Display Style:
Column Style
प्रेस काउन्सिलया कार्यवाहक अध्यक्षय् बुढाथोकी
नृपेन्द्रलाल श्रेष्ठ | अनलाथ्व दशमी ११४०,असोज १० शनीवाः
प्रेस काउन्सिल नेपालया कार्यवाहक अध्यक्षय् गोपाल बुढाथोकीयात सर्वसम्मतिं ल्यःगु दु ।
कार्यवाहक अध्यक्ष किशोर श्रेष्ठं थःगु पदं राजीना बिःगुलि बोर्डया बैठकं प्रेस काउन्सिल ऐन २०४८, बैठक सञ्चालन सम्बन्धी, २०७१, सर्वोच्च अदालतया आदेश व विगतया नजीरया आधारय् बुढाथोकीयात अध्यक्षयात ल्यःगु खः ।
साँघु साप्ताहिकया सम्पादक बुढाथोकीयात सरकारं २०७५ साल साउनय् सदस्य नियुक्त याःगु खः ।
बुढाथोकीं म्हिगः शुक्रवाः हे थःगु पदभार ग्रहण यानादिगु खः।
किशोर श्रेष्ठं प्रेस काउन्सिल कार्यवाहक अध्यक्ष पद राजीना
नृपेन्द्रलाल श्रेष्ठ | अनलाथ्व दशमी ११४०,असोज १० शनीवाः
प्रेस काउन्सिल नेपालया कार्यवाहक अध्यक्ष किशोर श्रेष्ठं पद राजीना बियादिगु दु ।
श्रेष्ठं काउन्सिलया स्वायत्तता रक्षा व निरन्तरताया नितिं प्रेस काउन्सिल बोर्ड बैठकय् राजीना बियादिगु खः ।स्वदँ न्ह्यः तत्कालिन अध्यक्ष भवानीप्रसाद बरालया नियुक्ति विरुद्ध सर्वोच्च अदालतं रोके याःगुलि उगु खालि जुयाच्वंगु पदय् बोर्ड बैठकं श्रेष्ठयात कार्यवाहक अध्यक्ष तोके याःगु खः ।
२०६२÷०६३ निसे प्रेस काउन्सिलया सदस्यया रूपय् पटक पटक नियुक्त जुयादिगु खः । कार्यवाहक अध्यक्ष पदपाखे राजीना बियादिसा श्रेष्ठ काउन्सिल सदस्यया पदय् असोज १२ गते तक च्वना च्वनादि।
सदस्य व कार्यवाहक अध्यक्षया रूपया भूमिका निर्वाह यानागु इलय् तसक थाकुगु धका श्रेष्ठं राजीना बियादिगु पत्रय् उल्लेख यानादिगु दु।
गोदावरी नगरपालिकाया मेयर गजेन्द्र महर्जन कोरोना संक्रमण पुष्टि
लहानान्युज | अनलाथ्व दशमी ११४०,असोज १० शनीवाः
यलया गोदावरी नगरपालिकाया मेयर गजेन्द्र महर्जनयात नं कोरोना भाइरसया संक्रमण पुष्टि जुगु दु ।
मेयर महर्जनयात संक्रमण जुगु धका गोदावरी नगरपालिकाया प्रवक्ता मिलन सिलवालं पुष्टि यानादिगु खः।
मंगलबाः स्वास्ब संकलन याना राष्ट्रिय प्रयोगशाला टेकुइ परीक्षण याःबलय् कोरोना पोजिटिभ वगु धका सिलवालं धयादिगु दु ।
प्रवक्ता सिलवालया कथं मेयर महर्जननापं वयकया जहान गंगामाया महर्जनयाके नं कोरोना पोजिटिभ खनेदुगु धका धाःगु दु ।
मेयर महर्जन होम आइसोलेसनय् च्वना च्वनादिगु दु।
यल महानगरया मेयर चिरिबाबु महर्जन कोरोना संक्रमण पुष्टि
लहानान्युज | अनलाथ्व दशमी ११४०,असोज १० शनीवाः
यल महानगरपालिकाया मेयर चिरिबाबु महर्जनयात न कोरोना संक्रमण पुष्टि जुगु दु ।
मेयर महर्जनयात स्वास्थ्यय् समस्या वये वः पीसीआर परीक्षण याःबलय् शुक्रबाः बहनि कोरोना पुष्टि जुगु धका महानगरया प्रवक्ता राजु महर्जनं धयादिगु दु ।
मेयर महर्जन बिहीबाः कोरोना संक्रमितपिनिगु छेँय् छेँय् वना माःगु हलंज्वलं वितरण व थीथी ज्याझ्वलय् सहभागी जुयादिगु खः।
कोरोना पुष्टि जुइवं मेयर महर्जन होम आइसोलेसनय् च्वनादिगु दु।
कोरोना संक्रमणमुक्त जूपि ५१ हजार ८६६म्ह थ्यन
लहानान्युज | अनलाथ्व नवमी ११४०,असोज ९ शुक्रवाः
नेपालय् वःगु २४ घण्टाय् कोरोना संक्रमणमुक्त जुया छेँय् लिहा वःपि १४५५म्ह थ्यःगु दु ।
थ्व नाप आःतक कोेरोना संक्रमणमुक्त जुपि ५१ हजार ८६६ म्ह थ्यःगु दु।
मन्त्रालयया कथं आःतक पीसीआर विधिपाखे ९ लाख ६८ हजार १८५म्हेसिगु परीक्षण याये धुकुगु दु ।
अथेहे २४ घण्टाय् जक १२ हजार २६२म्हेसिगु पीसीआर परीक्षण याःगु खः।
आःतक क्वारेन्टाइनय् च्वना वासः याना च्वपि ६ हजार ४६४म्ह दु।
अथेहे सकृय संक्रमितपि १८ हजार २८९म्ह दु।
