Display Style:
Column Style
लुँया भाः स्वन्हुया दुने ४१ सय क्वहावल
शोभा श्रेष्ठ | अनलाथ्व अष्तमी ११४०,असोज ८ बिहीवाः
नेपाली बजारय् लुँया भाः क्वहा वयेगु सुरु जुगु दु । निन्हु निसे लुँया भाः क्वहा वया च्वंगु थौं बिहीवाः न तोलाया १२ सय क्वहा वःगु दु ।
लुँया भाः मंगलवाः १७ सय व बुधवाः १२ सय क्वहा वःगु खः । थौं बिहीवाः लुँ तोला ९३ हजार १ सय रुपैयाँ कायम जूगु दु ।
नेपाल सुनचाँदी व्यवसायी महासंघया कथं स्वन्हुया दुने ४१ सय क्वहा वःगु दु धका धाःगु खः । छापावाल लुँ क्वहा वये वः तेजाबी लुँ न १२ सय क्वहा वःगु दु ।
अथेहे वहःया भाः न तोलाय् ७० रुपैयाँ क्वहा वःगु दु । थौं छगु तोलाया ११२० रुपैयाँ कारोवार जुगु दु धका महासंघ धाःगु दु।
वहः मंगलवाः ९० रुपैयाँ क्वहा वःगु खःसा बुधवाः ४० रुपैयाँ क्वहा वःगु खः । वहः स्वन्हुया दुने निसः क्वहा वःगु खः।
अनुगमन टोली खने वः प्याजया भाः बच्छि क्वहा वल
लहानान्युज | अनलाथ्व अष्तमी ११४०,असोज ८ बिहीवाः
बिहिवाः सुथय् महानगरपालिकाया बजार अनुगमन टोली मनोहरा तरकारी बजार थ्यःगु दु।
बजारय् सुनापति आलु प्याज सप्लायर्सं अनुगमन टोलीयात प्याजया भाः छगु किलो १२० रुपैयाँ धाःगु खः । प्याजया खरिद मूल्य अनुगमन टोलीं फ्वने वः न्ह्यने प्याज पसलय् छक्वल ग्याःगु दु ।
अनुगमन टोलीया छम्ह प्रतिनिधिया कथं सलेज आलु प्याज भण्डारं तत्कालै छगु किलो ६० रुपैयाँय् प्याज मिइगु खः।
म्हिगः बहनि १४० धाःगु अनुगमन टोली वःगुलि ८० रुपैयाँ घटे याना छम्ह उपभोक्तां धाःगु खः।
अनुगमनया झ्वलय् बजारय् पनौती सैजु आलु प्याज भण्डारं १०५ रुपैयाँ किलो त क प्याज मिइगु दु । अथेहे युपी आलु प्याज भण्डारका सञ्चालकं खुद्रा मूल्य ११५ रुपैयाँ व बोरा न्यायेगु इलय् १०५ रुपैयाँ तक कायेगु याः।
अप्वो भावं प्याज मिइपिन्त, न्यायेगु व मिइपि व्यापारीयात अनुगमन टोलीं भ्वँ ज्वना वया महानगरया कृषि विभागय् सम्पर्क तयेत निर्देशन बिःगु दु।
नारायणगढ,मुग्लिन चलः वया सतक अवरुद्ध
लहानान्युज | अनलाथ्व अष्तमी ११४०,असोज ८ बिहीवाः
थौं सुथय् ६ बजे निसे एकतर्फी रुपं नारायणगढ मुग्लिन सतक चाःगु दु सा ८ः३० बजे निसे निगुतर्फी सवारीसाधनय् आवागमन रोके याना चलः वया अवरुद्ध जुया च्वंगु चाः सतकं चिइकेगु ज्या जुया च्वगु दु ।
वःगु चान्ह्यः चारकिलोय् ९ः२० य् लेदो कुतु वया च्वंंगुलि सडक थौं सुथय् साढे २ घण्टा एकतर्फी खुले यानागु दु धका जिल्ला ट्राफिक कार्यालय चितवनं धाःगु दु ।
कार्यालय प्रमुखया कथं अप्ठ्यारोय् लापिं छु सवारीसाधनयात पास याना निगु तर्फी आवागमन बन्द याना ज्या याना च्वनागु दु । सुथय् छु भचा सवारीसाधनयात गन्तव्यपाखे छ्वयागु दु धका धाःसे आः अगंपाखे छु भचा लेदो चिइकेगु ज्या जुया च्वंगुलि आवागमन रोके यानागु दु धका धाःगु दु ।
छक्वल निगुतर्फी सतक चायेकेगु व ज्याय् अवरोध मवये माः धका सतक बन्द याना ज्या याना च्वनागु दु धका धाःगु दु ।
केरोना सक्रमणं न्ह्यम्ह मन्त
लहानान्युज | अनलाथ्व सप्तमी ११४०,असोज ७ बुधवाः
नोभेल कोरोना भाइरसया संक्रमणं थप न्ह्यम्ह सीगु दु ।
स्वास्थ्य तय्थ जनसंख्या मन्त्रालयया कथं वःगु २४ घण्टाय् देय् यक न्ह्यम्ह कोरोना संक्रमितपि थौं सीगु दु ।
थ्व नाप कोरोना संक्रमण आःतक सीपि ४३६म्ह थ्यःगु दु।
२४ घन्टाय् दुने ११७२म्हेसित कोरोना पुष्टि
शोभा श्रेष्ठ | अनलाथ्व सप्तमी ११४०,असोज ७ बुधवाः
नेपालय् थप ११७२म्हेसित कोरोना संक्रमण पुष्टि जुगु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया नियमित प्रेस ब्रिफिङया झ्वलय् थौं बुधवाः प्रवक्ता डा जागेश्वर गौतमं वःगु २४ घन्टाय् जक ११७२म्ह कोरोना संक्रमण पुष्टि जुगु दु धका जानकारी बिःगु दु । न्हुपि संक्रमितपि नेपालय् कोरोना संक्रमितपि ६७ हजार ८०४म्ह थ्यःगु दु धका प्रवक्ता गौतमं धाःगु दु ।
२४ घन्टाय् ९ हजार ४९७म्हेसिगु पीसीआर परीक्षण याःगु खःः। आःतक ९ लाख ४४ हजार ४७४म्हेसिगु पीसीआर परीक्षण याःग्ु खः ।
अथेहे वःगु २४ घन्टाय् जक कोरोनामुक्त जुया डिस्चार्ज १८९३म्ह छेँय् लिहावःगु दु ।
थ्व नाप नेपालय् आःतक कोरोनामुक्त जूपि ४९ हजार ९५४ म्ह थ्यःगु दु ।
बुधवाः तक सक्रिय संक्रमितपि १७ हजार ४१४म्ह दु धका प्रवक्ता गौतमं धाःगु दु । अथेहे क्वारेन्टाइनय् च्वना च्वपि ७ हजार १०४म्ह दु ।
