Display Style:
Column Style
मोहनि लिपा सक्रमण अप्वो जुइगु सम्भावना
लहानान्युज | कौलाथ्व चतुर्दशी ११४०,कार्तिक १४ शुक्रवाः
नेपालय् कोरोना भाइरसया संक्रमण मोहनि लिपा झन तच्वया वनीगु खँ जनस्वास्थ्य विज्ञतय्सं धाःगु दु।
संक्रामक ल्वय् विशेषज्ञ डा. अनुप सुवेदीं नेपालय् चिकुला ई सुरु जुइगु लिसें मोहनि नखःया झ्वलय् मनूत उखे थुखे जुयाः वइगु जूगुलिं संक्रमण तच्वया वइगु व स्थिति भयावह खनेदइगु खँ धयादीगु दु ।
वंगु असोज २४ गते निसें न्हिं द्वःछिं मल्याक मनूतय्के संक्रमण खने दुगु एकादशि कुन्हु मुक्कं ५७० म्हेसित जक संक्रमण खनेदत । थ्व छक्वलं म्हो खनेदुगु पिसिआर परीक्षण म्हो जूगुलिं खः । डा. सुवेदीं थःथःगु ज्याय् लिहां वयेगु सुरु जुइवं संक्रमण नं तच्वया वइगु खँ धयादीगु दु। वय्कःया कथं आः चिकुला सुरु जुया वयेवं न्हि च्याद्वःझिद्वः नं संक्रमितत खनेदयेफु ।
नेपालय् कोरोना संक्रमणया न्हापांगु लहर हे नियन्त्रणय् मवःनिगुलि कारणं नं आः झन हे स्थिति भयावह जुइफुगु धापू वयेकःया दु। वय्कलं थुकिया निंतिं आः राज्य व नागरिक निगुलिं पक्ष उतिकं जिम्मेवार जुयाः सचेत जुइमाःगु सुझाव नं बियादीगु दु ।
काठमाण्डौं प्रमुख जिल्ला अधिकारीयात कोरोना पुष्टि
लहानान्युज | कौलाथ्व चतुर्दशी ११४०,कार्तिक १४ शुक्रवाः
काठमाण्डौं जिल्ला प्रमुख जिल्ला अधिकारी (सीडीओ) जनकराज दाहाल यात कोरोना संक्रमण पुष्टि जुगु दु।
प्रमुख जिल्ला अधिकारी दाहालं बिहीबाः गृह मन्त्रालयय् थः व थः जहानयात कोरोना संक्रमण पुष्टि जुगु धका जानकारी ब्यूगु खः।
गृह मन्त्रालयया प्रवक्ता चक्र बहादुर बुढं दाहालयात बिहीबाः कोरोना पुष्टि जुगु जानकारी ब्यूगु खः।
प्रमुख जिल्ला अधिकारी दाहाल आः होम आइसोलेसनय् च्वनाच्वंगु जिल्ला प्रशासन कार्यालय येँ धाःगु दु।
कोरोना थौं २५ म्ह मन्त
लहानान्युज | कौलाथ्व त्रयोदशी ११४०,कार्तिक १३ बिहीवाः
कोरोना भाइरस (कोभिड–१९) या संक्रमणं थप २५ म्ह सीगु दु।
थौं येँ ७, ख्वपय्, काभ्रे व मोरङय् निम्ह निम्ह व झापा, सुनसरी, चितवन, दोलखा, सिराहा, सप्तरी, नवलपुर, कास्की, पर्वत, बाग्लुङ, दाङ व कैलालीइ छम्ह छम्ह सीगु धका प्रदेशया सामाजिक विकास मन्त्रालयं धाःगु दु।
२३६४ म्हेसित कोरोना संक्रमण पुष्टि
शोभा श्रेष्ठ | कौलाथ्व त्रयोदशी ११४०,कार्तिक १३ बिहीवाः
वःगु २४ घण्टाय् दुने थौं बिहीवाः थप २३६४ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप आतक नेपालय् १ लाख ६४ हजार ७१८ म्ह संक्रमितपिं थ्यःगु दु धका धाःगु दु।
अथेहे वःगु २४ घण्टाय् ३०३८ म्ह कोरोना संक्रमणपि डस्चार्ज जूगु दु।
थ्व नाप १ लाख २४ हजार ८६२ म्ह देय् यकं डिस्चार्ज जुइ धुकुगु दु।
येँ १३३८म्ह सक्रमण नाप स्वनिगलय् १६१५ म्ह न्हुपि सक्रमित
शोभा श्रेष्ठ | कौलाथ्व त्रयोदशी ११४०,कार्तिक १३ बिहीवाः
वःगु २४ घण्टाया दुने स्वनिगलय् थप १६१५ म्हेसित कोरोना संक्रमित जूगु दु। स्वास्थ्य तथा जनसंख्या मन्त्रालय बिःगु जानकारी कथं संक्रमितमा ७०४ मिसापि व ९११ म्ह मिजपिं खः।
वःगु २४ घण्टाया दुने येँ जक १३३८ म्हेसित कोरोना सक्रमण जूगु दु धका मन्त्रालयय् धाःगु दु।
अथेहे ख्वपय् ९७ म्ह व यलय् १८० म्हेसित संक्रमित जूगुु दु धका धाःगु दु।
वःगु २४ घण्टाय् बिहीवाः देय् यकं कोरोना संक्रमित २३६४ म्ह जूगु दु धका धाःगु दु। आःतक नेपालय् १ लाख ६४ हजार ७१८ म्ह संक्रमितपिं थ्यःगु दु धका धाःगु दु।
