Display Style:
Column Style
विप्लब पुचःया मुस्ताङ इन्जार्ज फिल्टरयात ज्वन
सिल्लाथ्व त्रयोदशी ११४१, फागुन १३ बिहीवाः
प्रतिबन्धित नेत्रविक्रम चन्द ‘विप्लब’ पुचःया मुस्ताङ जिल्ला इञ्चार्ज पदम पुन (फिल्टर) यात म्याग्दीइ नं ज्वंगु दु ।
म्याग्दीया मालिका गांपालिका–२ नं पुनयात इलाका प्रहरी ज्याकू दरवाङया टोलीं ज्वंगु जिल्ला प्रहरी ज्याकुथिं न्ह्यथंगु द्ु ।
पुनयात बिहीबाः सनिलय् हे बेनीइ हःगु दु । राज्यविरुद्धया अपराधय् ल्हाः तःगु द्वपनय् पुनयात ज्वनागु प्रहरीं धाःगु दु ।
पुन एनसेलया टावर, डोजरलिसेंया निर्माण उपकरण च्याकाब्यूगु, चन्दा असुली लिसेंया ज्याखँय् जूगु प्रहरीया द्वपं दु ।
वय्कः लिपांगु इलय् चन्द पुचःया मुस्ताङ जिल्ला इञ्चार्ज जुयाच्वंगु प्रहरीया प्रारम्भिक अनुसन्धानं सी दुगु दु ।
चन्द पुचः व सरकार दथुइ वार्ताया चर्चा न्ह्यानाच्वंगु इलय् पुनयात ज्वंगु खः ।
सरकारलिसे वार्ताया लागिं थुगु पुचलं ज्वनातःपिं नेता रिहाइया सर्त तःगु दु ।
सरकारं चन्द पुचःयात निदँ न्ह्यःनिसें प्रतिबन्ध तयातःगु दु ।
न्हूगु राजनीतिक घटनाक्रमलिसें जःलाखला देय्या राजदूतपिं सक्रिय, प्रधानमन्त्री ओलीं न राष्ट्रपति भण्डारीयात नापलानादिल
लहनान्यूज | सिल्लाथ्व त्रयोदशी ११४१, फागुन १३ बिहीवाः
नेपालया न्हूगु राजनीतिक घटनाक्रम विकास जूगुलिसें नेपालया निगू जःलाखला देय् चीन व भारतया राजदूतत नं सक्रिय जूगु दु ।
चिनियाँ राजदूत होउ यान्छी व भारतीय राजदूत विनय मोहन क्वात्रां न्हूगु राजनीतिक घटनाक्रमया बारे सीकेत कांग्रेसया सभापति शेरबहादुर देउवायात भु्इजःसिइ नापलाःगु दु ।
निम्हं राजदूतं नेपालया लिपांगु विकसित राजनीतिक घटनाक्रमया विषयस देउवालिसे सहलह याःगु धाःगु दु ।
प्रधानमन्त्री केपी शर्मा ओलीया नेतृत्वय् दुगु सरकारया संसद् विघटन यायेगु पुस ५ गतेया निर्णययात राष्ट्रपति विद्यादेवी भण्डारीं स्वीकृत यानादीगु खः । तर उगु पलाःयात सर्वोच्च अदालतं फागुन ११ गते बदर यानाब्यूगु खः ।
थुखे सर्वोच्च अदालतं संसद पुनस्र्थापनाया फैसला यायेधुंकाः न्हापांगु खुसी राष्ट्रपति विद्यादेवी भण्डारी व प्रधानमन्त्री केपी शर्मा ओली नापलाःगु दु ।
प्रधानमन्त्री ओली म्हिगः सनिलय् शीतल निवास वनाः राष्ट्रपतियात नापलानादीगु खः । राष्ट्रपति व प्रधानमन्त्री दथुइ करिब घौछित्या खँल्हाबल्हा जूगु स्रोतं कंगु दु ।
