Display Style:
Column Style
येँ २३५७ म्ह नाप स्वनिगलय् २७२० म्हेसित कोरोना सक्रमण
लहानान्युज | कौलाथ्व सप्तमी ११४०,कार्तिक ७ शुक्रवाः
स्वनिगलय् वःगु २४ घण्टाया दुने थप २ हजार ७२० म्हेसित कोरोना संक्रमण पुष्टि जूगु दु।
थौं संक्रमित जूपि १०९२ मिसा व १६२८म्ह मिजंपि खः।
मन्त्रालयया कथं थौं पुष्टि जूपि येँ जक २३५७ म्हेसित पुष्टि जूगु दु।
अथेहे ख्वपय् १२७ म्ह व यलय् २२६ म्हेसित सक्रमण जुगु दु।
म्हिगः बिहिवाः जक स्वनिगलय् १५५२ म्हेसित कोरोना संक्रमण पुष्टि जूगु खः।
येँ महानगरया मेयर बिद्यासुन्दर शाक्यं ९ वडा भवन उलेज्या
नृपेन्द्रलाल श्रेष्ठ | कौलाथ्व सप्तमी ११४०,कार्तिक ७ शुक्रवाः
येँ महानगरपालिकां थःगु केन्द्रीय कार्यालयय्् नाप ३२ गु वडा कार्यालय भवन सुविधा सम्पन्न व सेवाग्राही मैत्री दयेकेगु नीतियात निरन्तरता बिःगु दु।
येँ महानगरपालिकाया मेयर पदभार ग्रहण याये धुका मेयर विद्यासुन्दर शाक्यं थःगु कार्यकालय् हे केन्द्रीय कार्यालय नाप ३२ गु वडा कार्यालय भवन छगु हे शैली व स्वरुपमा सुविधा सम्पन्न व सेवाग्राही मैत्री दयेकेगु प्रतिवद्धता व्यक्त यानादिगु दु। येँ महानगरपालिकाया न्हापागु नगर कार्यपालिकाया बैठकं निर्णय यानागु धका धयादिगु खः। थुकिया हे निरन्तरता बिउसे थौं मेयर शाक्यं वडा–९ या वडा कार्यालय भवनया उलेज्या यानादिगु खः।
मेयर शाक्यं उलेज्या यानादिसे थःगु कार्यकालय् केन्द्रीय कार्यालय लगायत ३२ गु वडा कार्यालय भवन सुविधा सम्पन्न व सेवाग्राही मैत्री दयेकेगु धका धयादिःगु खः। ‘जिमिगु लक्ष्य कथं येँ महानगरपालिका वडा नम्बर–९ या वडा भवन उलेज्या ताःलागु धका धयादिगु खः। जिगु कार्यकालय् हे ३२ गु वडाया कार्यालय भवन छगु हे शैलीं व स्वरुपं दयेकेगु प्रतिवद्धतायात पूरा याना त्वते धका धयादिगु खः,’ मेयर शाक्यं ‘येँ महानगरपालिका धइगुे संस्था खः, थन व्यक्ति प्रमुख जुइ मखु।
उकिया लागि महानगर व वडावासीयात सेवा बिइमाः धयादिसे सेवाग्राही मैत्री भवनया आवश्यकया दुगु धका धयादिगु खः। वडा–९ नं आः सेवाग्राही मैत्री भवनपाखे वडावासीयात बालागु सेवा बिइमाः धका धयादिगु खः।’ येँ महानगरपालिकां याकन हे महानगरपालिका भवनया न शिलान्यास यायेगु तयारी याना च्वनागु दु धका धयादिगु दु।
मेयर शाक्यं दक्को वडा भवन दयेकेगु ज्याझ्वः कथं वडा–१८ या उलेज्या जुइ धुकुगु दु धका धयादिगु खः। ‘थौं वडा–९ या उलेज्या जुल,’ आः वडा–२६, ३, ४ व १४ या भवन निर्माण जुइ धका धयादिगु खः। उगु भवन याकन हे उलेज्या जुइ धका धयादिगु खः।
येँ महानगरया इञ्जिनियर प्रेमबहादुर श्रेष्ठया कथं वडा–६ या भवन निर्माणया झ्वलय् डिपिसि चरणय् थ्यःगु दु धका धयादिसे भवन निर्माणकर्ता छनौटया लागि वडा २, १२, २१, २९ व ३२ खरिद प्रक्रियाय् दुगु धका धयादिगु खः।
वाग्मती प्रदेशया मुख्यमन्त्री डोरमणियात कोरोना संक्रमण
लहानान्युज | कौलाथ्व षष्ठी ११४०,कार्तिक ६ बिहीवाः
वाग्मती प्रदेशया मुख्यमन्त्री डोरमणि पौडेलयात न कोरोना संक्रमण जूगु दु।
हेटौंडा–१० या किटजन्य रोग अनुसन्धान तथा तालिम केन्द्रया प्रादेशिक प्रयोगशालाय् याःगु स्वाब परीक्षण रिपोर्टय् मुख्यमन्त्री पौडेलयात न कोरोना संक्रमण पुष्टि जूगु दु।
मुख्यमन्त्रीया प्रेस संयोजकया कथं येँ न हेटौंडा लिहा वयाच्वम्ह ७३ दँ दुम्ह पौडेलयात सामान्य सेँय्खँ चाःगुलि म्हिगः बुधवाः स्वाब परीक्षण याःगु खः।
मुख्यमन्त्री पौडेलयात थौं बिहीवाः न्हिनय् कोरोना संक्रमण पुष्टि जूगु खः। स्वास्थ्य अवस्था सामान्य दुगु धका धाःगु दु। प्रेस संयोजकया कथं मुख्यमन्त्री पौडेल आः हेटौंडा–२ मुख्यमन्त्री निवासय् हे आइसोलेसनय् च्वना च्वंगु दु।
देय् यकं ३६३७ म्हेसित कोरोना संक्रमण पुष्टि
लहानान्युज | कौलाथ्व षष्ठी ११४०,कार्तिक ६ बिहीवाः
वःगु २४ घण्टाया दुने थौं बिहीवाः थप ३६३७ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
म्हिगः बुधवाः जक आःतकया हे दकलय् अप्वो ५७४३ म्हेसित कोरोना संक्रमण पुष्टि जूग खः।
मन्त्रालयं थौं नियमित कोरोना मिडिया ब्रिफिङया झ्वलय् प्रवक्ता डा जागेश्वर गौतमं आःतक संक्रमितपि १ लाख ४८ हजार ५०९ म्ह थ्यःगु दु धका धाःगु दु।
आःतक देय् यकं सक्रिय संक्रमितपि ४४ हजार ८७७ म्ह थ्यःगु दु।
कोरोना सक्रमणं २१म्ह मन्त
लहानान्युज | कौलाथ्व षष्ठी ११४०,कार्तिक ६ बिहीवाः
कोरोना भाइरसया संक्रमणं थप २१ म्ह सीगु दु।
स्वास्थ्य तथा जनसंख्या मन्त्रालयया कथं वःगु २४ घण्टाया दुने कोरोना संक्रमणं देय् यकं २१ म्ह मन्त।
म्हिगः बुधवाः जक कोरोना भाइरस संक्रमणं २६ म्ह मदुगु खः।
थ्व नाप आःतक कोरोना संक्रमणं सीपिं आःतक ८१२ म्ह सी धुकुगु दु।
