Display Style:
Column Style
कोरोना १०म्ह मन्त
लहानान्युज | अनलागा ७ ११४०,असोज २३ शुक्रवाः
वःगु २४ घन्टाया दुने नेपालय् थप १० म्ह कोरोना संक्रमण सी धुकुगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप नेपालय् कोरोना संक्रमणं सीपि आः ६०० म्ह थ्यःगु दु ।
अथेहे नेपालय् आइसोलेसनय् च्वना च्वपि कोरोना संक्रमित २७५३म्ह दु सा ४०७३ म्ह क्वारेन्टाइनय् च्वना च्वपि दु धका प्रवक्ता गौतमं धाःगु दु।
२०५९ म्हेसित कोरोना संक्रमण पुष्टि
शोभा श्रेष्ठ | अनलागा ७ ११४०,असोज २३ शुक्रवाः
वःगु २४ घन्टाया दुने नेपालय् थप २०५९ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयं थौं शुक्रवाः जुगु नियमित प्रेस ब्रिफिङय् प्रवक्ता डा जागेश्वर गौतमया कथं न्हुपि थपे जुगु कोरोना संक्रमितपि नेपालय् कोरोना संक्रमितपि आः १००६७६ म्ह थ्यःगु दु धका धाःगु दु।
वःगु २४ घन्टाया दुने कोरोनामुक्त जूपि १६८० म्ह डिस्चार्ज जूगु दु। थ्व नाप नेपालय् आःतक कोरोनामुक्त जूपि ७३,०२३ म्ह थ्यःगु दु।
लुँया भाः गुसः थहावन
शोभा श्रेष्ठ | अनलागा ७ ११४०,असोज २३ शुक्रवाः
लुँया भाः थौं शुक्रवाः गुसः थहावःगु दु।
थौं लुँया भाः तोलां गुुसः थहावना तोलाया ९४ हजार ८ सय रुपैयाँ निर्धारण जूगु दु धका नेपाल सुनचाँदी व्यवसायी महासङ्घं धाःगु दु।
म्हिगः तोलां निसः तका क्वहा वया ९३ हजार ९ सय रुपैयाँ निर्धारण जूगु खः।
अथेहे वहः तोलाय् न झींन्यातका थहा वःगु दु। थौं वहः झींन्यातका थहावना तोलाय् ११९५ रुपैयाँ न कारोबार जुगु दु धका महासङ्घं जानकारी बिःगु दु।
सेनाय् २९३३म्हेसित कोरोना संक्रमण पुष्टि
लहानान्युज | अनलागा ७ ११४०,असोज २३ शुक्रवाः
नेपाली सेनाय् २९३३म्हेसित कोरोना संक्रमण पुष्टि जूगु दु । सेनाया कथं वःगु २४ घन्टाया दुने १९ म्हेसित कोरोना संक्रमित जूगु दु।
आःतक निम्ह सैनिकं कोरोनाया कारण मदये धकुगु दु। आःतक कोरोना संक्रमितपि आइसोलेसनय् १४६८म्ह व वासः याना छेँय् लिहा वपि १५१८ म्ह थःपिनिगु ज्याय् लिहा वये धुकुगु दु।
सेनां थःगु हरेक ब्यारेक, पृतना, गण, गुल्म, तालिम केन्द्रय् स्वास्थ्य सुरक्षाय् तधःगु प्राथमिकता बिउसा सैनिकपिन्त कोरोना संक्रमण खनेदुगु खः।
गोरखाय् थप १४म्ह प्रहरीयात कोरोना पुष्टि
लहानान्युज | अनलागा ७ ११४०,असोज २३ शुक्रवाः
जिल्ला प्रहरी कार्यालय गोरखाय् ज्यायाइपि थप १४ म्ह प्रहरीयात कोरोना संक्रमण पुष्टि जूगु दु।
असोज २० गते नमुना संकलन यागु परिक्षणय् १४ म्ह प्रहरी व भारत वःपि होम क्वारेन्टाइनय् च्वम्ह २२ दँ दुम्ह मिसायात रिपोर्ट थौं शुक्रवाः पोजिटिभ वःगु धका गोरखा नगरपालिकाया स्वास्थ्य शाखा प्रमुखं धाःगु दु।
वःगु सोमवाः गोरखा नगरपालिका–११ य् बाह्रकिलो प्रहरी चौकीइ ज्यायाइपि च्याम्ह प्रहरी व जिल्ला प्रहरी कार्यालयय् ज्या याइपि छम्हयाना गुम्ह प्रहरीयात कारोना संक्रमण पुष्टि जूगु खः।
सोमवाः संक्रमण पुष्टि जुइवं कन्ट्याक्ट ट्रेसिङय् मेपि थप १४ म्ह प्रहरीयात थौं शुक्रवाः संक्रमण पुष्टि जुगु खः।
