Display Style:
Column Style
स्वनिगलय् ९३४म्ह कोरोना संक्रमण पुष्टि
लहानान्युज | अनलाथ्व त्रयोदशी ११४०,असोज १३ मंगलवाः
वःगु २४ घण्टाय् १५१३म्ह कोरोना भाइरस (कोभिड(१९) या संक्रमण पुष्टि जूगु दु।
अथेहे स्वनिगलय् जक २४ घण्टाय् जक थप ९३४ म्हेसित कोरोना संक्रमण जूगु दु।
स्वास्थ्य तथा जनसंख्या मन्त्रालयया थौं मंगलवाः नियमित मिडिया ब्रिफिङय् येँ जक ७४७ कोरोना संक्रमण जूगु दु धका धाःगु दु।
अथेहे यलय् ११४ म्ह व ख्वपय् ७३ म्हेसित कोरोना संक्रमण जूगु दु।
म्हिगः सोमवाः ८१७ म्हेसित कोरोना संक्रमण जूगु खः।
वःगु २४ घण्टाय् १० हजार ८९१म्हेसिगु पीसीआर परीक्षण याःगु खः।
१५१३म्ह कोरोना संक्रमित, संक्रमितपि ७६ हजार थ्यन
शोभा श्रेष्ठ | अनलाथ्व त्रयोदशी ११४०,असोज १३ मंगलवाः
वःगु २४ घन्टाय् नेपालय् थप १५१३ म्ह कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया नियमित प्रेस ब्रिफिङय् थौं मंगलवाः प्रवक्ता डा जागेश्वर गौतमया कथं नेपालय् कोरोना संक्रमितपि आः ७६ हजार २५८म्ह थ्यःगु दु ।
वःगु २४ घन्टाय् जक कोरोनामुक्त जुपि ७३१ म्ह डिस्चार्ज जूगु दु ।
वःगु २४ घन्टाय् नेपालय् थप १०म्ह कोरोना संक्रमणपि सीगु दु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोना संक्रमण सीपि ४९१म्ह थ्यःगु दु।
कोरोनामुक्त जुपि ५५ हजार स्वया अप्वोल
शोभा श्रेष्ठ | अनलाथ्व त्रयोदशी ११४०,असोज १३ मंगलवाः
नेपालय् कोरोनामुक्त जुपि ५५ हजार स्वया अप्वो जुइ धुकुगु दु धका स्वास्थ्य तथा जनसंख्या मन्त्रालयं धाःगु दु।
वःगु २४ घण्टाय् थौं मंगलवाः ७३१म्ह कोरोनामुक्त जुइवं आःतब डिस्चार्ज जुपि ५५ हजार ३७१ म्ह थ्यःगु दु धका धाःगु दु ।
थ्व धइगु संक्रमितपिनिगु ७२.६ प्रतिशत खः ।
म्हिगः सोमवाः जक नेपालय् ७४२ म्ह कोरोनामुक्त जुगु खः।
जोर–बिजोर प्रणालीं कडाइ
लहानान्युज | अनलाथ्व त्रयोदशी ११४०,असोज १३ मंगलवाः
ट्राफिक प्रहरीं जोर–बिजोर प्रणालीयात थप प्रभावकारी दयेकेगु लागि स्वनिगः दुने सवारी जाँचय् कडाइ याःगु दु।
उपत्यकाया प्रमुख जिल्ला अधिकारीपिन्स भदौ २५ निसे लागू जुइ कथ स्वनिगः दुने जोर–बिजोर प्रणालीया सवारी सञ्चालन गर्ने यायेगु निर्णय कथं थःथे कडा याये त्यःगु खः।
येँ, यल व ख्वपया दुने सवारी साधनयात प्रहरी न कडाई कथ थौं चेक जाँच याःगु दु । सवारी जाम अप्वोया वःगुलि जोर–बिजोर प्रणालीयात प्रभावकारी दयेकेगु लागि जाँचय् कडाइ यानागु धका ट्राफिक प्रहरीं धाःगु दु। नियम कथं जोर–बिजोर प्रणालीइ सञ्चालन मजुगु यात होल्डय् तयेगु याःगु दु।
थौं न्हिनय् १२ बजे तक ट्राफिकं ८ सय स्वया अप्वो कारबाही याये धुकुगु दु । करिब ७ सय मोटरसाइकल व स्कुटरयात कारबाही याःगु दु । उगु होल्ड याःगु बहनि ८ बजे जक त्वतिगु धका धाःगु दु।
संक्रमणया जोखिम अप्वोया वःगुलि जोर विजोर प्रणाली पूर्णरुपं पालना यायेत ट्राफिक प्रहरीं इनाप याःगु दु।
एसईईया परीक्षा शुल्क लित बिइमाःगु माग
लहानान्युज | अनलाथ्व त्रयोदशी ११४०,असोज १३ मंगलवाः
अभिभावकपिन्स माध्यमिक शिक्षा परीक्षा (एसईई) या लागि उठे याःगु परीक्षा शुल्क लित बिइत माग याःगु दु। नोवेल कोरोना भाइरस (कोभिड–१९) कारण सरकारं परीक्षा सञ्चालन मयागुलि अभिभावकपिन्स शुल्क लित बिागि माग याःगु दु।
नेपाल अभिभावक महासंघया अध्यक्ष सुप्रभात भण्डारीं परीक्षा हे मकागुलि विद्यार्थीपिन्स पुगु परीक्षा शुल्क लित बिइमाः धका धाःगु दु।
एसईईया लागि ४ लाख ८२ हजार ९८६ विद्यार्थीपिन्स छम्हेसिया ५०० तका पुला परीक्षा फर्म भरे याःगु खः। थ्व नाप राष्ट्रिय परीक्षा बोर्ड न दक्को विद्यार्थी नाप २४ करोड १४ लाख ९३ हजार रुपैयाँ उठे याःगु खः।
परीक्षा सुरु जुइ न्ह्य वःगु ५ चैतय् सरकारं परीक्षा स्थगित याःगु खः। २८ जेठया मन्त्रिपरिषद् बैठकं एसईई परीक्षा मकासे व आन्तरिक मूल्यांकनया आधारमा लिच्वः पिकायेगु निर्णय याःगु खः।
