Display Style:
Column Style
लमजुङय् १६म्ह सैनिक नाप मेपि २७म्ह कोरोना पुष्टि
लहनान्युज | ञंलागा ११ ११४०,भाद्र २८ आईतवाः
लमजुङय् आइतवाः १६ म्ह सैनिक नाप मेपि २७ म्हेसित कोरोना संक्रमण पुष्टि जूगु दु ।
प्रदेश जनस्वास्थ्य प्रयोगशालाय् याःगु परीक्षणय् १६म्ह नेपाली सैनिकपिन्त न कोरोना संक्रमण पुष्टि जुगु दु धका जिल्ला प्रशासन कार्यालय लमजुङं धाःगु दु ।
उपि दक्को सुन्दरबजार नगरपालिका–९, सिउँडीबारय च्वपि नेपाली सेनाया कृषि तथा व्यवसायिक तालिम केन्द्रय् ज्यायाइपि नेपाली सेनाया उदिपुरया श्रीजंग गणया गणपति प्रमुखंं धाःगु दु ।
भदौ ६ गते पीसीआर परीक्षणया झ्वलय् उगु तालिम केन्द्रया २०म्ह कोरोना संक्रमण पुष्टि जुगु खः । नमुना सामुदायिक अस्पताल सुन्दरबजारया आइसोलेसनय् च्वपि २२ म्ह मध्ये खुम्ह कोरोना संक्रमणमुक्त जुया छेँ लिहावने धुकुगु दु । तालिम केन्द्रय् २०म्ह सैनिकपि वःगु भदौ ६ गते कोरोना पुष्टि जुया छेँय् लिहा वने धुकुगु दु ।
तालिम केन्द्रय् ज्या याइपि छम्ह सैनिक साउन २९ गते बाग्लुङय् छेँ वःगु इलय् ज्वरो वया व मुसु वगुलि अस्पताल जुगुलि पीसीआर परीक्षण याःगु इलय् कोरोना पुष्टि जुगु खः।
नेपाली सेनाय जव सतकय् जहाज गुडे हल
लहनान्युज | ञंलागा ११ ११४०,भाद्र २८ आईतवाः
म्हिगः शनिवाः बहनि येँ सतकय् नेपाली सेनाया जहाज गुडे याना हःगु खः ।
नेपाली सेनाया जहाज त्रिभुवन अन्तर्राष्ट्रिय विमानस्थलपाखे गुडे याना दरबारमार्ग पाखे नारायणहिटी संग्राहलय हःगु खः ।
भीभीआईपी सेक्युरिटीं न्हापा राजसंस्थां प्रयोग यायेगु नेपाली सेनां जहाज नारायणहिटी संग्राहलय यकूगु खः धका नेपाली सेनाया सहायकरथी तथा प्रवक्ता सन्तोष बल्लभ पौडेलं जानकारी बिःगु खः ।
नेपाली सेनाया सहायकरथी तथा प्रवक्ताया कथं जहाजया पार्टपुर्जा लिकाना गुडे याना हयाःगु धका धाःगु खः । प्रवक्ताया कथं एभ्रो एयर क्राफ्टं जहाज सतकय् गुडे याना चान्ह्यः तक नारायणहिटी संग्रालय थ्यकूगु खः ।
उगु जहाज गुडे याना यकेगु झ्वलय् तीनकुने गैह्रीधाराया मोडय् जहाज न्याःगु खः । जहाजयात न्यागु ब्बय् थला हयागु धका जानकारी बिःगु खः ।
‘आउट अफ फेज’ दुगु थुगु जहाजयात नारायणहिटी संग्राहलय थ्यका ‘एसेम्बल’ याइ धका प्रवक्ता धाःगु खः।
फेसबुकय् फोटो तःगु विषयय् ल्वापुइ, न्ह्यःगु राउण्ड अश्रुग्यास प्रहार
लहनान्युज | ञंलागा १० ११४०,भाद्र २७ शनिवाः
फोटो तःगु बिषयय् जनकपुरधामय् निगु पक्ष दथुइ झडप जुगु दु ।
जनकपुरधाम वडा नम्बर २० रुपैठाय् शनिवाः जुगु झडपय् झण्डै छगु दर्जन मनूत घाःपाः जूगु दु । ल्वापू जुगु रोके यायेत प्रहरीं ७ राउण्ड अश्रु ग्यास प्रहार याःगु खः ।
निगु पक्षय् दथुइ ल्वापू जुगुलि नियन्त्रणय् कायेगु लागि अश्रु ग्यास प्रहार तक याये माःगु खः । उगु ल्वापू मोहर्रम पर्व माने यायेगु लागि दाहाया फोटो फेसबुकय् तःगु बिषयय् विवाद जूगु खः ।
