प्रतिनिधिसभा विघटनविरुद्धया रिटय् थौं सर्वोच्च अदालतं संवैधानिक इजलासया सुनुवाइ जुइ ।

संवैधानिक इजलासया सुनुवाइ यायेगु व बृहत पूर्ण इजलासया सुनुवाइ यायेइ धइगु निर्णय थौं जुइ । प्रतिनिधिसभा विघटनविरुद्धया रिट निवेदन बिउपि १३ म्ह मध्ये ११ म्हेसिया बृहत पूर्ण इजलासया सुनुवाइया माग याःगु खः। प्रधानन्यायाधीश चोलेन्द्रशम्शेर जबरा व न्यायाधीश हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा नाप तेजबहादुर केसीया संवैधानिक इजलासय् सुनुवाइ सुरु जुगुलि कार्कीं इजलासय् मच्वंनेगु  घोषणा याःगु खः ।

प्रधानन्यायाधीश जबरा) थौंया इजलासय् कार्कीया थासष्् मेम्ह न्यायाधीश तोकेयाइ धका सर्वोच्च अदालतं धाःगु दु। संवैधानिक इजलासय् प्रधानन्यायाधीश नाप प्रधानन्यायाधीशं तोके यासे मेपि न्यायाधीश दइगु व्यवस्था दु ।

थ्व हे १० पुस गते अदालतया संवैधानिक इजलासं प्रतिनिधिसभा विघटन याये माःगु कारण सहित लिखित लिसः पेश यायेत सरकारया नामय् आदेश जारी याःगु खः ।

किपू नगरपालिकां स्थानीय पाठ्यक्रम तयार यायेगु निंतिं पाठ्यसफू बारे सुझाव संकलन यायेगु ज्या जुगु दु। किपू नगरपालिकां दयेके त्यःगु नेपालभाषा पाठ्यक्रम व पाठ्यसफति छु छु विषय वस्तु दुथ्याकेमाः धका सुझाव संकलन यायेगु ज्या जुगु दु। 

किपूया हे मंगल मा.वि. स्कूलय् जूगु मुँज्याय् जुगु सहलहय् स्थानीय पाठ्य सफुतिइ भाषागत रुपं गथे जुइमाः, विद्यार्थीपिन्त गये यानाः ब्बकेगु धइगु सम्बन्धय् स्कुलया शिक्षकतपिके सुझाव संकलन याःगु खः । किपू नगरपालिकाया मेयु रमेश महर्जनया उपस्थितिइ शिक्षा शाखाया जुजुभाई महर्जन, त्रिभुवन विश्वविद्यालयया पुलांम्ह उपकुलपति प्रा. डा. हिराबहादुर महर्जन, नेपालभाषा केन्द्रीय विभागया उप प्राध्यापक वज्रमुनि वज्राचार्यपिनिगु सहभागिता दुगु खः ।

उगु ज्याझ्वलय् थीथी ब्वनेकुथिइ नेपालभाषा विषय ब्वंकाच्वंपिं, रेडियोय् नेपालभाषा ज्याझ्वः न्ह्याकाच्वंपिं पत्रकार व संचारकःमि, नेपालभाषा उत्थानया ज्याय् सक्रियपि व अभियन्तापिनिगु नं ब्बति दुगु मुँज्याय् वइगु शैक्षि सत्रनिसें स्थानीय पाठ्यक्रम अन्तर्गत नेपालभाषा विषय नं अध्यापन याकेगु कथं तयारी न्ह्यानाच्वंगु जानकारी बिउगु खः ।

वाग्मती प्रदेश सरकारं मदन भण्डारी फाउन्डेशनयात ५० लाख रुपैयाँ उपलब्ध याःगु दु।

सत्तारुढ नेकपा दुने विवाद अप्वोया वःगुलि फाउन्डेशनया नामय् थीथी ज्याझ्व जुयाच्वंगु इलय् वागमती प्रदेशयात मन्त्रिपरिषद् बैठकं फाउन्डेश यात नगद ५० लाख रुपैयाँ उपलब्ध याकेगु निर्णय याःगु दु ।

वाग्मती प्रदेशया मुख्यमन्त्री डोरमणि पौडेल फाउन्डेशनया केन्द्रीय सदस्य खः। ‘विविध सामाजिक ख्यलय् ज्यायायेत फाउन्डेशनयात नगद उपलब्ध याना बिःगु खः । जिमिंि मेमेगु सामाजिक संघसंस्थायात न नगद सहयोग उपलब्ध यानागु दु’, भौतिक पूर्वाधारमन्त्री रामेश्वर फुँयालं पार्टी निकट फाउन्डेशन जुगु कारण जक मखुसे  समाजिक क्षेत्रमा क्रियाशील संस्था जुगु कारण ग्वाहालि यानागु धका धाःगु दु।

‘उत्पादनमूलक व समाजिक ख्यलय् यायेगु ज्याझ्वः पेस जुसा मेमेगु संघसंस्थायात ग्वाहालि याये फइ’, धका वयकलं धयादीगु दु।