Display Style:
Column Style
वःगु २४ घण्टाय् नेपालय् ८७९म्ह कोरोना संक्रमतमुक्त
लहनान्युज | ञंलागा १२ ११४०,भाद्र २९ सोमवाः
वःगु २४ घण्टाय् नेपालय् ८७९म्ह कोरोना संक्रमित वासः याका छेँय् लिहावःगु धका स्वास्थ्य तथा जनसंख्या मन्त्रालयं धाःगु दु ।
थ्व नाप नेपालय् कोरोनामुक्त जुपि आः ३९ हजार स्वया अप्वो जुइ धुकुगु दु ।
नेपालय् थौं सोमवाः तक कोरोनामुक्त जुपि ३९ हजार ५७६म्ह थ्यःगु दु धका मन्त्रालयया प्रवक्ता डा.जागेश्वर गौतमं धाःगु खः ।
अथेहे देय् यकं कोरोना संक्रमितपि ५५ हजार ३२९म्ह थ्यःगु दु । आःतक सक्रिय कोरोना संक्रमितपि १५ हजार ३९३म्ह थ्यःगु दु धका मन्त्रालयया प्रवक्ता गौतमं सोमवाः मिडिया ब्रिफिङय् जानकारी बिःगु खः ।
वःगु २४ घण्टाय् ११७०म्ह कोरोना संक्रमण खने दुगु खः।
येँ महानगर १७ वडां सक्रमितपिन्त माक्स,सेनिटाइजर व जुस बितरणयात
शोभा श्रेष्ठ | ञंलागा १२ ११४०,भाद्र २९ सोमवाः
येँ महानगरपालिका १७ वडापाखे कोरोना सक्रमण जूया च्वपिन्त माःगु सावः, माक्स, सेनिटाइजर, फ्रेसिल, जुस लगायत च्याताजि सामान थःगुु वडाय् छेँय् आइसोलेसनय् च्वना च्वपिन्त छेँय् वना बिउवःगु दु ।
१७ वडा अधक्ष्य नविन मानन्धरया कथं १७ वडा दुने आःतक ५५म्ह सक्रमण जुइ धुकुगु दु सा १२ म्ह सक्रमणमुक्त जुइ धुकुगु दु धका लहनान्युजयात जानकारी बिःगु दु ।
सक्रमण जुया आः ३४म्ह थःगु छेँय् हे होम आइसोलेसनय् च्वना च्वपिन्त थौं वडापाखे उगु सामान बिइगु ज्या जुगु धका न जानकारी बियादिगु खः।
नेपाल एयरलाइन्सया निम्ह पाइलट कोरोना संक्रमण पुष्टि
शोभा श्रेष्ठ | ञंलागा १२ ११४०,भाद्र २९ सोमवाः
नेपाल एयरलाइन्सया निम्ह क्याप्टेन पाइलटयात कोरोना भाइरस संक्रमण पुष्टि जुगु दु ।
परीक्षणया झ्वलय् कोरोना संक्रमण पुष्टि जूपि नेपाल वायु सेवा निगमया प्रवक्ता धाःगु दु ।
उमिगु स्वाब म्हिगः संकलन याःगु खः । संक्रमित निम्ह सोल्टी होटलया आइसोलेसनय् च्वना च्वंगु दु ।
येँ महानगर दुने गुलि जुद सक्रमित
शोभा श्रेष्ठ | ञंलागा १२ ११४०,भाद्र २९ सोमवाः
येँ महानगरपालिकाया ३२ वडा दुने शनिवाः बहनि तक न्याद्धः व १६०म्ह कोरोना संक्रमित जुइ धुकुगु दु धका महानगरपाखे धाःगु दु । येँ महानगर दुने दकलय् अप्वो १५ वडाय् ४७७म्ह सक्रमित जुगु दु ।
शनिवाः तक महानगरपालिकाया वडा नम्बर १ य् ११९म्ह, २ य् ३६म्ह, ३ य् ३३२म्ह, ४य् १७४म्ह कोरोना संक्रमित जूगु दु ।
अथेहे वडा नम्बर ५ य् ८७ म्ह, ६ य् ५९ म्ह, ७ य् ७७ म्ह, ८ य् ११६ म्ह, ९ य् ११७ म्ह, १० य् १२७ म्ह, ११ य् २७० म्ह, १२ य् ७७ म्हेसित कोरोना संक्रमित जुइ धुकुगु दु ।
अथेहे वडा नम्बर १३ य् २७३ म्ह, १४ य् २३९ म्ह, १५ य् ४७७ म्ह, १६ य् ३८६ म्ह, १७ य् ८१ म्ह, १८ य् ३० म्ह, १९ य् २१ म्ह, २० य् २७ म्ह, २१ य् ५५ म्ह, २२ य् ४९ म्ह, २३ य् ५६ म्ह, २४ य् ६४ म्ह, २५ य् ४० म्ह, २६ य् १५४ म्ह, २७ य् २५४ म्ह, २८ य् १९९ म्ह, २९ य् १४३, ३० य् ८८ म्ह, ३१ य् ११२ म्ह, ३२ य् २८७ म्हेसित कोरोना संक्रमित जुगु दु ।
अथेहे ४२५म्ह धाःसा वडा खुले मजुगु धका महानगरं धाःगु दु ।
बुंगद्यःयात थौं बुंगय् लिहाँविज्याकिगु
शोभा श्रेष्ठ | ञंलागा १२ ११४०,भाद्र २९ सोमवाः
कोरोना भाइरसया संक्रमणया कारणं जात्रा चिहाक यायेगु कथं थौं द्यःयात बुंगय् विज्याकेत्यगु दु ।
थौं द्यःयात बुंगय् विज्याकेत थौं सुथसिया १०ः०५ निसें १०ः२० या साइत दुने द्यःया रथं कुहाँविज्याका खटय् विज्याका झिपलाति उत्तरपाखें कुपण्डोलपाखें स्वका यंकेधुक्का जावलाख्यपाखें चाहिका लिहाँ विज्याके त्यःगु खः दु ।
कन्हय् निसें पुच्वय् बुंगद्यःया रथ स्यकिगु जुग दुसा चकबाद्यःया रथ धासाः तंगलय् लित यंकेधुक्का स्यकिगु रथ दयेकेज्याया सिँज्याकःमिं धाःगु दु ।
वंगु भदौ २१ स्वास्थ्य मापदण्ड पूंवका व्यवस्थित कथं बुंगद्यःया रथ व चकबाःद्यःया रथ साःगु खः ।
बुंगद्यःयात बुंगलय् लिहाँ विज्याकिगु इलय् छ्वालीं प्वाः च्याकिगु व लः स्ववनेगु परम्परा न सिमित जक याइगु जुगु दु । कोरोना भाइरसया संक्रमणया कारणं मनूत हुलमुल याये मज्यूगु कारण द्यःयात लिहाँ विज्याकिगु इलय् छ्वाली प्वाः च्याकेगु परम्परायात थःथःगु छेँय् न्ह्यने जक व लः स्ववनेगु परम्परायात थःथःगु वडाय् जक सिमित यायेत न इनाप याःगु दु ।
अथेहे थ्व हे वइगु असोज १ गते प्यन्हू विचाः पुजाय् नं बुंगः पिनेच्वपिन्त ब्वति मकायेत वयकलं इनाप यानादिल ।
थौ सुथय् बाराही गुथियारपाखें द्यःथाय् विश्वकर्मा पुजा याये त्यःगु दु।
किपा रमेश शाक्य
