Display Style:
Column Style
कोरोना संक्रमणं २४ घन्टाय् मन्त
लहानान्युज | अनलागा ४ ११४०,असोज २० मंगलवाः
कोरोना संक्रमणं वःगु २४ घण्टाया दुने थप ९ म्ह मदुगु धका स्वास्थ्य तथा जनसंख्या मन्त्रालयं औपचारिक रुपं पुष्टि याःगु दु।
मन्त्रालयया कथं प्यम्ह मिसा व न्याम्ह मिजंपि खः।
मन्त्रालयया प्रवक्ता डा जागेश्वर गौतमया कथं कोरोना संक्रमणं येँया ५९ दँ दुम्ह व ६० दँयाम्ह, यलय् ६७ दँ दुम्ह, व नवलपरासी पूर्वया ७७दँ दुम्ह मिसाम्ह खः धका धाःगु दु।
अथेहे तेह्रथुमया ३१ दँ दुम्ह, सुनसरीया ६४ दँ दुम्ह, यलय् ६१ दँ दुम्ह व ७७ दँ दुम्ह, चितवनया ७० दँ दुम्ह मिजंम्ह खः।
नेपालय् कोरोना संक्रमणं सीपि ५६३ म्ह थ्यःगु दु।
येँ ७८३म्ह नाप स्वनिगलय् १०१७ म्ह कोरोना संक्रमण पुष्टि
शोभा श्रेष्ठ | अनलागा ४ ११४०,असोज २० मंगलवाः
थौं स्वनिगः दुने २४ घण्टाय् जक थप १०१७ म्हेसित कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयं नियमित कोरोना मिडिया ब्रिफिङय् प्रवक्ता डा जागेश्वर गौतमं येँ जक ७८३म्हेसित कोरोना सक्रमण जुगु दु धका धाःगु दु।
अथेहे यलय् ११८म्ह व ख्वपय् ११६ म्हेसित संक्रमित जूगु दु धका धाःगु दु।
२४ घन्टाय् २३४० म्ह कोरोना संक्रमणमुक्त
लहानान्युज | अनलागा ४ ११४०,असोज २० मंगलवाः
वःगु २४ घण्टाया दुने २३४०म्ह कोरोना संक्रमणमुक्त जुया छेँय् लिहावःगु दु।
थ्व नाप आःतक कोरोना संक्रमण मुक्त जुपि आःतक ६७ हजार ५४२ म्ह थ्यःगु दु धका स्वास्थ्य तथा जनसंख्या मन्त्रालयं थौं पत्रकार सम्मेलनय् जानकारी बिःगु खः।
मन्त्रालयया कथं आःतक पीसीआर विधिपाखे १० लाख ९९ हजार २७६ म्हेसिगु परीक्षण याये धुकुगु दु।
थ्व नाप २४ घण्टाया दुने ११ हजार ४७ म्हेसिगु पीसीआर परीक्षण याये धुकुगु दु। आःतक क्वारेन्टाइनय् च्वना च्वपि ४ हजार २२१ म्ह दु।
नेपालय् कोरोना संक्रमितपि ९० हजार स्वया अप्वोल
शोभा श्रेष्ठ | अनलागा ४ ११४०,असोज २० मंगलवाः
नेपालय् कोरोना संक्रमितपि ९० हजार स्वया अप्वो जुइ धुकुगु दु।
वःगु २४ घण्टाया दुने थौं मंगलवाः थप १ हजार ५५१म्ह कोरोना संक्रमणपिन्त पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयं थौं नियमित कोरोना मिडिया ब्रिफिङय् प्रवक्ता डा जागेश्वर गौतमं आःतक ९० हजार ८१४म्ह संक्रमितपि थ्यःगु दु धका धाःगु दु।
आःतक देय् यकं सक्रिय संक्रमितपि आःतक २२ हजार ७०९म्ह थ्यःगु दु।
नोबेल अस्पतालय् निम्ह कोरोना संक्रमित मन्त
लहानान्युज | अनलागा ४ ११४०,असोज २० मंगलवाः
विराटनगरया अस्पताल आइसोलेसनय् वासः याका वयाच्वपि निम्ह कोरोना संक्रमितपि थौं मंगलवाः मन्त । कानेपोखरी गाउँपालिका–६ या ५० दँ दुम्ह मिजंम्ह व रतुवामाई नगरपालिका ८ या ४५ दँ दुम्ह मिजंम्ह कोरोनाया कारण सीगु दु।
नोबेल अस्पतालया जनसम्पर्क अधिकृतया कथं क्यान्सरं पीडितम्ह कानेपोखरीया ५० दँ दुम्ह ज्वरो वयन सोमवाः जक अस्पताल भर्ना जूवःगु खः। वयागु स्वाब परीक्षण याःगु इलय् रिपोर्ट पोजिटिभ वःगु खः। वया लिपा भेन्टिलेटय् तया वासः यायेगु झ्वलय् मदुगु खः।
अथेहे, चिनी ल्वय् या दीर्घ रोगी रतुवामाईया ४५ दँ दुम्ह मिजंम्ह ज्वरो, निमोनिया व टाइफाइड जुइवं असोज १३ गते वासः यायेगु लागि अस्पतालय् भर्ना जूवःगु खः। स्वाब परीक्षण याःगु इलय् वयागु कोरोना पोजिटिभ खनेदुगु खः। आईसीयूलय् वासः यायेगु झ्वलय् थौं मंगलवाः सुथय् २ः३० बजे मदुगु खः।
