शान्ति सुरक्षा व अपराध न्यूनीकरणय् ल्याय्म्ह तयेगु महत्वपूर्ण भूमिका दइ धका धयादीगु दु।

राष्ट्रिय युवा महासंघ नेपाल यलं थौं शनिवाः मंगलबजारया पाटन संग्रहालय् ग्वसाः ग्वःगु शान्ति सुरक्षा व अपराध मुक्त समाज निर्माणय् ल्याय्म्हपिनिगु भूमिका विषयक अन्र्तक्रिया ज्याझ्वलय् अथे धयादीगु खः। उगु ज्याझ्वलय् ललितपुरया प्रमुख जिल्ला अधिकारी ढुण्डीप्रसाद निरौलां ल्याय्म्हपि धइगु ह्यूपा हइपि खः उल्लेख यानादीसे इमिके सकारात्मक सोच, सामाजिक मूल्य व मान्यताप्रति संवेदनशीलता व रचनात्मक क्रियाकलापय् सहभागी याके फतकि अपराधया दरय् कमी वइगु विश्वास यानादीगु दु ।

उगु ज्याझ्वलय् महानगरीय प्रहरी परिसर ललितपुरया प्रमुख नाप प्रहरी वरिष्ठ उपरीक्षक किरण बज्राचार्यं ल्याय्म्हपि अपराधिक ज्याय् संलग्न जुगु धइगु सामाजिक, आर्थिक, मनोवैज्ञानिक तत्वया प्रभावबारे थीथी अनुभवया दृष्टान्त बियादीसे बालागु संस्कार, सामाजिकरणं अपराध न्यूनीकरणय् ग्वाहालि जुइगु बिचाः प्वकादीगु खः ।

अरनिको सांस्कृतिक तथा व्यावसायिक समाजया अध्यक्ष अजरमान जोशीं प्रहरी प्रशासनयात स्वयेगु सामाजिक दृष्टिइ ह्यूपा कयेत ल्याय्म्हपिनिगु अभियानं बालागु भूमिका निर्वाह याःगु दु धक धयादीगु दु। उगु ज्याझ्वलय् युवा महासंघ नेपालया सल्लाहकार नाप नेवाः पत्रकार राष्ट्रिय दबूया महासचिव सुनील महर्जनं समाजय् ज्याय्म्हपिनिगु ज्ञान, बिचाः व न्ह्यसः यायेगु स्वभावयात स्वीकार यायेमाः उमिके दुगु क्षमता व प्रतिभायात सामाजिक रुपान्तरणय् हये फयेकेमाः धका धयादीगु दु। वयकलं अपराधय् ल्याय्म्हपिनिगु संलग्नता समाज व परिवेशया उपज खः धका धयादीगु खः।

उगु ज्याझ्वलय् बौद्ध अध्ययेता अनिल शाक्यं सारा अपराधया जग हे मनू तयेके सुलाच्वंगु अतिशय लोभ, द्वेष व मोह खः धका धयादीसे उकियात हटे याना बालागु परिवेश, शिक्षा संस्कारसहित आध्यात्मिक शिक्षा माःग् धका बिचाः तयादीगु खः। उगु ज्याझ्वलय् महासंघया अध्यक्ष राजन महर्जनं थौं कन्ह्यया प्रशासन युवामैत्री मजुगुलि यक्को दुःख जुगु । उकि सार्वजनिक प्रशासन ल्याय्म्ह प्रति संवेदनाशील जुइ माःगुलि बः बियादीगु दु। उगु ज्याझ्वलय् महासंघया उपाध्यक्ष प्रणीता शाक्य, समाजसेवी हसिना शाक्य, महासंघया सचिव सुरज खड्का, प्रहरी उपरीक्षक प्रज्वल महर्जन, प्रहरी नायब उपरीक्षक रमेश बोहोरापिनिगु न  उपस्थिति दुगु खः ।

येँ महानगरपालिकाया मेयर विद्यासुन्दर शाक्यं थौं शनिवाः छगु ज्याझ्वलय् युनेस्कोया सम्पदा धलखय् दुगु इतुम्बहालय् च्वंगु श्री भाष्करदेव संस्कारित केशचन्द्रकृत पारावत् महाविहारया कूलद्यः छेँया पुननिर्माण लिपा उलेज्या यानादीगु दु । मेयर शाक्यं उलेज्या ज्याझ्वलय् थःगु नुँगः खँ तयेगु झ्वलय् मूर्त÷अमूर्त अभियान अन्तर्गत थःगु कार्यकालय् येँ दुने दुगु दक्को कुलद्यः छेँ, आगः छेँ नाप बहाः व बिहार पुननिर्माण याये धुकागु दु धका धयादीग् दु ।

मेयर शाक्यं मूर्त जक मखु अमूर्त सम्पदाया संरक्षणया ज्या न जुइ धुकुगु दु धका धयादीगु दु । मेयर शाक्यया कथं पुननिर्माण याना कूलद्यः छेँ श्री भाष्करदेव संस्कारित केशचन्द्रकृत पारावत् महाविहार संरक्षण समाजयात थौं लल्हागु खः । वयकलं धयादीगु दु, आः थुकिइ महानगरपालिकां छु न हस्तक्षेप याइ मखु। आःव निसे थुकियाःगु संरक्षणर्या जिम्मेवारी केशचन्द्रकृत पारावत् महाविहार संरक्षण समाज याइ धका धयादीगु दु ।

