Display Style:
Column Style
थौं येँ भुखाय् ब्बल
लहनान्युज | ञंलागा १४ ११४०,भाद्र ३१ बुधवाः
येँ भुखाय् ब्बःगु दु । थौं सुथसिया ५ः२०बजे उगु भुखाय् ब्बःगु खः ।
भुखाचं येँ बालक्क सकुलि मनूत छेँय् न तक पिहावःगु खः ।
भुखाय् गुलि रेक्टरया सिइमदुनि ।
कोरोना संक्रमणमुक्त जुपि ४० हजार अप्वोल, १०६२म्ह डिस्चार्ज
लहनान्युज | ञंलागा १३ ११४०,भाद्र ३० मंगलवाः
नेपालय् वःगु २४ घन्टाय् कोरोना संक्रमणपाखे मुक्त जुया छेँय् लिहा वपि १ हजार ६२म्ह धका स्वास्थ्य तथा जनसंख्या मन्त्रालयं धाःगु दु ।
विराटनगरया कोसी अस्पतालया कोभिड–१९ उपचार केन्द्रय् कोरोनामुक्त जुया डिस्चार्ज जूपि ४० हजार ६३८म्ह थ्यःगु दु ।
मन्त्रालयया कथं आःतक पीसीआर विधिपाखे ८ लाख ६१ हजार ७८०म्ह परीक्षण याःगु खः ।
थ्व नाप २४ घन्टाय् जम्मा १० हजार ३७५म्हेसिगु पीसीआर परीक्षण याःगु खः ।
आःतक क्वारेन्टाइनय् च्वना च्वपि ७ हजार २५० म्ह दु । अथेहे सकृय संक्रमितपि १५ हजार ७७९ म्ह थ्यःगु दु ।
२४ घन्टाय् थप ११ म्ह सी धुकुगु दु ।
१४५९ म्ह कोरोना संक्रमण पुष्टि
लहनान्युज | ञंलागा १३ ११४०,भाद्र ३० मंगलवाः
वःगु २४ घण्टाया दुने थप १ हजार ४५९म्हेसित कोरोना भाइरस (कोभिड–१९) या संक्रमण पुष्टि जूगु दु ।
देय् यकया प्रयोगशालाय् याःगु १० हजार ३७५म्हेसित नमुना परीक्षणय् १४५९म्ह संक्रमण पुष्टि जूगु दु।
सीआईबीया २६म्ह अधिकारीयात कोरोना संक्रमणया पुष्टि
लहनान्युज | ञंलागा १३ ११४०,भाद्र ३० मंगलवाः
विशेष प्रकृतिया अपराध अनुसन्धान याइपि नेपाल प्रहरीया केन्द्रीय अनुसन्धान ब्युरो (सीआईबी) या २६ म्ह अधिकारीयात कोरोना भाइरस संक्रमणया पुष्टि जूगु दु ।
नेपाल प्रहरी अस्पताल, महाराजगञ्जय् याःगु परीक्षणय् छम्ह प्रहरी नायब उपरीक्षक (डीएसपी) नाप २६म्हेसित संक्रमण खने दुगु खः ।
ब्युरोया छम्ह अधिकृतया कथं तधःगु ल्याखं अनुसन्धान अधिकारीपिन्त संक्रमण खने दुगुलि कन्ट्याक ट्रेसिङ याना मेपि थप परीक्षण यायेगु जुइ धका धाःगु दु ।
मेपि प्रहरी युनिट थे सर्वसाधारण नाप सम्पर्क मदइगु जुसा ब्युराय् गये याना संक्रमण पिहावःल धइगु खँ पिहा मवनि ।
प्याजया भाः थहा वन
लहनान्युज | ञंलागा १३ ११४०,भाद्र ३० मंगलवाः
भारत सरकारं प्याज निर्यात रोके याये वं नेपालय् प्याजया भाः थहा वःगु दु । अझ ला बजारय् प्याजया हे अझाव जुया भाः तक थहा वःगु दु ।
भन्सार विभागया महानिर्देशकया कथं भारतं प्याज निर्यात रोके याःगु जानकारी बियादिगु खः ।
भारतपाखे म्हिगः भदौ २९ गतेनिसे प्याज मवःगुलि नेपालय् अभाव जुगु धका व्यापारी तयेस न धाःगु दु ।
येँया कालिमाटी च्वंगु तरकारी बजारय् छगु किलो प्याजया भाः ८० तक थ्यःगु दु धका उपभोक्तापिन्स धाःगु दु । छु दिं न्ह्यः तक छगु किलोया प्याज ६५ रुपैयाँ बजारय् मिया च्वंगु खः ।
भारत सरकारं प्याज भाः अप्वोया वःगुलि निर्यात बन्द याःगु खः । थ्व स्वया न्ह्यः सन् २०१९ य् न भारत सरकारं प्याजया निर्यात बन्द याःगु खः।
