Display Style:
Column Style
थप ३३०९ म्हेसित कोरोना संक्रमण पुष्टि
शोभा श्रेष्ठ | कौलागा चतुर्थी ११४०,कार्तिक १९ बुधवाः
वःगु २४ घण्टाया दुने थौं बुधवाः थप ३३०९ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु। मन्त्रालयया कथं थ्व नाप नेपालय् १ लाख ८२ हजार ९२३ म्ह संक्रमितपि थ्यःगु दु।
अथेहे २४ घण्टाय् ३ हजार ८४४ म्हेसित कोरोना संक्रमणमुक्त जुगू दु धका धाःगु दु। आःतक कोरोना सक्रमयणमुक्त जूपि १ लाख ४४ हजार ९७८ म्ह थ्यःगु दु।
देय् यकं सक्रिय संक्रमितपि आःतक ३६ हजार ९११ म्ह थ्यःगु दु।
मन्त्रालयया कथं आःतक पीसीआर विधिपाखे १४ लाख ९४ हजार १२२ परीक्षण याये धुकुगु दु। २४ घण्टाय् जम्मा १३ हजार १४४ म्हेसिगु पीसीआर परीक्षण याःगु खः। आःतक क्वारेन्टाइनय् च्वनाच्वपि १ हजार ३०५ म्ह थ्यःगु दु।
येँ १२४२म्ह नाप स्वनिगलय् १४६८म्ह सक्रमित
शोभा श्रेष्ठ | कौलागा चतुर्थी ११४०,कार्तिक १९ बुधवाः
वःगु २४ घण्टाया दुने स्वनिगः दुने थप १४६८ म्हेसित कोरोना संक्रमित पिहावःगु दु।
थौं ६४९ मिसा व ८१९ म्ह मिजंपिन्त कोरोना सक्रमण जगु धका स्वास्थ्य तथा जनसंख्या मन्त्रालयं धाःगु दु।
थौं थपे जूपि येँ जक १२४२ म्हेसित कोराना सक्रमण जुगु दु।
अथेहे, ख्वपय् ६३ म्ह व यलय् १६३ म्ह न्हुपि संक्रमित थपे जूगु दु।
पार्टी प्यालेसय् तयाः नकल धाःसा येँ मनपां खर्च बी : मेयर शाक्य
नृपेन्द्रलाल श्रेष्ठ | कौलागा चतुर्थी ११४०,कार्तिक १९ बुधवाः
थनया खुलामञ्च लगायत थीथी सार्वजनिक थासय् थौंकन्हय् हुलमुल मुंकाः निःशुल्क जा नकेगु ज्यायात बन्द यानाः पार्टी प्यालेसय् तयाः नकेगु व्यवस्था यात धाःसा पार्टी प्यालेसया खर्च येँ मनपां व्यहोरे याइगु जूगु दु ।
खुल्लामञ्चय् खुल्ला रूपं जा नकेगु ज्या जुयाच्वंगु खँय् आपत्ति क्यँसें येँ महानगरपालिकां उकियात बन्द यानाः व्यवस्थित रुपं जा नकेत इनाप याःगु खः । तर थुकी येँ महानगरपालिकां निःशुल्क जा नके बीगु ज्याय् पंगः थन धकाः पिने प्रचार जूगुलिं थौं मनपां छगू पत्रकार सम्मेलन हे यासें थःगु धापू स्पष्ट याःगु खः ।
पत्रकार सम्मेलन लिपा हे खुलामञ्चय् जा नकेगु ज्या यानाच्वंपिं पुचःतलिसे येँ मनपाया मेयर विद्यासुन्दर शाक्यया वार्ता जूगु खः । उगु वार्ताय् आः वइगु स्वन्ति तक जक खुलामञ्चय् तयाः जा नकेगु व वयां लिपा पायक जूगु पार्टी प्यालेसय् तयाः नकेगु लिसें उकिया खर्च येँ मनपां व्यहोरे यायेगु सहमति जूगु खः ।
थ्व स्वयां न्ह्यः जूगु पत्रकार सम्मेलनय् न्ववासें मनपा मेयर विद्यासुन्दर शाक्यं थःपिंसं निःशुल्क नके दइ मखु धकाः सुयातं धयागु मदु, नकेगु खःसा थःगु हे निजी थासय् वा पार्टी प्यालेसय् तयाः नकूसां जिउ, बरु माल धाःसा उकिया खर्च मनपां पुला बीगु घोषणा यानादीगु खः ।
लिसें वय्कलं सकलें मनूतय्त निःशुल्क नकेगु याये मजिउ धासें ज्या यायेफुपिंत ज्या याकाः नकेमाः, उमित माल धाःसा मनपां वालय् निन्हु ज्या बीगु खँ नं कनादिल । यदि नये मखनाच्वंपिं, ज्या मदुपिं, अशक्त, असहाय सुं दुसा थः च्वंच्वनागु वडा कार्यालयय् स्वापू तल धाःसा उमित नकेगु व्यवस्था मनपां प्रतिवद्धता नं मेयर शाक्यं प्वंकादिल । येँ देय् ज्या यानाः नइपिनिगु शहर खः, थ्वयात फ्वनाः नइपिनि शहर दयेकेगु ज्या मयासे धासें मेयर शाक्यं रत्नपार्कय् लाइन च्वनाः नयाच्वंपिं मनूतय्गु किपा सामाजिक सञ्जालय् व्यापक यानाः उमिगु आत्मसम्मानय् घाः लाकेगु ज्या मयायेत नं इनाप यानादिल ।
पार्टी प्यालेसय् तयाः नकेबलय् उकिया खर्च थःपिंसं व्यहोरे याये धायेधुंकाः नं यदि सुनां नं रत्नपार्कया खुल्ला थासय् हे तयाः नकेगु धाल धाःसा थःपिंसं उपिंलिसे मुठभेड यायेगु मखु, सम्झे बुझे यायेगु ज्या याये धकाः नं मेयर शाक्यं कनादिल ।
