Display Style:
Column Style
टुटल व पठाओ न थःगु सेवा न्ह्याकल
लहनान्युज | ञंलागा ८ ११४०,भाद्र २५ बिहीवाः
निषेधाज्ञाया कारण बन्द जुगु राइड सेयरिङ सेवा आः हाकन नियमित जुइगु सुरु जुगु दु । राइड सेयरिङ सेवा बिइगु नेपाली कम्पनी टुटल व पठाओ न नियमित सेवा बिइगु याये धुकुगु दु ।
स्वनिगलय् निषेधाज्ञा छ्वाःसुया वःगुलि राइडिङ सेयर यायेगु एप पाखे सेवा न्ह्याःगु दु ।
नेपाली राइडिङ सेयर यायेगु कम्पनी टुटलं राइडर सतर्कता नाप सेवा न्ह्याकुगु दु । राइडरं पञ्जा, मास्क, चस्मा व सेनिटाइजर छ्यले माःगु मापदण्ड तयार याना सेवा सुरु यानागु धका कम्पनीया संस्थापकं जानकारी बिःगु दु ।
पठाओ न नियमित सेवा सुरु मयासा निश्चित राइडर मार्फत सतर्कता नाप सेवा न्ह्याकगु धका धाःगु दु । पठाओ न अत्यावश्यक अवस्थाय् अत्यावश्य सेवा माःपिन्त नियमित सेवा बिइ धका धाःगु दु ।
राइडरपिन्त सेनिटाइजर, प्रोटेक्टिभ मास्क, सुरक्षात्मक लँफिना जक सेवा बिइत धयागु दु धका धाःगु दु ।
सार्वजनिक सवारी चले मजुगुलि समस्या जुपिन्त ग्वाहालि यायेत सामाजिक भावना ज्वना थुगु सेवा बिइ त्यनागु धका धाःगु दु । आः नियमित सेवाय् वनेपिनिगु लिपागु तयारी जुया च्वंगु धका पठाओ न धका धाःगु दु ।
सरकारं अनुमति बिल अनलाइन कक्षाया शुल्क कायेत
लहनान्युज | ञंलागा ८ ११४०,भाद्र २५ बिहीवाः
सरकारं निजी स्कूलयाःगृु अनलाइन कक्षाया शुल्क कायेगु लँ चायेका बिःगु दु । शिक्षा, विज्ञान तथा प्रविधि मन्त्री गिरीराजमणि पोखरेलं मन्त्रीस्तरीय निर्णयपाखे शुल्क कायेगु व्यवस्था याना बिःगु दु ।
विद्यार्थीपिन्त स्यनेगु सहजीकरण निर्देशिकाय् निजी स्कूलयात स्थानीय तहया स्वीकृत याना शुल्क कायेगु व्यवस्था याना बिःगु खः । निर्देशिकाय् धयातःगु दु ‘स्कूलं कायेगु शुल्क प्रचलित कानुनया अधीनय् च्वना स्थानीय तहया स्वीकृत याःगु बमोजिम जुइ ।’
थ्व स्वया न्ह्य शिक्षा मन्त्रालयं अनलाइन वा अन्य माध्यमं छु न कथंया दूरशिक्षाया नामय् शुल्क काये दइ मखु धका निर्णय याःगु खः । मन्त्रालयं जारी याःगु निर्देशिकाया कथं असार १ गतेनिसे स्कूलं अनलाइन कक्षा सञ्चालन याना वया च्वंगु खः ।
सरकारं कोरोना भाइरस (कोभिड–१९) या कारण कम्ति न वइगु असोज १ गते स्वया न्ह्य विद्यार्थी भर्ना व परीक्षा सञ्चालन याये दइ मखुगु निर्णय याःगु दु ।
मासिक शुल्क ५० प्रतिशत स्वया कम जुइमाः अभिभावक संघ
अभिभावकपिन्स कोरोना महामारीया इलय् संक्रमणकालीन शुल्क निर्धारण याये माःगुलि बःबिउगु दु । नेपाल अभिभावक संघया अध्यक्षं अनलाइन कक्षा कथं हे संक्रमणकालीन शुल्क निर्धारण याये माःगुलि बः बिउगु दु ।
