Display Style:
Column Style
स्वनिगः दुने २४ घन्टाय् ६३७म्ह कोरोना संक्रमित
लहानान्युज | अनलाथ्व सप्तमी ११४०,असोज ७ बुधवाः
वःगु २४ घन्टाय् स्वनिगः दुने थप ६३७म्हेसित कोरोना संक्रमित जूगु दु ।
स्वास्थ्य तथा जनसंख्या मन्त्रालयया कथं येँ जक ४०२म्हेसित कोरोना सक्रमण पुष्टि जूगु दु ।
अथेह यलय् ५०म्ह व ख्वपय् ९५म्हेसित संक्रमण पुष्टि जुग दु।
नेपाल वायुसेवा निगमं आन्तरिक उडानय् नियमित सेवा सुरु याइगु
लहानान्युज | अनलाथ्व सप्तमी ११४०,असोज ७ बुधवाः
नेपाल वायुसेवा निगमं आन्तरिक उडानय् गुगु थासय् नियमित सेवा याये त्यःगु दु ।
नियमित उडान सेवा याये त्यःगु थाय् भोजपुर, दाङ्ग, ताप्लेजुङ्ग, खानीडाँडा, रुकुम, नेपालगञ्ज, बाजुरा, थामखर्क व फाप्लु खः । उकि मध्ये येँय् न तपिक उडानया नाप रुकुम–नेपालगंज, नेपालगञ्ज–जुम्ला, जुम्ला–नेपालगञ्ज, नेपालगञ्ज–रुकुम, नेपालगञ्ज–बाजुरा व बाजुरा–नेपालगञ्जया लागि न उडान निर्धारण याःगु दु धका निगमं धाःगु दु ।
यात्रुया चाप व मागयात ध्यानय् तया गन्तव्य स्वया वाः स्वन्हु वा निन्हु उडान तालिका निर्धारण याःगु दु धका निगमं धाःगु दु ।
उडानया लागि नेपाल सरकारपाखे निर्धारित स्वास्थ्य सम्वन्धी मापदण्डयात आधार माने याना यायेगु धा निगमं धाःगु दु।
आङरिता शेर्पायात राष्ट्रिय सम्मानया साथ अन्त्येष्टि
लहानान्युज | अनलाथ्व सप्तमी ११४०,असोज ७ बुधवाः
कीर्तिमानी आरोही आङरिता शेर्पायात थौं बुधवाः सुथय् राष्ट्रिय सम्मानया साथ अन्त्येष्टि याःगु दु । बुधवाः सुथय् येँया टेकु दोभानय् बौद्ध परम्परा कथं वयकःयात अन्त्येष्टि याःगु खः ।
आरोही आङरिता शेर्पाया पार्थिव शरीरय् राष्ट्रिय झण्डा फाय्का पर्यटनमन्त्री योगेश भट्टराई न शेर्पायाःगु पार्थिव शरीरय् सम्मान व्यक्त याःगु खः । अथेहे ै सशस्त्र प्रहरीया छगु टुकडीं शेर्पाप्रति सलामी अर्पण याःगु खः ।
सगरमाथा शिखर आरोहणय् थःगु जीवन ज्वःछि किंवदन्ती थे आरोही आङरिता शेर्पा सोमवाः ७२ दँय् येँ मदुगु खः । अक्सिजन मतस्ये झीकतक सगरमाथा आरोहण याना कीर्तिमान कायम याम्ह खः ।
आङरिता २००५ सालय् सोलुखुम्बुया हिलाजुङ (हाल पासाङल्हामु गाउँपालिका– थामेय् जन्म जुगु खः ।
‘हिउँचितुवा’ या नामं हलियकं नांजाम्ह नेपालया ८ हजार तजाःगु दक्को हे हिमाल अक्सिजनबिना आरोहण याना कीर्तिमान तये धुकुम्ह खः।
आङरिता शेर्पायात राष्ट्रिय सम्मानया साथ अन्त्येष्टि
अनलाथ्व सप्तमी ११४०,असोज ७ बुधवाः
कीर्तिमानी आरोही आङरिता शेर्पायात थौं बुधवाः सुथय् राष्ट्रिय सम्मानया साथ अन्त्येष्टि याःगु दु । बुधवाः सुथय् येँया टेकु दोभानय् बौद्ध परम्परा कथं वयकःयात अन्त्येष्टि याःगु खः ।
आरोही आङरिता शेर्पाया पार्थिव शरीरय् राष्ट्रिय झण्डा फाय्का पर्यटनमन्त्री योगेश भट्टराई न शेर्पायाःगु पार्थिव शरीरय् सम्मान व्यक्त याःगु खः । अथेहे ै सशस्त्र प्रहरीया छगु टुकडीं शेर्पाप्रति सलामी अर्पण याःगु खः ।
सगरमाथा शिखर आरोहणय् थःगु जीवन ज्वःछि किंवदन्ती थे आरोही आङरिता शेर्पा सोमवाः ७२ दँय् येँ मदुगु खः । अक्सिजन मतस्ये झीकतक सगरमाथा आरोहण याना कीर्तिमान कायम याम्ह खः ।
आङरिता २००५ सालय् सोलुखुम्बुया हिलाजुङ (हाल पासाङल्हामु गाउँपालिका– थामेय् जन्म जुगु खः ।
‘हिउँचितुवा’ या नामं हलियकं नांजाम्ह नेपालया ८ हजार तजाःगु दक्को हे हिमाल अक्सिजनबिना आरोहण याना कीर्तिमान तये धुकुम्ह खः।
येँ जक १ हजार प्रहरीयात कोरोना संक्रमण
लहानान्युज | अनलाथ्व सप्तमी ११४०,असोज ७ बुधवाः
नेपाल प्रहरी कोरोना संक्रमितपि ३९१२ म्ह थ्यःगु दु । उकि मध्ये १९०३ म्ह सक्रिय संक्रमित जुया च्वंगु दु । उकि मध्ये २३ म्ह डिस्चार्ज जुइ धुकुगु दु ् ।
स्वनिगः दुने जक १०२७म्ह प्रहरी कोरोनाया सक्रिय संक्रमित जुया च्वंगु दु ।
प्रहरी प्रवक्ताया कथं येँया प्रहरी प्रधान कार्यालयय् ज्या याइपि २८९म्ह संक्रमित दु सा स्वनिगः दुने ७३८म्ह सक्रिय संक्रमित जुया च्वंगुु दु ।
अथेहे प्रदेश १ य् १६८म्ह, प्रदेश २ य् १७२म्ह, वाग्मती प्रदेशय् १२९म्ह, गण्डकी प्रदेशय् १५१म्ह, प्रदेश ५ य् १३९म्ह, कर्णाली प्रदेशय् ५४म्ह व सुदूरपश्चिम प्रदेशय् ६९म्ह सक्रिय संक्रमित जुया च्वःगु दु।