पत्रकार सम्मेलनय् वडा नं. ३ या वडा अध्यक्ष दीपक केसी, वडा नं. १० या वडा अध्यक्ष रामकुमार केसी व वडा नं. १६ या वडा अध्यक्ष मुकुन्द रिजालपिंसं नये मखंपिं मनूतय्त वडापाखें बियाच्वनागु सेवा बारे जानकारी बियादीगु खः।
पूर्वसभामुख महराया जहान कोरोन सक्रमण मन्त
लहानान्युज | कौलागा चतुर्थी ११४०,कार्तिक १९ बुधवाः
पूर्वसभामुख कृष्णबहादुर महराया जहान सीता महरा मन्त।
येँया नर्भिक अस्पतालय् वासःयाना वयाच्वंम्ह थौं सुथया ६ः२५ बजे मदुगु खः।
वःगु मोहनि वलय् छेँ रोल्पा मेबाङ वःगु इलय् स्वास्थ्यय् सामान्य समस्या वयेवं वयात कार्तिक १३ गते दाङया गोर्खा अस्पतालय् भर्ना जूगु खः। शरीरय् अक्सिजनया मात्रा छक्वलं कमि जुगु व निमोनिया खनेदुगुलि वयात १४ गते शुक्रवाः हेलिकोप्टरपाखे येँ हया नर्भिक अस्पतालय् भर्ना याःगु खः।
नर्भिक अस्पतालय् पीसीआर टेष्ट याःगु इलय् वयात कोरोना पोजेटिभ तक खने दुगु खः। १५ गते निसे भेन्टिलेटरय् तया वास यानाच्वम्ह थौं बुधवाः सुथय् ६ः२५ बजे मदुगु धका धाःगु खः।
मदुम्ह सीता महरा माइस्थेनिया नांया ल्वचं वःगु झीदँनिसे पीडितम्ह खः।
मन्त्री श्रेष्ठ व्यवस्थापिका संसद भवनया निरीक्षण
नृपेन्द्रलाल श्रेष्ठ | कौलागा चतुर्थी ११४०,कार्तिक १९ बुधवाः
शहरी विकास मन्त्री कृष्णगोपाल श्रेष्ठं संसद अधिवेशन जुइ न्ह्यः व्यवस्थापिका संसद भवनयात बालाक्केगु इनाप याःगु दु। वयकलं संसद भवनया सरसफाई व शौन्दर्यता कायम यायेत छु कन्जुस्याइ मयायेत निर्देशन बिःगु दु।
शहरी विकास मन्त्रालयया कार्यभार सम्हाले याये धुका अन्तराष्र्टि«य सम्मेलन केन्द्र आःतक व्यवस्थापिका संसद भवनया निरीक्षण यायेत केन्द्रय् वना मन्त्री श्रेष्ठं भवनया दक्को पक्ष मिले याना तयेत निर्देशन बिःगु खः।
मन्त्रालय अन्तर्गत उगु भवनय् २०६५ साल निसे संसद भवनया रुपय् छ्याला वयाच्वंगु खः। मन्त्री श्रेष्ठं भवनय् दुगु लाइट व साउण्ड सिष्टमयात व्यवस्थित याना तयेत निर्देशन बियादिगु खः।
‘माननीय सांसदजुपि च्वनेइगु मेचया अवस्था गज्याःगु दु? बगैचाय् स्वां ह्वया च्वंगु दु कि मदु? हरियाली खने मदु उकि तुरुन्त हरियाली दयेका भवन परिसरयाःगु अवस्थाबारे निरीक्षण यास वयकलं अथे धयादिसे वयकलं सांसद भवनय् च्वंगु प्रधानमन्त्री केपी शर्मा ओली व सभामुख अग्नीप्रसाद सापकोटाया कार्यकक्ष न निरीक्षण यानादिगु खः।
सिंहदरबारय् दयेकाच्वंगु संसद भवन तयार मजूतले उगु भवन संसद अधिवेशन जुइ। मन्त्री श्रेष्ठं भवनया निरीक्षण यासे स्यनाच्वंगु संरचना तत्काल दयेका बालागु संसद भवनया रुपय् दयेका धाःगु खः।
विकास समितिया अध्यक्ष नाप शहरी विकास मन्त्रालयया सचिव डा.रमेश प्रसाद सिंहं सिंहदरबारया संसद भवन निर्माण जुइ धुका उगु केन्द्रयात गये याना व्यावसायीक रुपं सञ्चालन गर्न याये फइ धइगु विषयय् कार्ययोजना तयार यायेत निर्देशन बिःगु खः।
वयकलं आः खनेदया वयाच्वंगु समस्यायात तत्काल समाधन याना संसद जुइ न्ह्यः भवनयात वालाक्केगु निति माःगु ग्वाहालि मन्त्रालयं याइ धका धयादिगु खः।
उगु भवनय् रङ तयेगु नाप प्राविधिक पक्षयात तत्काल समाधान यायेगु विषयय् विशेष ध्यान बिइत न धाःगु खः। केन्दया कार्यकारी निर्देशक विद्रोह दाहालयात १५३ क्षेत्रफलय् उगु भवन दुने च्याःगु हलय् करिब २ हजार क्षमता दुगु व करिब ४ सय सवारी पार्किङ यायेत पार्किङ यायेत थाय् दु।
मन्त्री श्रेष्ठं थःगु मन्त्रालयया जिम्मेवार दुने लागुलि केन्द्रयात व्यवस्थित यायेत निर्देशन बियादिगु खः।