कानुन कथं कम्ति न १० प्रतिशत विद्यार्थीपिन्त छात्रवृत्ति बिइ हे माः ।
संस्थागत विद्यालय अभिभावक संघ नेपालया अध्यक्षया कथं मासिक शुल्कया ५० प्रतिशत स्वया अप्वो शुल्क काये दइ मखु धका धाःगु दु । ‘लकडाउन व निषेधाज्ञाया असरं अभिभावकपिन्त न लाःगु दु धका स्कूलया सञ्चालकपिन्स न लुमकेमाः धका धाःगु दु ।’ जव स्कूल हे बिद्यार्थीपि मवसा यातायात, खाजा लगायतया शीर्षकया खर्च काये दइ मखु धका धाःगु दु ।
सरकारयात थुइकेत खुला माल : प्याब्सन
निजी तथा संस्थागत विद्यालय अर्गनाइजेसन (प्याब्सन)या अध्यक्ष टीकाराम पुरी अनलाइन कक्षाया शुल्क विना निजी विद्यालय सञ्चालन जुइ फइ मखु धका थुइकेत हे खुला माःगु धका धाःगु दु ।
संघीय सरकारं हःगु निर्देशिया कथं स्थानीय सरकारपिनिगु निर्णय या अपेक्षा याःगु वयागु धापु दु । ‘अभिभावकपिनिगु न समस्या दु तर स्कूलया छगु हे जक स्रोत शुल्क हे खः धका धाःगु दु ।
लुँ तोला प्यसः थहा वन
लहनान्युज | ञंलागा ८ ११४०,भाद्र २५ बिहीवाः
नेपाःया लुँ बजारय् थौं बिहीवाः प्यसः थहा वःगु दु ।
नेपाल सुनचाँदी व्यवसायी महासंघं थौं लुँ छगु तोलां ९६ हजार ८ सय रुपैयाँ जुगु दुु धका धाःगु दु । म्हिगः छगु तोलाय् ९६ हजार ४ सय रुपैयाँ कायम जुगु खः ।
अथेहे तेजाबी लुँ छगु तोलाया ९६ हजार ३ सय कायम जुगु दु । म्हिगः छगु तोलाया ९५ हजार ९ सय रुपैयाँ खः ।
अथेतु वहः न थौं थहावःगु दु । म्हिया तुलनाय् थौं छगु तोलाय् झींतका थहा वःगु दु । महासंघ बिःगु जानकारी कथं थौं वहः छगु तोलाया १३२५ रुपैयाँ कायम जुगु धका धाःगु दु ।
कन्ह्यनिसे वँ पसः,ठेला ब्यापार याये दइगु
लहनान्युज | ञंलागा ७ ११४०,भाद्र २४ बुधवाः
बँ पसः व ठेलाया व्यापार न खुले याःगु दु । थ्व नाप स्टेशनरी, इलेक्ट्रिक व इलेक्ट्रोनिक्स पसः व डिपार्टमेन्टल स्टोर सथय् ११ बजे तक व बहनि ४ निसे ७ बजे तक चायेके दइ ।
सवारी साधन मर्मत यायेगु वर्कसप न सुथय् ८ निसे बहनि ८ बजे तक चायेके दइ ।
मेमेगु पसःया बार तोके याःगु दु
स्वनिगलय् मेमेगु व्यापार व्यवसाय सञ्चालनया लागि धाःसा बार तोके याःगु दु । आः सपिङ मल, फेन्सी व लँ पसः, लाका, कस्मेटिक पसः सोमवाः, बुधवाः व शनिवाः जक चायेके दइ ।
भाँडा व भान्साया सामान पसः आइतवाः, मंगलवाः ज शुक्रवाः जक चायेके दइ सा फर्निचर व अटोमोवाइल सम्बन्धी पसः सोमबार व बुधवाः जक चायेके दइ ।
अथेहे निर्माण सामग्रीया पसः हरेक दिं न्हिनय् २ बजे निसे ७ बजेतक चायेके दइ । टेक अवे व होम डेलिभरी न्हिनय् १२ निसे बहनि ७ बजे तक सञ्चालन याये दइ ।
संस्था ११ निसे निसे ३ बजे तक चायेके दइ । बैक धाःसा थ्व स्वया न्ह्य हे नियमित चायेके दइ याये धुकुगु खः ।
छु छु चायेके दइ मखु ?
