Display Style:
Column Style
धरान व बिराटनगरयाना कोरोना सक्रमितपि प्यम्ह मन्त
लहानान्युज | अनलागा ७ ११४०,असोज २३ शुक्रवाः
कोरोना संक्रमणया कारण थौं शुक्रवाः विराटनगर व धरानय् प्यम्ह सीगु दु। बीपी कोइराला स्वास्थ्य विज्ञान प्रतिष्ठान धरानय् निम्ह व नोबेल मेडिकल कलेज विराटनगरय् निम्ह सीगु खः।
नोबेलय् रंगेली नगरपालिका ९ व धरान उपमहानगरपालिका १२ या निम्ह मिजपि मदुगु खः। बीपीइ इटहरी व दुहबीया निम्ह मदुगु खः।
नोबेल मेडिकल कलेज विराटनगरय् मोरङया रंगेली नगरपालिका ४ या ७२ दँ दुम्ह संक्रमितम्ह बिहीवाः चान्ह्य मदुगु खः।
नोबेल मेडिकल कलेज विराटनगरया प्रबन्धकया कथं बुधवाः सुथय् अस्पताल हःगु खः ७२ दँ दुम्ह आइसोलेसन् च्वना वासः याकेगु झ्वलय् मदुगु खः।
१७ असोजय् नोबेलय् भर्ना जुम्ह सुनसरी धरान उपमहानगरपालिका १२ या ४५ दँ दुम्ह कोरोना संक्रमित मिजंम्ह शुक्रवाः सुथय् ७ बजे सीगु खः। मदुम्ह सासः ल्हायेगु समस्या दुम्ह व फोक्साया संक्रमण समस्या दुम्ह खः।
बीपी कोइराला स्वास्थ्य विज्ञान प्रतिष्ठान धरानय् वासः याना वयाच्वपि निम्ह संक्रमितपि थौं शुक्रवाः सुथय् मदुगु खः।
थ्व नाप प्रदेश १ य् कोरोना संक्रमण जुया मदुपि ९३ म्ह थ्यःगु दु।
चन्द्रागिरि नगरपालिकाय् कोरोना सङ्क्रमितपि ५५१म्ह थ्यःन
लहानान्युज | अनलागा ७ ११४०,असोज २३ शुक्रवाः
चन्द्रागिरि नगरपालिकाय् कोरोना सङ्क्रमितपि ५५१म्ह थ्यःगु दु। स्वनिगः वयेगु मुख्य नाकाय् चन्द्रागिरि म्हिगः बिहीवाः १३म्ह सङ्क्रमित थपे जूगु नाप उगु थासय् ५५१म्ह थ्यःगु दु।
चन्द्रागिरिय् दकलय् कम वडा २ य् च्याम्ह व दलकय् अप्वो वडा ८ य् १०४ म्ह सङ्क्रमित पिहावःगु दु।
अथेहे वडा १ य् १३म्ह, वडा २ य् च्याम्ह, वडा ३ य् ३६म्ह, वडा ४ य् २८म्ह, वडा ५ य् २९ म्ह, वडा ६ य् १६ म्ह, वडा ७ य् १५ म्ह, वडा ८ य् १०४ म्ह, वडा ९ य् १६ म्ह, वडा १० य् ३० म्ह, वडा ११ य् ५९ म्ह, वडा १२ य् ४६ म्ह, वडा १३ य् ३५ म्ह, वडा १४ य् ५१ व वडा १५ य् ५६म्हेसित सङ्क्रमित जूगु दु।
कोरोना सङ्क्रमित मध्ये ३४३ म्ह छेँय् लिहावने धुकुगु दु। आःतक १६५म्ह होम आइसोलेसनय् व ३८म्ह स्वनिगः दुने थीथी अस्पतालय् वासः याका वयाच्वंगु दु।
कोरोना सङ्क्रमणया कारण चन्द्रागिरि आःतक न्याम्ह मन्त। चन्द्रागिरिं कोरोना सङ्क्रमित बिरामीपिनिगु उपचारया लागि सशस्त्र प्रहरी बल अस्पताल बलम्बु व मनमोहन अस्पताल दहचोकय् वासः याना वयाच्वंगु खः।
नगरपालिका दुने आःतक १० हजार मनू तयेगु पीसीआर परिक्षण याये धुकुगु दु।
टोखा नगरपालिकाया उपप्रमुख ज्ञानमाया डंगोल कोरोना सक्रमण
नृपेन्द्रलाल श्रेष्ठ | अनलागा ७ ११४०,असोज २३ शुक्रवाः
टोखा नगरपालिकाया उपप्रमुख ज्ञानमाया डंगोलयात न कोरोना सक्रमण जुगु दु।
उपप्रमुख डंगोलयात म्हिगः कोरोनाया रिपोर्ट पोजिटिभ वःगु खः।
आः वयकः छेँय् हे आइसोलेसनय् च्वनादिगु दु।
उपप्रमुख डंगोलं थःत कोरोना भाइरस संक्रमण जुगु दु। धयादिसे थः उच्च मनोवलया साथ कोरोना भाइरसयात याकन हे परास्त याना याकन हे जनसेवाय् लिहा वये धका धयादिगु दु।
सानुराजा शाक्य लुम्बिनी बिकास कोषय् सदस्य सचिव
नृपेन्द्रलाल श्रेष्ठ | अनलागा ७ ११४०,असोज २३ शुक्रवाः
सानुराजा शाक्य लुम्बिनी बिकास कोषया सदस्य सचिव पदया लागि म्हिगः च्वंगु मन्त्रिपरिषदया बैंठकं क्वछिगु दु।
बुद्ध जन्मस्थल लुम्बिनीया बिकासय् नियुक्त जुयादिम्ह शाक्य थीथी बौद्ध संघ सस्थाय् आवद्ध जुयादिम्ह खः।
यल महानगरया स्वम्ह वडाध्यक्षपिन्त कोरोना सक्रमण
लहानान्युज | अनलागा ६ ११४०,असोज २२ बिहीवाः
यल महानगरपालिकाया स्वगू वडाया वडाध्यक्षतयत कोरोना भाइरसया संक्रमण जुगु दु ।
महानगरया वडा ल्याः ८ या वडाध्यक्ष हेम महर्जन, १२ या वडाध्यक्ष नारायणलाल अवाले व ल्याः१९ या वडाध्यक्ष विनोद ताम्राकारयात कोरोना संक्रमण पुष्टि जुगु दु।
थःनापं वडा ल्याः ८ या अध्यक्ष हेम महर्जन व वडा १२ या अध्यक्ष नारायण अवालेयात पोजिटिभ खनेदुगु वडा ल्याः १९ या अध्यक्ष विनोद ताम्राकारं धयादिल। ज्वर वगु व नयेबलय् स्वाद सिइमदुगुलिइ १६ गते स्वाब परीक्षण यानाबलय् १८ गते कोरोना पुष्टि जुगु वयकलं धयादिल।
वयकपिं आः छेँय् हे आइसोलशनय् च्वनाच्वनागु दु। वंगु असोज २० निसें २७ गतेतकया लागि ८ या वडा ज्याकु व १९ निसें छवाया लागि वडा ल्याः १९ या ज्याकु पूर्ण रुपं बन्द जुगु सम्बन्धित वडाध्यक्षतयसं धयादिगु दु ।
थ्वहे दथुइ, वडाय् कोभिड संक्रमित अप्वसेलिइ बिहीबाःनिसें २५ गतेतकया वडाया फुक्कं सेवा बन्द यानागु धकाः वडा ल्याः २० या अध्यक्ष चन्द्रलाल महर्जनं धयादिल।
