Display Style:
Column Style
येँ मनपा १५ वडाय् थीथी थासय् लँ दयेकेइगु
अनलागा १ ११४०,असोज १६ शुक्रवाः | अनलागा १ ११४०,असोज १६ शुक्रवाः
येँ महानगरपालिका १५ वडा, नागार्जुन नगरपालिका ४ व ५ वडाया स्थानीय जनताया माग कथं काठमाडौं निर्बाचन क्षेत्र नं ८ संघीय सांसद माननीय जीवनराम श्रेष्ठया प्रस्ताव यानादिगु दु।
करीब १० करोड बराबरया सतक कालोपत्र यायेगु योजना संघिय सरकार भौतिक पुर्वाधार तथा यातायात मन्त्रालयपाखे स्वयम्भू परिक्रमा मार्ग, चक्रपथ कार्खाना चोकपाखे नागार्जुन न.पा वडा ५ आदेश्वर महाद्यः वनेगु लँ जुया छोकडोल डांडा तक बनस्थली मार्ग कामपा १५ व कामपा १६या सिमाना तक डल्लु आवास सिद्धार्थ सतकय् ओभरल्यापिङ ज्या न्ह्याःगु दु।
उगु ज्या न्हायेकेगु लागि येँ कामपा १५ वडाया अध्यक्ष नाप कामपा प्रवक्ता ईश्वरमान डंगोल, वडा सदस्यपि आनन्दराम गौतम व मैयाँ लक्ष्मी महर्जनपि दुथ्याःगु दु।
मतया ध्यवा अग्रिम पूसा २५ प्रतिशत तक छुट
शोभा श्रेष्ठ | अनलागा १ ११४०,असोज १६ शुक्रवाः
नेपाल विद्युत् प्राधिकरणं थम्हेसिया मिटर रिडिङ याना वना अग्रिम ध्यवा पूसा २५ प्रतिशत तक छुट कायेत इनाप याःगु दु।
प्राधिकरणं सूचं पिकया छुट कायेत व जरिवानापाखे बचे जुइत इनाप याःगु दु। छु दिं न्ह्यः जक प्राधिकरण सञ्चालक समितिया अध्यक्ष तक जुयादिम्ह ऊर्जा, जलस्रोत तथा सिँचाइ मन्त्री वर्षमान पुन नं ग्राहकयात जरिवाना मकायेत निर्देशन बिःगु खः।
मन्त्री पुनया निर्देशन कथं प्राधिकरणं सूचंपाखे अग्रिम भुक्तानी यायेत व २५ प्रतिशततक छुट कायेत इनाप याःगु खः। प्राधिकरणया कथं मिटर रिडर मिटर स्वयेगु लागि मवःसा वा बिल मवसा ग्राहकं सम्बन्धित ज्याकुूथि स्वापू तया बिल काये फइ धका धाःगु दु।
नियमकथं ग्राहकं मिटर रिडिङ जुइ दिं तकया न्ह्यन्हु दुने बिल भुक्तानी यायेगु यलय् २५ छुट दइ। अथेहे च्यान्हु निसे झींन्यान्हुया दुने तक बिलया ध्यवा पूलेगु व्यवस्था दु। नियमया कथं
झींखुन्हु निसे स्वीन्हु तक ध्यवा बुझे याःसा न्यागु प्रतिशत थप शुल्क काइ।
स्वी छन्हु निसे पीन्हु तक १० प्रतिशत व पी छन्हु निसे लिपा धाःसा २५ प्रतिशत थप ध्यवा काइ। निला लिपा ध्यवा मपूसा लाइन काटे यायेगु व्यवस्था दु।
कोरोनां कर्णाली प्रदेश अस्पतालया वरिष्ठ चिकित्सक मन्त
लहानान्युज | अनलाथ्व १५ ११४०,असोज १५ बिहीवाः
कोरोनाया कारणं कर्णाली प्रदेश अस्पतालया वरिष्ठ चिकित्सक मदुगु दु।
कोरोनां कर्णाली प्रदेश अस्पतालया वरिष्ठ चिकित्सक डा. हरिप्रसाद सापकोटा थौं बिहीवाः न्हिनय् मदुगु खः।
निवाः न्ह्यनिसे नेपालगन्जया भेरी अस्पतालय् वासः याकेगु झ्वलय् थौं न्हिनय् ३ बजेति मदुगु खः।
प्रदेश अस्पतालया निर्देशक कथं चिनी ल्वय् व उच्च रक्तचापया ल्वगि सापकोटायात सुरुनिसे आईसीयूलय् अक्सिजन बिया तःगु खः। डा सापकोटा वरिष्ठ हार्डजोर्नी रोगया विशेषज्ञ खः।
१९११म्हेसित कोरोना संक्रमण पुष्टि
शोभा श्रेष्ठ | अनलाथ्व १५ ११४०,असोज १५ बिहीवाः
वःगु २४ घन्टाया दुने थौं बिहीवाः थप १९११म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित कोरोना मिडिया ब्रिफिङय् प्रवक्ता डा जागेश्वर गौतमं आःतक ७९ हजार ७२८म्हेसित संक्रमित जूगु दु धका धाःगु खः।
अथेहे २४ घन्टाय् कोरोना संक्रमणमुक्त जूपि ९६१म्ह छेँय् लिहावःगु दु। थ्व नाप आःतक कोरोना संक्रमणपि ५७ हजार ३८९ म्ह डिस्चार्ज जूगु दु।
मन्त्रालयया कथं आःतक पीसीआर विधि १० लाख ३३ हजार ९४७ म्हेसिगु परीक्षण याये धुकुगु दु।
अथेहे २४ घण्टाय् जम्मा १२ हजार ४४४ म्हेसिगु पीसीआर परीक्षण याःगु खः।
आःतक क्वारेन्टाइनय् च्वपि ५ हजार ७७ म्ह दु। अथेहे सक्रिय संक्रमितपि २१ हजार ८३० म्ह थ्यःगु दु।
येँ ८१७ म्ह नाप स्वनिगलय् ९४३म्ह कोरोना संक्रमित
शोभा श्रेष्ठ | अनलाथ्व १५ ११४०,असोज १५ बिहीवाः
स्वनिगलय् वःगु २४ घन्टाया दुने थप ९४३ म्हेसित कोरोना संक्रमण खने दुगु दु।
स्वास्थ्य तथा जनसंख्या मन्त्रालयया कथं थौं बिहीवाः पत्रकार सम्मेलन याना जानकारी बिःगु खः।
थौं बिःगु जानकारी कथं येँ जक ८१७ म्हेसित कोरोना सक्रमण जुगु धका धाःगु दु ।
अथेहे यलय् ६८म्ह व ख्वपय् ५८म्हेसित कोरोना सक्रमण जुगु धका धाःगु दु।
२४ घन्टाय् जम्मा १२ हजार ४४४ म्हेसिगुु पीसीआर परीक्षण याःगु खः।
