Display Style:
Column Style
लुँया भाः खुसः क्वहावल
शोभा श्रेष्ठ | अनलाथ्व एकादशी ११४०,असोज ११ आइतवाः
लुँया भाः थौं खुसः क्वहा वःगु दु।
थौं आइतवाः छापावाल लुँ तोलां खुसः क्वहावया ९३ हजार ३ सय थ्यःगु दु।
नेपाल सुनचाँदी व्यवसायी महासंघया कथं वःगु शुक्रवाः भाः थहा वःगु खः। अथेहे लुँ न खुसः क्वहा वया छगु तोलाया ९२ हजार ८ सय थ्यःगु दु।
लुँया भाः क्वहा वःगुलि वहःया भाः न तोलां झीतका क्वहा वःगु खः । थौं छगु तोलाया ११५० रुपैयाँ कायम जूगु दु धका महासंघ धाःगु दु।
प्रहरी कोरोना संक्रमितपि ४१ सय थ्यन, २२३४ डिस्चार्ज
लहानान्युज | अनलाथ्व एकादशी ११४०,असोज ११ आइतवाः
नेपाल प्रहरी कोरोना संक्रमितपि ४ हजार १०५म्ह थ्यःगु दु । उकि मध्ये १८७१म्ह सक्रिय संक्रमित दु । २२३४म्ह डिस्चार्ज जुइ धुकुगु दु।
प्रहरी प्रवक्ता एसएसपी कुवेर कडायतया कथं येँ प्रहरी प्रधान कार्यालयय् ज्या याइपि २९१म्ह संक्रमित जुगु दु सा स्वनिगः दुने ६९२म्ह सक्रिय संक्रमित दु।
अथेहे प्रदेश १ य् १६२ म्ह, प्रदेश २ य् १५८ म्ह, वाग्मती प्रदेशय् १२४ म्ह, गण्डकी प्रदेशय् १५६ म्ह, प्रदेश ५ य् १५३म्ह, कर्णाली प्रदेशय् ५५ म्ह व सुदूरपश्चिम प्रदेशय् ८०म्ह सक्रिय संक्रमितपि दु।
२४ घण्टाय् कोरोना सक्रमित च्याम्ह मन्त
लहानान्युज | अनलाथ्व दशमी ११४०,असोज १० शनीवाः
वःगु २४ घण्टाय् कोरोना सक्रमित च्याम्ह मदुगु दु।
वःगु २४ घण्टाया दुने सप्तरीया ६३ दँ दुम्ह, येँ २०, व ७४ दँ दुपि, ख्वपया ८८दँ दुम्ह, मकवानपुरया ७४ दँ दुम्ह, यलय् ७६ दँ दुम्ह, रुपन्देहीया ७२ दँ दुम्ह व कैलालीया ३० दँ दुपि थौ सीगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया कथं आःतक कोरोना संक्रमणया कारण सीपि ४६७ म्ह थ्यःगु दु।
येँ ५८३म्ह नाप स्वनिगलय् ७२४म्हेसित संक्रमित पुष्टि
लहानान्युज | अनलाथ्व दशमी ११४०,असोज १० शनीवाः
मन्त्रालयया कथं वःगु २४ घण्टाय् दुने स्वनिगलय् ७२४म्हेसित संक्रमित पुष्टि जूगु दु।
उकि मध्ये येँ जक ५८३ हेसित संक्रमित पुष्टि जूगु दु।
अथेहे यलय् ७८म्ह व ख्वपय् ६३ म्हेसित हेसित संक्रमित पुष्टि जूगु दु धका धाःगु दु।
नेपाली सेनाय् कोरोना संक्रमितपि २ हजार स्वया अप्वोल
लहानान्युज | अनलाथ्व दशमी ११४०,असोज १० शनीवाः
नेपाली सेनाय् कोरोना संक्रमितपि २ हजार १९७म्ह थ्यःगु दु।
उकि मध्ये ५३९म्ह डिस्चार्ज जुया छेँय् लिहा वने धुकुगु दु धका सैनिक जनसम्पर्क तथा सूचना निर्देशनालयं धाःगु दु।
निर्देशनालयया कथं सक्रिय संक्रमितपि १ हजार ६५६म्ह थ्यःगु दु।
आःतक कोरोनाया कारण निम्ह सैनिक सी धुकुगु दु।
