Display Style:
Column Style
येँय् २३९१ म्ह कोरोना सक्रमित
लहानान्युज | कौलाथ्व पंचमी ११४०,कार्तिक ५ बुधवाः
स्वनिगलय् छन्हु आःतकया हे दकलय् अप्वो ३१०७ म्ह कोरोना संक्रमित जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया प्रवक्ता डा जागेश्वर गौतमया कथं थौं येँय् जक २३९१ म्हेसित कोरोना सक्रमण जूगु दु धका धाःगु खः।
अथेहे यलय् ५४३म्ह व ख्वपय् १७३ म्हेसित कोरोना सक्रमण जुगु धका जानकारी बिःगु खः।
२४ घण्टाय् दक्को याना २० हजार ११८ म्हेसिगु पीसीआर परीक्षण याःगु खः।
चाःबहिलय् दिप दयेकेगु ज्या न्ह्या
लहानान्युज | कौलाथ्व पंचमी ११४०,कार्तिक ५ बुधवाः
चाःबहिलय् च्वंगु शाक्यतय्गु परम्परगत दिप दयेकेगु ज्या न्ह्याःगु दु। उगु वःगु बिहीवाः दिप दयेकेगु तयारी याःगु खःसां नं पिने वयाः उगु लागाय् छेँय् दनाः च्वंवःपिंसं पंगः थःगुलि दिप दयेकेगु ज्या स्थगित जूगु खः ।
दिप लिसे सम्बन्धित व वडा कार्यालयय् सहलह जूगु खःसा वयां लिपा दिप दयेकेगु ज्या स्थगित यायेगु सहमति जूगु खः ।
उगु दिप दयेकेगु बारे येँ महानगरपालिकाया मेयर विद्यासुन्दर शाक्य व पिनें वयाः च्वनाच्वंपिनि दथुइ मेयरया ज्याकुथीइ हे सहलह जूगु खः। उगु सहलहय् खँ मिले मजुइवं मेयर शाक्यं काठमाण्डौं जिल्ला प्रशासन कार्यालययात सुरक्षा बीत इनाप यानादीगु खः ।
थौं दिप दयेकेगु ज्या जुयाच्वंगु थासय् प्रहरीं सुरक्षा बिःगु दु। दिप दयेकेगु निति येँ महानगरपालिकाया बजेटं दयेकेगु ज्या न्ह्याःगु खः। दिपया डिजाइन तक येँ मनपां पारित याये धुंकूगु दु।
शाक्यतय् सी उइगु थ्व दिपय् सी उइगु इलय् निक्वः तक ल्वापू जुगु खः। दिप लिक्क छेँय् च्वपिन्स थनेगु कुतः यायेवं स्थानीय मनूत, सीगुथिया मनूत जानाः प्रतिकार यानाः सी उइगु यायेमालाच्वंगु खः । आः दिपः दयेकेगु ज्या याःबलय् नं पंगः थनेगु कुतः जुइवं स्थानीय मनूत प्रतिकारय् कुहांवःगु खः ।
शुक्रवाः निथ्व दथुइ झडप जुइगु अवस्था वयेवं वडा ज्याकुथिइ सहलह यानाः सोमवाः तकया निंतिं दिप दयेकेगु ज्या दिकेगु सहमति जूगु खः ।
देय् यकं ३०९३ म्ह कोरोना संक्रमण पुष्टि
लहानान्युज | कौलाथ्व चतुर्थी ११४०,कार्तिक ४ मंगलवाः
वःगु २४ घण्टाय् थौं मंगलवाः थप ३ हजार ९३ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयं थौं ग्वसाः ग्वःगु नियमित कोरोना मिडिया ब्रिफिङय् प्रवक्ता डा जागेश्वर गौतमं आःतक १ लाख ३९१२९ म्हेसित संक्रमित जुइ धुकुगु दु धका धाःगु दु।
थ्व नाप देय् यकं सक्रिय संक्रमितपि आःतक ४१ हजार ७५५ म्ह थ्यःगु दु।
येँ १४३१म्ह नाप स्वनिगलय् १७०२म्ह कोरोना सक्रमण
लहानान्युज | कौलाथ्व चतुर्थी ११४०,कार्तिक ४ मंगलवाः
वःगु २४ घण्टाया दुने स्वनिगः दुने १७०२ म्हेसित कोरोना संक्रमित पुष्टि जूगु दु।
स्वास्थ्य तथा जनसंख्या मन्त्रालयया कथं थौं येँ जक १४३१ म्हेसित कोरोना सक्रमण जूगु दु।
अथेहे यलय् १२३ म्ह व ख्वपय् १४८ म्हेसित कोरोना संक्रमण जूगु दु धका धाःगु दु।
२४ घण्टाया दुने १३ हजार ८६१ म्हेसिगु पीसीआर परीक्षण याःगु खः।
भौतिक पूर्वाधारमन्त्री वसन्तकुमार नेम्बाङ कोरोना संक्रमण पुष्टि
लहानान्युज | कौलाथ्व तृतिया ११४०,कार्तिक ३ सोमवाः
भौतिक पूर्वाधार व यातायात मन्त्री वसन्तकुमार नेम्बाङयात कोरोना संक्रमण पुष्टि जूगु दु।
मन्त्री नेम्बाङं थःगु सामजिक सञ्जाल पाखे थःत कोरोना संक्रमण खनेदुगु धका जानकारी बिःगु खः।
थौं सोमवाः पीसीआर परीक्षण याःगुलि थःत कोभिड १९ पोजिटिभ खनेदुगु धका धाःगु दु। थः नाप सम्पर्कय् दुपिन्त सकसिया थःगु स्वास्थ्यय् बिचाः यायेत मन्त्री नेम्बाङं इनाप याःगु खः।
मन्त्री नेम्बाङं थःगु अवस्था सामान्य दुगु व आःतक थःगु हे निवासय् आराम कयाच्वंगु धका वया प्रेस संयोजकं धाःगु दु।
म्हिगः आइतवाः सामान्य ज्वरो वयेवं मन्त्री नेम्बाङं थौं सोमवाः परीक्षणया लागि स्वाब बिःगु खः।