सर्वोच्चं संसद पुनस्र्थापनालिसें १३ न्हु दुने संसदया न्हापांगु मुँज्या सःतेत राष्ट्रपति व प्रधानमन्त्रीया नामय् निर्देशनात्मक आदेश बी धुंकाः शीतलनिवास थ्यंम्ह प्रधानमन्त्री ओलीं न्हूगु राजनीतिक पलाःबारे सहलह यायेत राष्ट्रपति भण्डारीयात नापलानादीगु खः ।
संसद विघटनया पलाः सर्वोच्च अदालतं पुइकाबी धुंकाः राष्ट्रपति भण्डारीयात महाभियोग तयेगु बारे नं दलतय् दथुइ नं अनौपचारिक सहलह जुयाच्वंगु अवस्थाय् प्रधानमन्त्री शीतलनिवास थ्यंकादीगु खः ।
प्रधानमन्त्री ओली व राष्ट्रपति भण्डारी दथुइ संसदया मुँज्या गबले सःतेगु धइगुबारे सहलह जूगु धाःगु दु ।
टिपरया ठक्करं छम्ह मन्त
लहनान्युज | सिल्लाथ्व चतुर्दशी ११४१, फागुन १४ शुक्रवाः
दक्षिणकाली नगरपालिका ६ पाखे टिपरया ठक्करं छम्ह न्यासीवया च्वम्ह सीउगु दु ।
सीम्ह मनू मकवानपुरया भिमफेँदी ८ य् ३५ दँ दुम्ह सन्तलाल लुम्बा खः। म्हिगः ७ः१५ बजे न्यासी वयाच्वम्ह लुम्बायात नाम्चेखानीपाखे फर्पिङ वयाच्व.गु बा २ क ४५५३ नम्बरया टिपरं ठक्कर बिःगु खः ।
यलया नेपाल मेडिसिटी अस्पतालय् उपचारया झ्वलय् लुम्बा वःगु चान्ह्यः ८ः४५ बजे मदुगु धका प्रहरीं धाःगु दु।
टिपर नाप चालकयात इलाका प्रहरी कार्यालय फर्पिङय् नियन्त्रणमा काःगु दु।
बेलायतया व दक्षिण अफ्रिकाया लागि नेपाली राजदूतं शपथ काल
लहनान्युज | सिल्लाथ्व त्रयोदशी ११४१, फागुन १३ बिहीवाः
बेलायतया लागि नेपाली राजदूत लोकदर्शन रेग्मी व दक्षिण अफ्रिकाया लागि नेपाली राजदूतय् नियुक्त जूपि डा. निर्मलकुमार विश्वकर्मां पद व गोपनीयताया सपथ काःगु दु।
राष्ट्रपति विद्यादेवी भण्डारी न्ह्यने राजदूतपि रेग्मी व विश्वकर्मां थौं विहीवाः पद व गोपनीयताया सपथ काःगु दु ।
मन्त्रिपरिषदया सिफारिसय् राष्ट्रपति भण्डारीं रेग्मीयात बेलायत व विश्वकर्मायात दक्षिण अफ्रिकाय् राजदूत नियुक्त याःगु खः ।
देयन्यक ११२ म्ह कोरोना संक्रमण पुष्टि
लहनान्युज | सिल्लाथ्व त्रयोदशी ११४१, फागुन १३ बिहीवाः
वःगु २४ घण्टाया दुने देयन्यक थप ११२ म्हेसित कोरोना संक्रमण पुष्टि जुगु दु ।
३४११ म्हेसित याःगु नमुना परीक्षणय् ५२ म्ह मिसा व ६० म्ह मिजंपिन्त कोरोना भाइरसया संक्रमण खनेदुगु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमितपि २ लाख ७३ हजार ८७२ म्ह थ्यःगु दु । उकि मध्ये विहीवाः ८४ म्ह कोरोनामुत्त जुपि २ लाख ७० हजार २२३ म्ह थ्यःगु दु।
अथेहे कोरोना संक्रमण आःतक २ हजार ७६७ म्ह सी धुकुगु दु।
