Display Style:
Column Style
सर्वोच्च अदालतया न्यायाधीश व कर्मचारीपिन्त कोरोना पुष्टि
लहानान्युज | अनलागा ३ ११४०,असोज १८ आइतवाः
सर्वोच्च अदालतया न्यायाधीश व कर्मचारीपिन्त कोरोना पुष्टि जुइवं ज्याय् न प्रभावित जूगु दु।
न्यायाधीशनाप अधिकृत व कर्मचारीयात कोरोना पुष्टि जुगुलि मोहनि तक इजलास प्रभावित जुइ धका सर्वोच्च अदालतं धाःगु दु।
अदालतया सूचना अधिकारीया कथं थ्व स्वया न्ह्यः न्हि ९ व १० गु इजलासय् मुद्दा सुनुवाइ जुया वयाच्वंगु खःसा थौं न्यायाधीश मनोजकुमार शर्माया एकल इजलासय् जक गठन याःगु खः।
थौं बन्दी प्रत्यक्षीकरणया निवेदनय् तक सुनुवाइ मजुगु खः।
कोरोना सङ्क्रमण पुष्टि जुइवं न्यायाधीश नाप मेपि कर्मचारी गःथःगु छेँय् हे आइसोलेशनय् च्वंगु दु धका जानकारी बिःगु खः।
नेपाली कांग्रेसया प्यम्ह केन्द्रीय सदस्यपिन्त कोरोना संक्रमण
लहानान्युज | अनलागा ३ ११४०,असोज १८ आइतवाः
नेपाली कांग्रेसया प्यम्ह केन्द्रीय सदस्यपिन्त कोरोना भाइरस (कोभिड(१९) या संक्रमण जूगु दु।
१९ गते सःतूगु केन्द्रीय कार्यसमिति बैठकया लागि १६७ केन्द्रीय सदस्य नाप २४०म्हेसिगु स्वाब संकलन याःगु खः। उकि मध्ये खुम्हेसिगु रिपोर्ट पोजेटिभ वःगु खः।
वरिष्ठ नेता रामचन्द्र पौडेल समूह नं न्ह्यने हःगु मुद्दाबारे सहलह यायेत पार्टी कार्यालयय् बैठक च्वना च्वंगु इलय् पीसीआर टेष्टया रिपोर्ट वःगु खः।
केन्द्रीय सदस्यपि अर्जुननरसिंह केसी, गगनकुमार थापा, कल्पना चौधरी व शम्भुलाल श्रेष्ठपिन्त संक्रमण खनेदुगु खः। मेपि निम्ह धाःसा कर्मचारी जुगु धका कांग्रेस कार्यालयं धाःगु दु।
नेपाली कांग्रेसया नेता गगन थापा कोरोना संक्रमण
लहानान्युज | अनलागा ३ ११४०,असोज १८ आइतवाः
नेपाली कांग्रेसया नेता नाप पूर्वस्वास्थ्यमन्त्री गगनकुमार थापायात न कोरोना भाइरस (कोभिड(१९) या संक्रमण पुष्टि जूगु दु।
कांग्रेसं १९ गते सःतूगु केन्द्रीय कार्यसमिति बैठकया लागि नेतापिनिगु पीसीआर टेष्ट याःगु खः। उकिइ नेतापिन्त न संक्रमण पुष्टि जुगु दु।
थःत कोरोना संक्रमण जूगु धका धयादिसे थःगु स्वास्थ्य अवस्था सामान्य दुगु धका थापां धाःगु दु।
थापां थः होम आइसोलेसनय् च्वना च्वनगु थःनाप सम्पर्कय् दुपि सकस्या सजगता अपने यायेत व छु न समस्या वःसा स्वास्थ्यकःमि नाप परामर्श यायेत इनाप याःगु दु।
स्वयम्भूइ चिभा सफा यात
प्रविण कुमार महर्जन | अनलागा ३ ११४०,असोज १८ आइतवाः
चिभा चैत्य संगठनया ग्वसालय् विश्व सम्पदा क्षेत्रय् सूचीकृत स्वयम्भू महाचैत्य परिसरय् नेपाल स्काउट व Watch Day या सहकार्यय् चिभाः व चैत्यय् घाँय् व धू सफा याःगु दु।
ग्वसाः खलं न मञ्जुश्री परिसर, शान्तिपुर परिसर, राष्ट्रिय एतिहासिक संग्रालयया न्ह्यने च्वंगु चिभाः व भगवान पाउ निसे स्वयम्भु वनेगु त्वाथः नाप अन लँय् लागु चिभा सफा याःगु खः।
बुढानिलकण्ठया मेयर खरेलयात कोरोना संक्रमण
लहानान्युज | अनलागा २ ११४०,असोज १७ सनिवाः
बुढानिलनण्ठ नगरपालिकाया मेयर उद्धवप्रसाद खरेलयात कोरोना संक्रमण पुष्टि जूगु दु।
खरेलयात शनिवाः जक कोरोना संक्रमण पुष्टि जूगुु धका नगरपलिकाया प्रवक्ता नवराज भट्टराई धाःगु खः।
मेयर खरेलयात थौं कोरोना पुष्टि जुगु दु तर आःतक छु न लक्षण खने मदु आः होम आइसोलेसनय् च्वना च्वंगु जानकारी बिःगु दु।
बुधवाः वयागु स्वाब संकलन याःगु खः। आइतवाः जक मेयर खरेलया चालकयात कोरोना पुष्टि जूगु खः।
