Display Style:
Column Style
नोबेल अस्पतालय् निम्ह कोरोना संक्रमित मन्त
लहानान्युज | अनलागा ४ ११४०,असोज २० मंगलवाः
विराटनगरया अस्पताल आइसोलेसनय् वासः याका वयाच्वपि निम्ह कोरोना संक्रमितपि थौं मंगलवाः मन्त । कानेपोखरी गाउँपालिका–६ या ५० दँ दुम्ह मिजंम्ह व रतुवामाई नगरपालिका ८ या ४५ दँ दुम्ह मिजंम्ह कोरोनाया कारण सीगु दु।
नोबेल अस्पतालया जनसम्पर्क अधिकृतया कथं क्यान्सरं पीडितम्ह कानेपोखरीया ५० दँ दुम्ह ज्वरो वयन सोमवाः जक अस्पताल भर्ना जूवःगु खः। वयागु स्वाब परीक्षण याःगु इलय् रिपोर्ट पोजिटिभ वःगु खः। वया लिपा भेन्टिलेटय् तया वासः यायेगु झ्वलय् मदुगु खः।
अथेहे, चिनी ल्वय् या दीर्घ रोगी रतुवामाईया ४५ दँ दुम्ह मिजंम्ह ज्वरो, निमोनिया व टाइफाइड जुइवं असोज १३ गते वासः यायेगु लागि अस्पतालय् भर्ना जूवःगु खः। स्वाब परीक्षण याःगु इलय् वयागु कोरोना पोजिटिभ खनेदुगु खः। आईसीयूलय् वासः यायेगु झ्वलय् थौं मंगलवाः सुथय् २ः३० बजे मदुगु खः।
लुँ तोला च्यासः थहावन
शोभा श्रेष्ठ | अनलागा ४ ११४०,असोज २० मंगलवाः
लुँया भाः थौं तोलां च्यासः थहा वगु दु।
थौं लुँया भाः च्यासः थहावना तोलां ९४ हजार ९ सय रुपैयाँ निर्धारण जुगु दु धका नेपाल सुनचाँदी व्यवसायी महासङ्घं धाःगु दु।
म्हिगः तोलां प्यसः क्वहा वःगु खः।
अथेहे वहः तोला न नीतका थहा वःगु दु। थौं नीतका थहावा झींनिसः तका जूगु दु धका महासङ्घं धाःगु दु।
दमक नगरपालिकाया मेयरयात कोरोना सङ्क्रमण पुष्टि
लहानान्युज | अनलागा ४ ११४०,असोज २० मंगलवाः
झापाया दमक नगरपालिकाया मेयर रोमनाथ ओलीयात कोरोना सङ्क्रमण पुष्टि जुुगु दु।
नगरपालिकाया प्रमुख कार्यकारीया कथं मेयरयात सोमवाः सङ्क्रमण पुष्टि जूगु दु।
मेयरनाप वया तिरिमय्जु लीला ओली व काय् अनिल ओलीयात न कोरोना पोजेटिभ खनेदुगु खः।
मेयर ओलीयात वासः यायेगु लागि आम्दा हस्पिटलय् भर्ना जुगु दु धका कार्यकारी अधिकृतं जानकारी बिःगु खः।
मेयर नाप छम्ह वडाध्यक्षयात न सङ्क्रमण पुष्टि जुगुलि नगरपालिका थौं निसे प्यन्हुया लागि बन्द याःगु दु।
२४ घन्टाया दुने ११३३म्ह डिस्चार्ज
लहानान्युज | अनलागा ३ ११४०,असोज १९ सोमवाः
वःगु २४ घन्टाया दुने कोरोनामुक्त जुपि ११३३म्ह डिस्चार्ज जूगु दु।
थ्व नाप नेपालय् आःतक कोरोनामुक्त जूपि ६५ हजार २०२म्ह थ्यःगु दु।
मन्त्रालयया कथं आःतक पीसीआर विधिपाखे १० लाख ८८ हजार २२९म्हेसिगु परीक्षण याःगु खः।
अथेहे २४ घण्टाया दुने १३ हजार ७८१म्हेसिगु पीसीआर परीक्षण याःगु खः।
आःतक क्वारेन्टाइनय् च्वना च्वपि ४ हजार ३३म्ह दु।
अथेहे सकृय संक्रमितपि २३ हजार ५०७ म्ह दु।
वःगु २४ घन्टाय् २४४० म्हेसित कोरोना संक्रमण पुष्टि
लहानान्युज | अनलागा ३ ११४०,असोज १९ सोमवाः
वःगु २४ घन्टाय् २४४० म्हेसित कोरोना संक्रमण पुष्टिवःगु २४ घन्टाया दुने नेपालय् थप २४४० म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित प्रेस ब्रिफिङया झ्वलय् थौं सोमवाः प्रवक्ता डा जागेश्वर गौतमया कथं थ्व नाप आः कोरोनाया संक्रमितपि नेपालय् कोरोना संक्रमितपि ८९ हजार २६३ म्ह थ्यःगु दु धका धाःगु दु।
