Display Style:
Column Style
मेयर चिरीबाबु महर्जन कोरोना संक्रमणमुक्त
शोभा श्रेष्ठ | अनलागा ६ ११४०,असोज २२ बिहीवाः
यल महानगरपालिकाया मेयर चिरीबाबु महर्जन कोरोना संक्रमणमुक्त जुगु दु।
मेयर महर्जनया स्वकीय सचिव इन्द्र बज्राचार्य लहनान्युजयात बिःगु जानकारी कथं म्हिगः बुधवाः न्हिनय् प्यता इलय् कोरोना परीक्षणया लिच्व नेगेटिभ वःगु खः। स्वकीय सचिव बज्राचार्य धयादिगु कथं मेयर सापया लिच्वः नेगेटिभ वःगु दु। आ वयकः याकन हे महानगरपालिकाया ज्याकूथि याकन हे वइ धका धयादिुगु खः।
मेयर महर्जनया वःगु असोज ८ गते ज्वरो वइगु व मुसु वया समस्या वयेवं पाटन अस्पतालय् स्वाब परीक्षण यागुलि शुक्रवाः कोरोना पोजेटिभ खनेदुगु खः। असोज ९ निसे १५ गते तक निजी निवासय् हे मेयर महर्जनयात १६ गते छातीइ समस्या वयेवं सानेपाया स्टार अस्पताल भर्ना जुयादिगु खः।
कोरोना सक्रमण अप्वोया वनकि वासः यायेत अस्पतालं भार धाने याये फइमखु
अनलागा ५ ११४०,असोज २१ बुधवाः | अनलागा ५ ११४०,असोज २१ बुधवाः
स्वास्थ्य तथा जनसंख्या मन्त्रालयं थःथ याना कोरोना संक्रमण अप्वोया वनकि कोरोना संक्रमितपिनिगु वासः यायेत अस्पतालं भार धाने याये फइ मखु धका धाःगु दु।
मन्त्रालयं थौं बुधवाः ग्वसाः ग्वगु नियमित कोरोना प्रेस ब्रिफिङय् प्रवक्ता डा जागेश्वर गौतमं विशेषयाना स्वनिगलय् संक्रमितपिनिगु उपचारय् व्यवस्थापन यायेत थप चुनौती वइ अस्पतालं भार थेगे याये फइ मखु धका धाःगु दु।
डा गौतमं कोरोना संक्रमण अप्वो जुया वना गुलि अस्पतालय् बेडया अभाव जुया वने धुकुगु दु धका धाःगु दु। बिरामीपिनिगु पायक जुगु थासय् बेड उपलब्ध जुइ फयाच्वंगु मदु। थ्व महमारीया प्रकोपया इलय् दक्को सरकारी व निजी अस्पतालय् उपचारया व्यवस्था याये माःगु दु धका धाःगु दुु२४ घन्टाको अध्यावधिक विवरणया कथं देय् यकं ३४३९ म्ह कोरोना भाइरस संक्रमण पुष्टि जुगु खः।
संक्रमण यक्को जुया वंगु कारण अस्वाभाविक रुपं सार्वजनिक थासय् हुलमुल जुगु, न्ह्याय् म्हुतू त्वपूना मास्क मतइगु, छम्ह म्हेसिया दथुइ दुरी कायम मजुगु व सावः लखं ल्हामसिलिगु याना संक्रमण अप्वोया वःगु धका डा गौतमं धाःगु दु।
डा गौतमं न्ह्यने वया च्वंगु नखः वया च्वंगुलि सामान न्यायेत हुलमुल मयासे बजारय् वनेत न इनाप याःगु दु। कोरोना संक्रमण जनस्वास्थ्यं तधःगु समस्या जुगुलि नियन्त्रण व रोकथामया लागि सकसिगु तधःगु भूमिका दइ धका धाःगु दु।
म्वायेकः छेँय् न पिहा मवनेत व वनेमाःसा मास्क तया वनेगु, सावः लखं ल्हासिलिगु व स्यानिटाइजर छ्यलेत डा गौतमं इनाप याःगु दु।
छन्हु थपे जुल ३ हजार ४३९म्ह कोरोना संक्रमित
लहानान्युज | अनलागा ५ ११४०,असोज २१ बुधवाः
वःगु २४ घण्टाया दुने १ हजार १२६म्हेसित कोरोना संक्रमितपि डिस्चार्ज जूगु दु।
अथेहे वःगु २४ घण्टाया दुने थौं बुधवाः जक थप ३ हजार ४३९ म्हेसित कोरोना संक्रमण पुष्टि जुगु धका स्वास्थ्य तथा जनसंख्या मन्त्रालयं धाःगु दु। थ्व धइगु आःतक हे दकलय् अप्वो खः।