आः या अबस्था सामान्य जुगु दु सा विवाद मिले यायेगु लागि निगु पक्ष दथुइ सहलह जुया च्वंगु दु धका जानकारी बिःगु दु । निगु पक्षयात जिल्ला प्रहरी कार्यालयय् सःता सहलह याका च्वंगु दु।
१२०१ म्ह कोरोना संक्रमण पुष्टि, ८५२म्ह डिस्चार्ज
शोभा श्रेष्ठ | ञंलागा १० ११४०,भाद्र २७ शनिवाः
वःगु २४ घण्टाय् जक १२०१म्ह कोरोना भाइरस (कोभिड(१९) या संक्रमण पुष्टि जूगु दु । देय् यकं प्रयोगशालाय् १० हजार १७६म्हेसिगु नमुना परीक्षण याःगुलि ४१६ मिसापि व ७८५ म्ह मिजंपिन्त संक्रमण पुष्टि जूगु दु ।
थ्व नाप संक्रमितपि ५३ हजार १२०म्ह थ्यःगु दु । उकि मध्ये ३३६म्ह सी धुकुगु दु । अथेहे ३७ हजार ५२४म्ह संक्रमणमुक्त जुइ धुकुगु दु ।
वःगु २४ घण्टाय् ८५२म्ह डिस्चार्ज जुगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया कथं स्वनिगः दुने ४३१म्हेसित संक्रमण पुष्टि जुगु दु, उकि मध्ये येँ ३७७म्ह, यलय् ३७म्ह व ख्वपय् १७म्हेसित सक्रमण पुष्टि जुगु दु ।
अथेहे मकवानपुरय् १०७म्ह, चितवनय् ९२म्ह, सर्लाहीय् ८३म्ह, रुपन्देहीइ ८१म्ह, मोरङय् ५८म्ह, नवलपुरय् ५१म्ह, कास्की ३५म्ह, बाँकय् ३२म्ह, दाङय् २४म्ह, कपिलवस्तु २२म्ह, बर्दिया व सुर्खेतय् १८म्ह व १८म्ह, बाराय् १५म्ह, सुनसरी १४म्ह, पर्सा व सप्तरी झींम्ह झींम्ह व पाल्पाय् गुम्हेसित संक्रमण खनेदुगु खः ।
महोत्तरी व रोल्पाय् च्याम्ह च्याम्ह, सिराहा, रामेछाप व स्याङ्जाय् न्ह्यम्ह न्ह्यम्ह, गोरखाय् खुम्ह, रौतहट, दैलेख व कैलालीइ प्यम्ह प्यम्ह, बाग्लुङ, अर्घाखाँची व नवलपरासीइ स्वम्ह स्वम्ह, काभ्रे, रुकुम पूर्व व डडेलधुराय् निम्ह निम्ह, इलाम, उदयपुर, ओखलढुंगा, झापा, धनुषा, दोलखा, नुवाकोट, सिन्धुपाल्चोक, सिन्धुली, तनहुँ, लमजुङ व प्युठानय् छम्ह छम्हेसित संक्रमण पुष्टि जुगु दु।
स्वनिगः दुने ४३१म्हेसित कोरोना पुष्टि
लहनान्युज | ञंलागा १० ११४०,भाद्र २७ शनीवाः
स्वनिगः दुने थौं शनिवाः ४३१म्हेसित कोरोना संक्रमित जुगु दु । स्वास्थ्य तथा जनसंख्या मन्त्रालय न थौं शनिवाः मिडिया ब्रिफिङय् येँ जक ३७७म्हेसित कोरोना संक्रमित जुगु धका धाःगु दु ।
अथेहे ख्वपय् १७ व यलय् ३७म्हेसित संक्रमण पुष्टि जुगु धका जानकारी बिःगु दु ।
येँय् संक्रमण पुष्टि जूपि मध्ये १५०म्ह मिसा व २२७म्ह मिजंपि खः । अथेहे, ख्वपय् न्याम्ह मिसा व १२ म्ह मिजं संक्रमण खने दुगु दु । यलय् १६म्ह मिसाव २१म्ह मिजंपिन्त
संक्रमण खने दुगु खः ।
थ्व नाप येँ ९ हजार १०५म्ह, यलय् ११२८ व ख्वपय् ९०८म्हेसित कोरोना संक्रमण पुष्टि जुइ धुकुगु दु ।
म्हिगः शुक्रवाः स्वनिगलय् जक ६९६म्ह कोरोना संक्रमण पुष्टि जूगु खः ।
थ्व नाप नेपालय् कोरोना संक्रमितपि ५३ हजार १२०म्ह थ्यःगु दु । अथेहे संक्रमित मध्ये ७०.६ प्रतिशत डिस्चार्ज जुइ धुकुगु दु । नेपालय् कोरोनां आःतक ३३६ म्ह सी धुकुगु दु।
