Display Style:
Column Style
कर्णाली मुख्यमन्त्री महेन्द्रबहादुर शाहीविरुद्ध अविश्वास
लहानान्युज | अनलागा ९ ११४०,असोज २५ आइतवाः
कर्णाली प्रदेशया मुख्यमन्त्री महेन्द्रबहादुर शाहीविरुद्ध सत्तारुढ दल नेपाल कम्युनिस्ट पार्टी (नेकपा) या थःगु हे सांसदपिन्स अविश्वासया प्रस्ताव दर्ता याःगु दु।
शाहीयात संसदीय दलया नेतां चिकेगु माग यासे आइतवाः १८ म्हेसिगु ल्हाचिं तया संसदीय दलया प्रमुख सचेतक गुलाबजङ्ग शाहयात लल्हाःगु दु।
अविश्वासया प्रस्तावय् प्रदेशसभा सदस्यपि यामलाल कँडेल, प्रदेश सरकारया उपसभामुख पुष्पा घर्तीमगर व नेकपाया कर्णाली प्रदेशया संसदीय दलया प्रमुख सचेतक गुलाबजङ्ग शाह लगायतपि खः।
नेकपा संसदीय दलया नेताय् शाही निर्वाचित जुइ धुका पार्टीया प्रभावकारिताय् ह्रास वःगु, पार्टी व सरकारया ज्याया कारबाही फ्यासुगु धका सांसदपिन्स आरोप बिःगु खः।
बीपी विज्ञान प्रतिष्ठान धरानय् स्वम्ह कोरोना संक्रमितपि मन्त
लहानान्युज | अनलागा ९ ११४०,असोज २५ आइतवाः
बीपी कोइराला स्वास्थ्य विज्ञान प्रतिष्ठान धरानय् तीन जना कोरोना संक्रमितपि मदुगु खः।
दुहबीया ६५ दँ दुम्ह मिजंम्ह व धनकुटाया ६१ दँ दुम्ह मिसा म्ह थौं सुथय् व सुनसरी धरान–८ या ६२ दँ दुम्ह मिसाम्ह वःगु चान्ह्य मदुगु धका प्रतिष्ठानका सहायक प्रवक्तां धाःगु दु।
धरानया ६२ दँ दुम्ह मिजंम्ह असोज २१ गते कोरोना संक्रमण पुष्टि जुग कन्ह्य कुन्हु हे अस्पताल भर्ना जुगु खः। वासः यायेगु झ्वलय् वःगु ८ बजे मदुगु धका सहायक प्रवक्तां जानकारी बिःगु खः।
अथेहे सुनसरीया दुहबीका ६५ दँ दुम्ह मिजंम्ह थौं सुथय् ३ः५० मदुगु खः । उच्च रक्तचाप व निमोनिया समस्या जुया वःगु असोज १४ गते प्रतिष्ठानय् भर्ना जूगु खः। असोज १५ गते वयात कोरोना संक्रमण पुष्टि जूगु खः।
अथेहे धनकुटाया ६१ दँ दुम्ह मिसाम्ह बीपी कोइराला स्वास्थ्य विज्ञान प्रतिष्ठानय् वासः यायेगु झ्वलय् मदुगु खः। वयाके डायबिटिज व उच्च रक्तचापया समस्या दुम्ह धनकुटा अस्पतालपाखे रिफर जुग वम्ह खः। वयात असोज १६ गते बीपी कोइराला स्वास्थ्य विज्ञान प्रतिष्ठानय् भर्ना जूगु खः। वासः यायेगु झ्वलय् असोज २० गते वयात कोरोना संक्रमण पुष्टि जूगु खः।
डा. गोविन्द केसीं २८ दिं अनशन क्वचाल
लहानान्युज | अनलागा ९ ११४०,असोज २५ आइतवाः
चिकित्सा शिक्षा व सेवा सुधारया माग तया अनशन च्वनाच्वम्ह डा. गोविन्द केसीं २८ दिं अनशन तोडे याःगु दु। शनिबार चान्ह्य सरकार नाप ८ बुँदे सहमति लिपा थौं आइतवाः सुथय् डा. केसीं १९क्वःगु अनशन तोडे याःगु दु।