येँ मुटुइ च्वःगु इतुम्बहाः येँ महानगपालिकाया ग्वाहालि कूलद्यः छेँया पुननिर्माण याःगु खः । उगु छेँ इतुम्बहालय् च्वपि करीब १५० म्ह स्वया अप्वोसिगु इस्ट द्यःया छेँ खः । उगु कूलद्यः छेँया पुननिर्माण निदँ न्ह्य शिलान्यास याःगु खः। केशचन्द्रवृmत पारावत् महाविहार संरक्षण समाजया अध्यक्ष क्याप्टेन चन्द्रबहादर शाक्यं इतुम्बहाःया गौरव व प्रतिष्ठाया रुपय् दुगु थुगु कूलद्यः छेँया पुननिर्माणय् ग्वाहालि यापि सकसित सुभाय् लल्हानादीगु खः ।

वयकल धयादीगु दु श्री भाष्करदेव संस्कारित केशचन्द्रवृmत पारावत् महाविहार नेपाल मण्डलया हे समृद्ध व सुविधायुक्त महाविहार खः, धका धयादीगु खः । अथेहे, महाविहार संरक्षण समाजया महासचिव प्रज्ञारत्न शाक्यं मूर्त सम्पदाया रुपय् दुगु कूलद्यः छेँया पुननिर्माण क्वचाःगु दुसा  थुगु समाजय् अझ् न यक्को अमूर्त सम्पदाया संरक्षण व जगेर्णा याये ल्यःदनि धका धयादीगु खः।

वःगु २४ घण्टाया दुने देयन्यक ११२ म्हेसित कोरोना संक्रमण पुष्टि जुगु दु ।

३ हजार ९४४ म्हेसिगु नमुना परीक्षण यागुलि ४४ म्ह मिसा व ६८ म्ह मिजंपिन्त कोरोना भाइरसया संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु ।

थ्व नाप आःतक नेपालय् कोरोना संक्रमितपि २ लाख ७३ हजार ९८४ म्ह थ्यःगु दु। उकि मध्ये थौं प्यम्ह सीगु दु । थ्व नाप सीपिनिगु ल्याः २ हजार ७७१ म्ह थ्यःगु दु। अथेहे वःगु २४ घण्टाय् थप ५४ म्ह डिस्चाजं जुया छेँय् लिहा वःगु दु ।

थ्व नाप आःतक २ लाख ७० हजार २७७ म्ह संक्रमणमुक्त जुइ धुकुगु दु । आःतक देयन्यक सक्रिय संक्रमितपि ९३६ म्ह थ्यःगु दु धका  मन्त्रालयं धाःगु दु।

गृह मन्त्रालयं सहसचिव व उपसचिव याना ५२ म्हेसित सरुवा व पदस्पथापन याःगु दु।

उकि मध्ये ३६ जिल्लाया प्रमुख जिल्ला अधिकारी पिन्त हेरफेर व छु भचा जिल्लाया सहायक प्रमुख जिल्ला अधिकारीपिन्त उखेथुखे याःगु दु।

शुक्रवाः गृहमन्त्री रामबहादुर थापां मन्त्रीस्तरीय निर्णयपाखे सिन्धुली, बागलुङ, गोरखा, सिन्धुपाल्चोक, सुनसरी, कास्की, इलाम, सल्यान, कैलाली, उदयपुर, दैलेख, चितवन, सर्लाही, दाङ, महोत्तरी, सप्तरी, ओखलढुंगा लगायतया जिल्ला प्रमुख जिल्ला अधिकारी सरुवा याःगु दु ।

नेपाली कांग्रेसया नेता नवीन्द्रराज जोशीया तसक जटिल अवस्थाय् दु धका चिकित्सकपिन्स धाःगु दु।

मस्तिष्कघात जुइवं जोशीयात वीर अस्पताल यंका वया लिपा नर्भिक अस्पताल यकूगु खः । अस्पताल यका च्वंगु इल्य् गाडीइ न्ववानाच्वम्ह अस्पताल थ्यःगु इलय् बोहोस जुगु खः । सिटी स्क्यान याना स्वगु इलय् छ्यनय् हिं जमे जुइ धुकुगुलि वीरपाखे नर्भिक अस्पताल यकूगु खः ।

जोशीया उपचारय् संलग्न नर्भिकया न्यूरो सर्जन डा. राजीव झा न धयादीगु दु, ‘वयकः कोमाय् दु । सास ल्ह्याये थाकुगु दु व बान्ता स्वय् थ्यने धुकुगु दु धका धाःगु दु।’ सास ल्ह्याये अपुकेत पाइप तयेगु नाप स्वय् थ्यःगु वान्ता लिकाःगु दु । डा. झा धयादीगु दु, ‘स्वया वनेगु झ्वलय् छगु मिखांया नानी फुले जुइ धुकुगु दु । निगलं मिखाया नानी फुले जुइगु धइगु सीइगु अवस्थाय् जक जुइ।

अथेहे मेगु बच्छि दिमागं ज्या मयाःगु खनेदु।’ सिटी स्क्यान याःगु इलय् हि दिमागया दथुइ लः जम्मा जुइगु थासय् थ्यका ब्लक याःगु खनेदु धका डा. झा न धयादीगु खः । सुगर, प्रेसर लगायतउा ल्वचं तक पीडित जुम्ह  हि छ्वालुकेगु लागि वासः नया च्वःगु दु। थज्याम्ह मनूयात सर्जरी यातकि हि यक्को बाः वनेफु उकियात बिचाः याना सर्जरी याये धका धयादीगु दु ।

डा. झा धयादीगु दु, ‘आःतक १२०÷१३० मिलिलिटर लः लिकाये धुकुगु दु । वयकःयात आः भेन्टिलेटरय् तया तइगु दुं ।’ वयकःया कथ थज्यागु अवस्थापाखे म्वापि यक्को तक प्यारालाइसिस जुइफु धका धयादीगु खः।