Display Style:
Column Style
येँ १७ वडाय् थौं ३८म्हेसित कोरोना सक्रमण पुष्टि
लहानान्युज | अनलागा ८ ११४०,असोज २४ शनिवाः
थौं येँ महानगरपालिका १७ वडाय् ३८म्हेसित कोरोना सक्रमण जूगु दु। निम्ह डिस्चार्ज जुगु दु।
येँ महानगरपालिका १७ वडाया दुने थौं खुसिबँु ११ म्ह, ढल्को ११ म्ह, धोविचौर ६ म्ह, कुश्लेचौर प्यम्ह, क्षटपाटी व थँहिति स्वम्ह स्वम्हेसित कोरोना पुष्टि जूगु दु।
पिसिआर १२२ म्हेसिगु परिक्षणय् ३८ म्हेसिगु रिपोर्ट पोजिटिभ वःगु खः।
थ्व नाप आःतक १७ वडाया दुने सक्रमितपि २४१ म्ह थ्यःगु दु।
आःतक ४२ म्ह डिस्चार्ज जुगु दु सा कोरोनाया कारणं न्याम्ह सी धुकुगु दु।
२४ घन्टाया दुने १२२९ म्ह डिस्चार्ज, १४म्ह मन्त
लहानान्युज | अनलागा ८ ११४०,असोज २४ शनिवाः
वःगु २४ घन्टाया दुने नेपालय् कोरोनामुक्त जुपि १२२९ म्ह डिस्चार्ज जूगु दु।
थ्व नाप आःतक नेपालय आःतक कोरोनामुक्त जूपि ७४ हजार २५२ म्ह थ्यःगु दु।
अथेहे थौं २४ घन्टाया दुने नेपालय् थप १४म्ह कोरोना संक्रमणं सीगु दु धका स्वास्थ्य मन्त्रालयं धाःग दु।
थ्व नाप नेपालय् कोरोना संक्रमणं सीपि ६१४ म्ह थ्यःगु दु।
छन्हु देय्यकं थप ५ हजार ८म्ह कोरोना संक्रमण पुष्टि
लहानान्युज | अनलागा ८ ११४०,असोज २४ शनिवाः
वःगु २४ घन्टाया दुने थौं छन्हु हे दकलय् अप्वो नेपालय् थप ५ हजार ८म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयया नियमित प्रेस ब्रिफिङय् थौं शनिवाः प्रवक्ता डा जागेश्वर गौतमया कथं थ्व नापं कोरोना संक्रमितपि आः नेपालय् कोरोना संक्रमितपि १ लाख ५ हजार ६८४ म्ह थ्यःगु दु।
वःगु २४ घन्टाय् नेपालय् थप ५ हजार ८म्हेसित कोरोना संक्रमण पुष्टि जूगु धका स्वास्थ्य तथा जनसंख्या मन्त्रालयं धाःगु दु।
देय् यकं आः सक्रिय संक्रमितपि आःतक ३० हजार ८१८ म्ह दु धका धाःगु दु।
येँ जक २१००म्हेसित सक्रमण
लहानान्युज | अनलागा ८ ११४०,असोज २४ शनिवाः
वःगु २४ घण्टाया दुने स्वनिगलय् २६७२ म्ह कोरोना संक्रमित पुष्टि जूगु दु।
स्वास्थ्य तथा जनसंख्या मन्त्रालयं थौं शनिवाः ग्वसाः ग्वगु पत्रकार सम्मेलनय् येँ जक २ हजार १००म्हेसित कोरोना सक्रमण जूगु दु।
अथेहे यलय् ३६९म्ह व ख्वपय् २०३ म्हेसित कोरोना सक्रमण जुगु दु धका जानकारी बिःगु दु।
वःगु २४ घण्टाय् जम्मा १९ हजार ३२०म्हेसिगु पीसीआर परीक्षण याःगु खः।
गण्डकी प्रदेशय् ३१म्ह थपे जुल निम्ह मन्त
लहानान्युज | अनलागा ८ ११४०,असोज २४ शनिवाः
गण्डकी प्रदेशय् थौं ३१म्ह कोरोना सङ्क्रमितपि थपे जूगु दु उकि मध्ये निम्ह सीगु दु।
सीपि स्याङ्जाया आँधिखोला–६ स्थायी ठेगाना दुम्ह बुटवल च्वपि गण्डकी मेडिकल कलेज पोखराय् वासः यायेगु झ्वलय् ८१ दँ दुम्ह व नवलपरासी गैँडाकोट–१ या कलेज अफ मेडिकल साइन्स चितवनय् वासः याका वयाच्वम्ह ३६ दँ दुम्ह धका निर्देशनालयं धाःगु दु।
थौं थपे जुपि बाग्लुङया ११म्ह, कास्कीया १०म्ह, तनहुँया खुम्ह, गोरखाय् स्वम्ह व तनहुँया छम्हेसित जुगु खः।
प्रदेशय् कोरोना सङ्क्रमितपि आः ४६४८ म्ह थ्यःगु दु धका प्रदेश स्वास्थ्य निर्देशनालयं धाःगु दु।
