Display Style:
Column Style
२९३३ म्हेसित कोरोना संक्रमण पुष्टि
शोभा श्रेष्ठ | कौलागा द्धितिया ११४०,कार्तिक १७ सोमवाः
वःगु २४ घन्टाय् दुने नेपालय् थप २९३३ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया कथं सोमवाः थपे जुपि नाप आःतक कोरोनाया संक्रमितपि नेपालय् १ लाख ७६ हजार ५ सय थ्यःगु दु धका धाःगु दु।
वःगु २४ घन्टाय् कोरोनामुक्त जुया छेँय् लिहावःपि ३१५० म्ह थ्यःगु दु। थ्व नाप नेपालय् आःतक कोरोनामुक्त जूपि १ लाख ३७ हजार ९९२ म्ह थ्यःगु दु। देय् सक्रिय संक्रमितपि आःतक ३७ हजार ५२४ म्ह थ्यःगु दु।
मन्त्रालयया कथं आःतक पीसीआर विधिपाखे १४ लाख ६९ हजार ८१२म्ह परीक्षण याये धुकुगु दु।
वःगु २४ घण्टाय् जम्मा १३ हजार ४४६ म्हेसिगु पीसीआर परीक्षण याःगु खः।
येँ १३२९म्ह नाप स्वनिगलय् १६३०म्हेसित सक्रमण
शोभा श्रेष्ठ | कौलागा द्धितिया ११४०,कार्तिक १७ सोमवाः
वःगु २४ घण्टाया दुने स्वनिगलय् थप १६३० म्हेसित कोरोना संक्रमित खने दुगु दु ।
संक्रमितपि ७०२ म्ह सिसापि व ९२८ म्ह म्ह मिजंपि खः।
मन्त्रालयया कथं येँ जक १३२९म्हेसित कोरोना सक्रमण जूगु दु।
अथेहे ख्वपय् १०८ म्हेसित व यलय् १९३ म्हेसित संक्रमण पुष्टि जूगु दु धका धाःगु दु।
चितवनय् कोरोना निम्ह मन्त
कौलागा द्धितिया ११४०,कार्तिक १७ सोमवाः | कौलागा द्धितिया ११४०,कार्तिक १७ सोमवाः
चितवनया भरतपुर अस्पतालय् निम्ह कोरोना संक्रमितपि वासः यायेगु झ्वलय् मन्त।
भरतपुर महानगरपालिका–१० च्वम्ह ७९ दँ दुम्ह मिजं व धादिङया निलकण्ठ नगरपालिका–३ च्वम्ह ६१ दँ दुम्ह मिसा सीगु धका सूचना अधिकारीं जानकारी बिःगु खः।
भरतपुर महानगरपालिका–१० च्वम्ह ७९ दुँ मिजं वःगु कात्तिक १३ गते कोरोना संक्रमण पुष्टि जूगु खः। सासः ल्हायेगु समस्या वयेवःवयात आइतवाः अस्पतालय् भर्ना जूगु खः। आइतवाः चान्हयः १ः२० बजे मदुगु धका भरतपुर अस्पतालया सूचना अधिकारीं धाःगु खः।
अथेहे भरतपुर अस्पतालय् वासः याका वयाच्वम्ह धादिङया निलकण्ठ नगरपालिका–३ च्वम्ह ६१ दँ दुम्ह सोमवाः थौं सुथय् २ः५५ बजे मदुगु खः।
सासः ल्हायेगु समस्या वया कात्तिक ५ गते वयात अस्पतालया आइसोलेसनय् भर्ना जुगु खः। वयात उगु हे दिं कोरोना संक्रमण पुष्टि जुगु खः। स्वास्थ्य अवस्था थाकुया वने वं वयात कात्तिक ९ गते कोभिड आईसीयूलय् तया वासः याःगु खः।
स्वनिगलय् ५०१म्हेसित कोरोना सक्रमित
