिं सकल ब्वनेकुथियात पत्रकार राष्ट्रिय दबू परिवारपाखें दुनुगलंनिसें सुभाय् देछाःसें ५ निसें ८ गू तगिंया पाठ्य सफू नं याकनं पिदनेमा धइगु भलसा नं प्वंका ।

थुलिलोकं ययेकूगु निर्णयलिसें न्ह्याःगु ज्याय् सकलसिगु तिबःउत्तिकं दयेमा । येँमनपाया थुगु व थजाःगु पलाःधिसि धयाःवनेमा, थजाःगु पलाःधिसि धाइगु धइगु मेमेगु स्थानीयतहयानितिं नं हःपाखः धयादीसे पत्रकार दबू न छगु बिज्ञप्ति पिकासें येँ महानगरपालिकाय सकल दुजःपिन्त सुभाय् देछानादिगु खः। 

खनाल–नेपालपि निर्वाचन आयोगय् नेकपा एमालेया विवाद निर्वाचन आयोगय् वःगु दु ।

अध्यक्ष केपी शर्मा ओलीं २८ फागुनय् थः यकति रुपं याःगु निर्णययात वैधता मबिइगु माग यासे वरिष्ठ नेता झलनाथ खनाल, माधवकुमार नेपाल लगायत उमि पक्षीय पदाधिकारी व स्थायी कमिटी सदस्यपि आयोगय् थ्यःगु खः।