मन्त्रालयया नियमित कोरोना मिडिया ब्रिफिङय् थौं प्रवक्ता डा जागेश्वर गौतमं थ्व नाप आःतक ९४ हजार २५३ संक्रमितपि थ्यःगु दु धका धाःगु दु।
आःतक देय् यकं सक्रिय संक्रमितपि २५ हजार ७ म्ह थ्यःगु दु ।
२४ घण्टाया दुने १ हजार १२६ म्ह कोरोना संक्रमित डिस्चार्ज जुइवं कोरोना संक्रमणमुक्त जुया छेँय् लिहावःपि ६८ हजार ६६८ म्ह थ्यःगु दु।
स्वनिगलय् १६८४म्हेसित कोरोना सक्रमित
लहानान्युज | अनलागा ५ ११४०,असोज २१ बुधवाः
वःगु २४ घण्टाया दुने स्वनिगः दुने थप १ हजार ६८४ म्ह कोरोना संक्रमण पुष्टि जूगु दु।
थौं येँ जक १ हजार २९६ म्हेसित कोरोना सक्रमण पुष्टि जूगु दु।
अथेहे यलय् २९३ म्हेसित व ख्वपय् ९५ म्हेसित कोरोना सक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु खः।
२४ घण्टाया दुने जम्मा १४ हजार २०९म्हेसिगु पीसीआर परीक्षण याःगु खः।
मन्त्रालयया कथं आःतक पीसीआर विधिपाखे ११ लाख १३ हजार ४८६ म्हेसिगु परीक्षण याःगु खः।
स्वनिगलय् तसक जोखिम दुगुलि सतर्कता अपने यायेत मन्त्री ज्ञवालीया इनाप
लहानान्युज | अनलागा ५ ११४०,असोज २१ बुधवाः
सरकारया प्रवक्ता प्रदीपकुमार ज्ञवालीं स्वनिगः दुने कोरोना संक्रमणया जोखिम जुगुलि उच्च सतर्कता अपने यायेत इनाप याःगु दु। मन्त्रिपरिषद् नं असोज १९ गते याःगु निर्णय सार्वजनिक यायेत ग्वसाः ग्वःगु पत्रकार सम्मेलनय् परराष्ट्रमन्त्री नाप सरकारया प्रवक्ता ज्ञवालीं सकसित सचेत जुइत इनाप याःगु दु।
पत्रकार सम्मेलनय् मेमेगु जिल्लाय् कोरोनाया प्रकोप बिस्तारं नियन्त्रणउन्मुख जूसा स्वनिगलय् धाःसा जोखिम जुया वःगु धका धयादिगु खः। वःगु छु ईनिसे देय् यकं स्वया बच्छि स्वया अप्वो स्वनिगलय् संक्रमिति मध्ये अझ येँ बच्छि स्वया अप्वोया वःगु दु धका धयादिगु खः।
थीथी सेवा प्रवाह यायेगु इलय् तसक सतर्कता अपने याये माःगु अवस्था वःगु धका धयादिगु दु। प्रदर्शन याये वलय् व मेमेगु गतिविधि यायेगु इलय् तसक सतर्कता अपने याये माःगु धका धयादिगु खः।
देय् यक मेमेगु जिल्लाय् कोरोना संक्रमण नियन्त्रणय् वःगु दाबी यासे मन्त्री ज्ञवालीं येँ तसक जोखिम जुगु धका धयादिगु खः।
मोहनि व स्वन्ति न्ह्यने वया च्वंगुलि विशेष सतर्कता अपने याये माः धका न धयादिगु खः। ज्येष्ठ नागरिकपिन्त कोरोना संक्रमणया तसक ग्यानापूसे च्वंगुलि विशेष ध्यान बिइमा धका धाःगु खः।
नखः वया च्वंगुलि येँ न पिने वनेगु व नखः सिधेका हाकन येँ लिहा वयेगु इलय् कोरोना संक्रमण न ओहोर दोहोर जुइगु सम्भावना दु धका धाःगु खः।
असोज १९ गते सोमवाः च्वंगु मन्त्रिपरिषद् बैठकं थीथी देशय् अवैतनिक वाणिज्य दूतपि नियुक्ति व पदोन्नति यायेगु निर्णय याःगु धका मन्त्री ज्ञवालीं जानकारी बिःगु खः। अथेहे माःगु स्वास्थ्य सुरक्षा मापदण्ड अपने यायेत ज दक्क तहया स्कूल व विश्वविद्यालयया परीक्षा व ब्बकेत सञ्चालन यायेगु सहमति बियागु दु धका धाःगु दु।
