Display Style:
Column Style
कोसी कोभिड १९ उपचार केन्द्रय् छम्ह कोरोना संक्रमित मन्त
लहनान्युज | ञंलागा ३ ११४०,भाद्र २० सनीवाः
विराटनगरया कोसी कोभिड १९ उपचार केन्द्रय् थप छम्ह कोरोना संक्रमित मन्त ।
मोरङया धनपालथान गाउँपालिका वडा नम्बर ३ य् ५५ दँ दुम्ह मिजंम्ह वासः यायेगु झ्वलय् अस्पतालय् मदुगु दु ।
अस्पतालय् वासः यायेगु झ्वलय् न्हिनय् मदुगु दु । शुक्रवाः न बहनि निम्ह विराटनगरय् मिसापि मदुगु खः ।
रुपन्देही न्ह्यगु घण्टा पसः चायेक दइ कथं २८ गतेतक निषेधाज्ञा
लहनान्युज | ञंलागा ३ ११४०,भाद्र २० सनीवाः
व्यवसायीया संगठनपिन्स लकडाउन अवज्ञा यायेगु चेतावनी बिइगुलि रुपन्देही न्हि सात घण्टा पसः चायेक दइ कथं सञ्चालन याये दइ कथं निषेधाज्ञा याःगु दु ।
शनिवा च्वंगु जिल्ला सुरक्षा समितिया निर्णय कथं जिल्ला प्रशासन कार्यालय रुपन्देहीं जिल्लायकं सुथय् ११ बजेनिसे ६ बजे तक पसः व्यवसाय चायेके खनि कथं भदौ २८ गते चान्ह्य १२ बजेतक निषेधाज्ञा आदेश जारी याःगु दु ।
थ्व स्वया न्ह्य भदौ २१ गते चान्ह्य १२ बजे तकया लागि निषेधाज्ञा जारी याःगु खः । शुक्रवाः च्वंगु जिल्लास्तरीय कोरोना संकट व्यवस्थापन केन्द्रया बैठकं लकडाउन छ्वासुकेगु सिफारिस याःगु खः ।
प्रमुख जिल्ला अधिकारीं जारी याःगु निषेधाज्ञा आदेशय् स्वास्थ्य सुरक्षा मापदण्ड अपने याना न्हि सात घण्टा पसः व्यवसाय सञ्चालन याये दइ कथं जारी याःगु खः ।
भच्र्यूअलपाखे छन्द कविता वाचन ज्याझ्वः जुल
राजेन्द्र रञ्जित | ञंलागा ३ ११४०,भाद्र २० सनीवाः
महाकवि सिद्धिदास महाजुया १३५ क्वःगु बुदिंया लसताय् जूमपाखें भच्र्यूअल छन्द कविता वाचन ज्याझ्वः जूगु दु ।
पद्म रत्न तुलाधर लुमन्ति गुथिया ग्वसालय् जुगु उगु ज्याझ्वलय् डा. केशव मान शाक्यया सभाध्यक्षताय् जूगु खः ।
नारद बज्राचार्यं न्ह्याकादीगु उगु ज्याझ्वलय् नरेशवीर शाक्यं लसकुस न्वचू तयादीगु खः ।
ज्याझ्वलय् फणिन्द्र रत्न बज्राचार्य, भूषण प्रसाद श्रेष्ठ, लाभ रत्न तुलाधरपिसं महाजुया कविता गजल नापनापं थःथःपिनिगु चिनाखँ ब्वनाः न्यंकादीगु खः ।
शिकागोया केशर मान ताम्राकार व सुरेश प्रधान यलपिसं प्राविधिक ग्वाहालि यानादीगु खः ।
बुंगद्यःया क्षमा पूजाया फोटो फिचर
लहनान्युज | ञंलागा २ ११४०,भाद्र १९ शुक्रवाः
थौं शुक्रवाः जिल्ला प्रशासन कार्यालय ललितपुरं जारी याःगु कर्फ्यया दथइ पुच्वःय् बुंगद्यःया क्षमा पूजा जूगु दु ।
थ्व हे २२ गते ज्योतिषं साइत स्वकाः बुंगद्यःयात बंगय् यकेगु सहमति जुगु खः ।
किपा रमेश शाक्य
कोरोनां येँ स्वम्ह नाप देय् यकं १४म्ह मन्त
लहनान्युज | ञंलागा २ ११४०,भाद्र १९ शुक्रवाः
कोरोना भाइरसया संक्रमणपाखे थप १४ म्ह सीगु दु ।
स्वास्थ्य तथा जनसंख्या मन्त्रालयया प्रवक्ता डा. जागेश्वर गौतमया कथं कोरोना संक्रमणं सीपि प्यम्ह मिसा व झींम्ह मिजंपि सीगु दु ।
डा. गौतमया कथं सीपि येँ ८२, ६७ व २२ दँयापि व चितवनया ३५दँ दुम्ह मिसा खः ।
अथेहे सप्तरी ५५दँ दुनि निम्ह मिजं, धनुषाय् ६५दँ, कास्की ३१दँ, नवलपरासीया ३७ दँ, प्युठानया ५८दँ, रुपन्देहीया ७८दँ, पाल्पाया ६३दँ व सुर्खेतया ४२दँ दुपि कोरोना संक्रमणपि सीगु दु ।
आःतक कोरोना संक्रमणपाखे सीपि २७१ थ्यःगु दु ।
