Display Style:
Column Style
स्वनिगलय् २५२ म्ह सक्रमित
कौलाथ्व एकादशी ११४०,कार्तिक ११ मंगलवाः | कौलाथ्व एकादशी ११४०,कार्तिक ११ मंगलवाः
वःगु २४ घण्टाया दुने स्वनिगलय् २५२ म्ह कोरोना संक्रमित थपे जूगु दु। उकि मध्ये ९७ म्ह मिसा व १५५ म्ह मिजंपि खः।
येँजक आःतक १६ हजार ९५८ म्ह कोरोना भाइरस सक्रमित जुइ धुकुगु दु सा २०० म्ह सी धुकुगु दु।
अथेहे ख्वपय् आःतक ११९४म्ह सक्रिय संक्रमित दुगु दु सा ५८ म्ह सी धुकुगु दु। यलय् २४३४ म्ह सक्रिय संक्रमित दुगु दु सा आःतक ५६ म्ह संक्रमणपि सी धुकुगु दु।
येँ १०५०१ म्ह होम आइसोलेसनय् च्वना च्ंवगु दु सा ख्वपय् १७१९ म्ह व यलय् २३६२ म्ह होम आइसोलेसनय् च्वना च्वंगु दु।
कलाकार मनोज गजुरेल कोरोना संक्रमण पुष्टि
कौलाथ्व एकादशी ११४०,कार्तिक ११ मंगलवाः
कलाकार मनोज गजुरेलयात न कोरोना संक्रमण पुष्टि जूगु दु।
कोरोना संक्रमण नाप मिले जुगु लक्षण खनेदुगुलि स्वास्थ्य परीक्षण याःगुलि रिपोर्ट पोजेटिभ वःगु धका गजुरेलं थःगु सामाजिक सञ्जालपाखे जानकारी बिःगु खः।
थ्व स्वया न्ह्यः गजुरेलया दाजुयाके संक्रमण खनेदुगु खः। थः दाजुयात अस्पताल यकेगु व हयेगु याना वयाच्वंगु खः। वःगु विहीवाः निसे सामान्य छ्यो स्यायेगु व ज्वरो वःगु खः। शनिवाः निसे जँ
स्यायेगु महसुस जुइवं वयागु आइतवाः पीसीआर टेष्ट याःगु खः। सोमवाः कोरोना संक्रमण पुष्टि जुगु खः।
गजुरेलं मेपिन्त न सचेत जुइत, पोजेटिभ खने वं आँत्ते जुइ म्वाःगु व चिकित्सकपि नाप सम्पर्कय् च्वनेत सुझाव बिःगु दु।
कलाकार गजुरेलं संक्रमणपाखे बच्चे जुइगु सुरक्षाया दक्को उपायय् अपने याःसा न्ह्याःगु न इलय् थुगु ल्वये जुइ फइगुलि सचेत जुया च्वनेत इनाप याःगु दु। मेपिन्त न सुरक्षित जुइत व ‘पोजिटिभ’ खनेवं आँत्ते मजुसे चिकित्सकपि नाप सम्पर्कय् च्वने इनाप याःगु दु।
भरतपुर अस्पतालय् कोरोना संक्रमित छम्ह मन्त
लहानान्युज | कौलाथ्व एकादशी ११४०,कार्तिक ११ मंगलवाः
चितवनया भरतपुर अस्पतालय् वासः याका वयाच्वम्ह छम्ह कोरोना संक्रमित सीगु दु।
भरतपुर महानगरपालिका–२१ य् च्वंम्ह ५६ दँ दुम्ह मिजंम्ह मदुगु धका अस्पतालया सूचना अधिकारीं जानकारी बिःगु खः।
कात्तिक ५ गते सासः ल्ह्यायेगु समस्या वयेवः अस्पताल भर्ना जूम्ह कात्तिक ८ गते कोरोना संक्रमण पुष्टि जूगु खः।
वयाके मुटु व मिर्गौला रोगपाखे पीडितम्ह खः।
येँ ६७३ म्ह नाप स्वनिलय् ८९५म्हेसित सक्रमण
शोभा श्रेष्ठ | कौलाथ्व दशमी ११४०,कार्तिक १० सोमवाः
वःगु २४ घण्टाया दुने स्वनिगलय् थप ८९५ म्हेसित कोरोना संक्रमण जूगु दु धका स्वास्थ्य तथा जनसंख्या मन्त्रालयं धाःगु दु।
स्वास्थ्य तथा जनसंख्या मन्त्रालयया कथं येँ ६७३ म्हेसित कोरोना सक्रमण जुगु दु धका धाःगु दु।
अथेहे ख्वपय् ७६ म्ह व यलय् १४६ म्हेसित कोरोना सक्रमणजुगु दु धका धाःगु दु।
१७४१ म्ह कोरोना संक्रमण पुष्टि, ४००५म्ह संक्रमणमुक्त
शोभा श्रेष्ठ | कौलाथ्व दशमी ११४०,कार्तिक १० सोमवाः
वःगु २४ घण्टाया दुने थप १७४१ म्हेसित कोरोना भाइरस संक्रमण पुष्टि जुगु दु।
स्वास्थ्य तथा जनसंख्या मन्त्रालयया कथं वःगु २४ घण्टाय् ५ हजार ६म्हेसिगु पीसीआर परीक्षण याःगुलि १०६४ म्ह मिजंपि व ६७७ म्ह मिसापिन्त कोरोना भाइरस संक्रमण पुष्टि जुगु खः।
थ्व नाप आःतक नेपालय् कोरोना संक्रमितपि १ लाख ५९ हजार ८३० म्ह थ्यःगु दु।
वःगु २४ घण्टाय् ४००५ म्ह कोरोना भाइरस संक्रमणमुक्त जुगु दु।
आःतक १ लाख १५ हजार ६७५म्ह कोरोना भाइरस संक्रमणमुक्त जुइ धुकुगु दु।