प्रशासन कार्यालयया कथं स्वनिगलय् अय्न गन न भेला जुइ दइ मखू, भीड यायेगु, सभा जुलुस यायेगु, जात्रा, महोत्सव व भ्वँय् यायेगु प्रतिबन्ध याना तःगु दु ।
अथेहे धार्मिक, साँस्कृतिक थासय् न्हि नित्य पूजाबाहेक मेगु गतिविधि याये दइ मखु, शैक्षिक संस्था सञ्चालन याये दइ मखु, छु न कथंया सभा, गोष्ठी, तालिम, सेमिनार, सिनेमा हल, पार्टी प्यालेस, मनोरञ्जनस्थल, शैलुन, ब्युटीपार्लर, स्पा, स्वीमिङ पुल, जिमखाना, समूह म्हितेगु कासा,व खेल प्रंस्तुति, प्रदर्शनी, पुस्तकालय, संग्रहालय, चिडियाखाना न सञ्चालन याये दइ मखू ।
उद्योग, ब्यापार, निर्माण ज्याय् स्वास्थ्य सुरक्षा मापदण्ड विपरीत कामदार ओसार पसार यायेगु प्रतिबन्ध याःगु दु ।
कन्ह्यनिसे छ्वासुकल निषेधाज्ञा
लहनान्युज | ञंलागा ७ ११४०,भाद्र २४ बुधवाः
स्वनिगलय् कन्ह्य बिहीवाः निसे पसः व्यवसाय चायेके जिल धइगु सार्वजनिक तथा निजी सवारी साधन न चले याये दइगु जुगु दु । येँ, यलय् व ख्वपया प्रमुख जिल्ला अधिकारीपिन्स स्वगू वाः तक जारी निषेधाज्ञा कन्ह्य निसे छ्वासुकेत न्हुगु आदेश जारी याःगु दु ।
कोरोना संक्रमण अप्वोया वःगुलि स्वनिगः दुने वःगु ४ भदौपाखे निषेधाज्ञा जारी याःगु खः । सुरुइ निवाःया लागि कडा याःगु निषेधाज्ञा स्वगू वाःय् निश्चित ई तोके याना निर्माण सामाग्री ढुवानी तथा बिक्री वितरण खुला याःगु खः ।
बिहीवाः निसे थप सहज जुइ त्यःगु दु ।
सवारीइ जोर विजोर
स्वनिगलय् कन्ह्य बिहीवाः निसे जोर विजोर प्रणालीया आधारय् सवारी साधन सञ्चालन यायेगु ब्यवस्गा याये त्यःगु दु ।
निजी सवारी साधन न जोरविजोरया आधारय् दक्को चले याये दइगु जुगु दु । तर मोटरसाइकल व स्कुटरयात भौतिक दुरी व स्वास्थ्यया मापदण्ड पालना यायेमाःगु जुगु दु ।
सार्वजनिक यातायातया हकय् १६ सिट स्वया अप्वो दुगु क्षमताय् जक चले याये दइ । थथे याना चले याइगु सवारी साधनय् कुल सिट क्षमताया बच्छि स्वया अप्वो मयासे छगु लहरय् छम्ह जक तया यात्रुयात मास्क अनिवार्य याःगु दु ।
चालक व सहचालकं मास्क व पञ्जा अनिवार्य तयेमाः । सवारी साधनया लुखाय् स्यानिटाइजर तयेमा न्हि न्हि निसंक्रमित याये माः ।
अथेहे भाडाया ट्याक्सीइ चालक नाप स्वम्ह व परिवार दुने न्यादँ दुने क्वयाम्ह निम्ह मचा जक तय दइ । मालबाहक सवारी साधन धाःसा जोर विजोर प्रणाली लागू जुइ मखु धका निषेधाज्ञा आदेशय् उल्लेख दु ।
अत्यावश्यक वस्तुया पसः बहनि न चायेके दइ
स्वनिग दुने अत्यावश्यक वस्तु तथा सेवाया पसः आः बहनिया इलय् न चायेके दइगु जुगु दु । भदौ १७ गतेनिसे ११ बजे तक चायेके दइगु पसः आः कन्हयनिसे ५ निसे ७ बजे तक चायेक दइगु जुगु दु ।
थ्व निर्णयया कथं आः खाद्यवस्तु, दुरु, दुरुजन्य पदार्थ, फलफूल तरकारी ला पसः सुथय् ११ बजे तक व बहनि ५ देखि ७ बजे तक चायेके दइ ।