डा. गोविन्द केसीयात कोरोना संक्रमण वासः याना थिक जुम्ह त्रिवि शिक्षण अस्पतालया कर्मचारी विकास नेपालीं जुस त्वका अनशन तोडे यानादिगु खः। आमरण अनशनया कारण स्वास्थ्य अवस्था नाजुक जुम्ह डा. केसीया आः त्रिवि शिक्षण अस्पतालय् आईसीयूलय् वासः याना च्वंगु दु।
डा. केसीं ६ बुँदे माग तया जुम्लाय् वःगु भदौ २९ गते अनशन च्वनादिगु खः। स्वास्थ्य अवस्था स्यना वःगुलि कर्णाली स्वास्थ्य विज्ञान प्रतिष्ठान शिक्षण अस्पतालया आईसीयू कक्षय् अनशन च्वना वयात नेपालगन्ज हया असोज ६ गते येँ हःगु खः।
भरतपुर महानगरपालिका २० या वडाध्यक्ष कोरोना मन्त
लहानान्युज | अनलागा ९ ११४०,असोज २५ आइतवाः
कोरोना संक्रमणया कारण भरतपुर महानगरपालिका २० या वडाध्यक्ष मणिलाल तामाङ मन्त। ६९ दँ दुम्ह तामाङ भरतपुर अस्पतालय् वासः याकेगु झ्वलय् थौं आइतवाः सुथय् ११ः३० बजे मदुगु धका अस्पतालया कोभिड संयोजकं जानकारी बिःगु दु।
वःगु असोज १४ गते पीसीआर परीक्षण यागुलि १६ गते वयात कोरोना पोजेटिभ रिपोर्ट वःगु खः। यक्को ज्वरो, मुसु व सासः ल्हायेगु समस्या वयेवं वयात असोज २३ गते भरतपुर अस्पताल भर्ना याःगु खः। व स्वया न्ह्यः भरतपुरया हे पुष्पाजली अस्पतालय् स्वन्हु वासः याना डिस्चार्ज जुगु खः।
हाकन स्वास्थ्यय् समस्या वयेवं वयात भरतपुर अस्पताल हःगु खः। चिनी ल्वय, उच्च रक्तचापया समस्या दुम्ह वयात अक्सिजनया मात्रा ४० य् क्वहा वःगुलि सघन उपचार कक्षय् तया वासः याःगु खः।
चितवनय् कोरोना संक्रमणं सीम्ह न्हापाम्ह जनप्रतिनिधि खः। स्थानीय तहया निर्वाचनय् नेपाली कांग्रेसपाखे वडाध्यक्षय् निर्वाचित जुगु खः।
सरकार व डा. गोविन्द केसीया दथुइ ८बुँदे सहमति
लहानान्युज | अनलागा ९ ११४०,असोज २५ आइतवाः
सरकार व डा. गोविन्द केसीया दथुइ ८बुँदे सहमति जूगु दु। २७ दि निसे आमरण अनसनर च्वनाच्वम्ह डा. केसी व सरकारी वार्ता टोलीया संयोजक गोपी मैनालीं म्हिगः चान्ह्यः सहमतिइ हस्ताक्षर याःगु दु।
डा. केसीं थौं आइतवाः अनसन तोडे याये त्यःगु दु।
छुछु जुल सहमति ?
सरकार व डा.केसीया दथुइ कर्णाली स्वास्थ्य विज्ञान प्रतिष्ठानय् वइगु दँय् एमबीबीएस ज्याझ्वः सञ्चालन यायेगु सहमति जूगु दु । मेमे थाय् २०८० फागुन १० दुने ब्बकेगु सुरु यायेगु सहमतिइ उल्लेख याःगु दु।
अथेहे विश्वविद्यालय व प्रतिष्ठानय् पदाधिकारी नियुक्ति निश्पक्ष व पारदर्शी दयकेगु उच्च शिक्षासम्बन्धी विधेयक व एकीकृत स्वास्थ्य शिक्षा प्रतिष्ठान सन्बन्धी विधेयकय् दुथ्याःगु स्ववा दुने मस्यौदा दयेकेगु व कानूनी व्यवस्था मजुतले वरिष्ठताय् व ज्यायाःगु आधारय् सहमति जुगु खः।
अथेतु चिकित्सा शिक्षा ऐन संशोधनया लागि चिकित्सा शिक्षा आयोगं गठन याःगु कार्यदलया क्षेत्राधिकारय् डा. केसी दथुइ २०७५ साउन १० यात तयेगु सहमतिइ उल्लेख याःगु दु।
