नेवाः न्ह्यलुवाः नाप वाम आन्दोलनया अग्रज, समालोचक प्रो. माणिकलाल श्रेष्ठ ८९ दँय् थौं मन्त ।

वयकः थौं मंगलवाः सुथय् ८ बजे पाखें मेडिसिटी अस्पताल वासः यायेगु झ्वलय् मदुगु खः। मदुम्ह श्रेष्ठ निम्ह काय् दु ।

वयकःया अन्तिम संस्कार छम्ह काय् विदेशय् दुगुलिं गुब्ले याये धइगु खँय् सहलह जुयाच्वंगु खँ वयकःया छेँजः पिन्सं धाःगु दु ।

वयकःयात लहना प्यदँ बुदिंया लसताय् लहना पंचबीर सिरपाःपाखे सम्मानीत जुयादीइ धुकुम्ह खः।

यलया भन्दाः क्यबय् करीब सच्छि दँ न्ह्यःनिसें दिनाच्वंगु ६ सः दँ पुलांगु छगू परम्परा हाकनं निरन्तर जूगु दु ।

दँय्दसं सिलाचः¥हेया दिं लाकाः भन्दाः क्यबय् दुगु मणिकेश्वर महाःद्यःया रुद्राभिषेक पूजा हाकनं न्ह्याःगु ख । वंगु बिहिबाः सिलाचः¥हेया दिनस भन्दाः क्यबय् मणिकेश्वर महाःद्यःया रुद्राभिषेक पूजा व सप्तसती चण्डी पूजा याःगु खः । पाटन संग्रहालयया पहलय् बिहिबाः यल तलेजुया पुजारीपिन्सं मणिकेश्वर महाःद्यःया रुद्राभिषेक पूजा व सप्तसती चण्डि पाठ याःगु खः ।

तलेजुया पूजारी वासुदेव ज्वालानन्द राजोपाध्यायं महाःद्यःया एकादश आवृत्ती रुद्राभिषेक पूजा याःगु खःसा रक्षण राजोपाध्यायं सप्तसती चण्डि पाठ याःगु खः । महाःद्यःया पूजा न्ह्यः क्षमापूजा नं याःगु खः । दिनाच्वंगु परम्परायात हाकनं न्ह्याकेत क्षमापूजा याःगु खः ।सिलाचः¥हेया दिनय् भन्दाः क्यबय् मणिकेश्वर महाःद्यःया रुद्रि याय्गु परम्परा ६ सः दँ स्वयां न्ह्यः हे न्ह्याःगु खः । भन्दाः क्यबय् दुगु छगू अभिलेख कथं थुगु मणिकेश्वर महाःद्यःया शिवलिङ्ग ने.सं ५३५ (वि.स. १४७१) पौष शूक्ल पुन्हि बुधबाःया दिनय् स्थापना जूगु खः ।

जयज्योतिर्मल्लको पालामा वंथुनिम्हयाम्ह यंकुलि वर्मा, वय्कःया जहान मदन लक्ष्मी व काय् जयसिंहसहित जुयाः शिवरात्री व्रत च्वनेत साढे ३ रोपनी जग्गा तयाः गुठी न्ह्याकाः उम्ह महाःद्यः स्थापना याय्गुया लिसें रुद्राभिषेक पूजा तकं न्ह्याकूगु खँ अभिलेखय् च्वयातःगु दु । ६ सः व ६ दँ पुलांगु थुगु परम्परा द्यूगु धाःसा यक्व हे दय्धुंकल ।

सच्छि दँ न्ह्यः हे थुगु परम्परां दिपाः काय्धुंकूगु खनेदुगु पाटन संग्रहालयया अधिकृत सुरेश लाखें धयादिल । लिपांगु खुसी थुगु रुद्राभिषेक पूजा गबले यात धइगु मिति यकिन यानाः धाय् मफइगु अधिकृत लाखेया धापू खः । ‘थन दुगु अभिलेख अध्ययन याय्धुंकाः सिलाचः¥हेया दिनय् थन रुद्राभिषेक पूजा याय्गु परम्परा दुगु खँ सिल’, लाखें धयादिल, ‘सच्छि दँ स्वयां अप्वः जुइधुंकल जुइ, थुगु परम्परा दिनाच्वंगु, थुगुसीया सिलाचः¥हेनिसें पुलांगु परम्परायात हाकनं निरन्तर याय्फत, गर्व महसूस जुयाच्वंगु दु ।’ पुलांगु परम्परायात हाकनं म्वाकेत थम्हं नं छुं योगदान बी खनाः गौरवान्वित जुयाच्वनागु पुजारी राजोपाध्यायं धयादिल ।

‘उलिमछि पुलांगु परम्परा दिनाच्वंगु जुयाच्वन, थः पुर्खां हिचःति हाय्काः न्ह्याकातःगु परम्परा छुं कारणं दिनावन, हाकनं थ्व न्ह्याकेत छुं योगदान बी खन, गौरवान्वित तायाच्वंगु दु’ राजोपाध्यायया धापू खः । बिहिबाः रुद्राभिषेक पूजा क्वचाय्धुंकाः वयां कन्हय्कुन्हुनिसें हे मणिकेश्वर महाःद्यःया नित्य पूजा नं न्ह्याःगु तलेजु पूजारी रक्षण राजोपाध्यायं धयादिल ।

वःगु २४ घण्टाया दुने देयन्यक ७९ म्हेसित कोरोना भाइरस (कोभिड–१९) संक्रमण पुष्टि जूगु दु । ३ हजार ३११ म्हेसिगु नमुना परीक्षण यागुलि ७९ म्ह कोरोना भाइरसया संक्रमण खनेदुगु धका स्वास्थ्य तथा जनसंख्या मन्त्रालयं धाःगु दु।

थ्व नाप नेपालय् कोरोना संक्रमितपि आःतक २ लाख ७५ हजार ३१० म्ह थ्यःगु दु । उकि मध्ये वःगु २४ घण्टाय् ७५ म्ह कोरोनामुक्त जुगु दु । थ्व नाप आःतक २ लाख ७१ हजार ४०१ म्ह कोरोनामुक्त जुगु दु ।

अथेहे ३ हजार १४ म्ह कोरोना सी धुकुगु द । 

नेकपा एमालेया माधवकुमार नेपाल समूह थःगु पक्षय् दुपि केन्द्रीय सदस्य व सांसदपिन्त बैठक सःतूगु दु ।

थौं सोमवाः पार्टी अध्यक्ष केपी शर्मा ओली समूह नाप जूगु सहलहया जानकारी बिइत थःगु समूहया नेतापिन्त सःतूगु खः। भेला सुरु जुगु दु।

थ्व स्वया न्ह्यः थौं सुथय् जुगु वाताय् थःथःगु पक्षया अडान कायम जुया च्वंगु खः ।

स्थिर लुँया भाः थौं स्थिर जुगु दु।

लुँ तोलाया थौं ८६ हजार ६ सय रुपैयाँय् हे कारोबार जूगु दु धका नेपाल सुनचाँदी व्यवसायी महासङ्घं  धाःगु दु ।

अथेहे थौं वहःया भाः न्यातका थहा वःगु दु। तोलाय् न्यातका थहा वना १२७५ रुपैयाँय् कारोवार जुगु दु धका महासङ्घं धाःगु दु ।