लहानान्युज | कछलाथ्व पारु ११४१, मंसिर १ सोमवाः
वःगु २४ घण्टाया दुने सोमवाः स्वनिगः स्वनिगलय् थप ५०१ म्हेसित कोरोना संक्रमण पुष्टि जूगु दु।
थौं येँ जक ३७३ म्हेसित कोरोना सक्रमित जुगु दु। अथेहे ख्वपय् ४४ म्ह व यलय् ८४ म्ह याना ५०१ म्ह कोरोना संक्रमण पुष्टि जुगु दु।
थौं थपे जुपि संक्रमितपि याना २१२ म्ह मिसा व २८९ म्ह मिजंपि खः।
मन्त्रालयया कथं आःतक येँ १४ हजार २७९म्ह, ख्वपय् ११८८ म्ह व यलय् २२०४म्ह सक्रिय संक्रमितपि दु।
मंसिरं १ गते न्हुदँ हनेइगु
नृपेन्द्रलाल श्रेष्ठ | कौलागा पारु ११४०,कार्तिक १६ आइतवाः
थुगुसिइ ने.सं. ११४१ या न्हूदँ कछलाथ्व पारु मसिर १ गते हनेगु जूगु दु ।
नकतिनि हे जक नेपाल संबत् न्हूदँ राष्ट्रिय समारोह समिति ११४१ या ग्वसालय् नेवाः देय् दबूया संयोजनय् नेपाल भाषा मंका खलः येँ, नेपालभाषा मंका खलः यल, नेपाल संबत् न्हूदँ राष्ट्रिय समारोह समिति ११४१, राष्ट्रिय बिभुति शंखधर साख्वाः प्रतिष्ठान नेपाल, न्हूदँ समारोह समिति यलया मंका ग्वसालय् जूगु भर्चुअल मुँज्यां मंकाः इनाप कथं सकल नेपाःमिपिन्त इनाप यायेगु क्वःछ्यूगु दु ।
नेपाल संबत् न्हूदँ राष्ट्रिय समारोह समिति ११४१ या ग्वसालय् नायः रमेश महर्जनया नायोसुइ च्वंगु मुँज्याय् मंका ग्वसाः खलःया नायःपिं व प्रतिनिधिपिं नरेश ताम्रकार, रमेशमान पिया, ऋषि प्रसाद श्रेष्ठ, सुरेन्द्र बज्राचार्य, श्यामकृष्ण मानन्धरपिं लिसें नेवाः न्ह्यलुवापिं मल्ल के सुन्दर, डा. चुन्दा बज्राचार्य, डा. पुष्पराज राजकर्णिकार, नेवाः पत्रकार राष्ट्रिय दबूया नायः सुरजबीर बज्राचार्य, बरिष्ठ सञ्चारकःमि सुरेश किरणपिसं नुगः खँ तयादीगु खः ।
मंका अपिलय् नेपाल संबत् आन्दोलनया प्रवर्तक मदुम्ह पद्मरत्न तुलाधरया योगदानयात लुमंकुसें नेपाल संबत् उत्सब जक मखसे साँस्कृतिक आन्दोलन नं खः धासें राज्यं राष्ट्रिय संबत्या मान्यता बिइधुंका नं गनं सरकारी ज्याखँय् मछ्यलाच्वंगु खँय् आपति प्वंकिगु जूगु दु ।
मंकाः अपिलय् कोरोना महामारीया हुनिं न्हूदँया लसताय् देय्न्यंक तःजिक हनावयाच्वंगु साँस्कृतिक ¥याली व सभा समारोह भिडभाड मयासे हनेत नं इनाप याइगु जूगु दु व स्वन्तिया झ्वलय् तिथि मितिया गडबडिया खँयात नेवाःतय् साँस्कृतिक विबिधता कथं कायेगु व सुनां नं बिज्ञप्ति वा सूचं पिथनाः मेगु पुचःया तिथिमिति व तजिलजियात कुंमखिनेत नं इनाप याइगु जूगु दु।
