Display Style:
Column Style
नेपालय् आःतक ६० हजार ६९६म्ह कोरोनामुक्त
लहानान्युज | अनलागा १ ११४०,असोज १६ शुक्रवाः
वःगु २४ घण्टाय् जक कोरोना संक्रमणपाखे मुक्त जुपि ३ हजार ३०७ म्ह छेँय् लिहा वःगु दु धका स्वास्थ्य तथा जनसंख्या मन्त्रालयं धाःगु दु।
थ्व नाप आःतक कोेरोना संक्रमणपाखे मुक्त जूपि ६० हजार ६९६ म्ह थ्यःगु दु।
नेपालय् आःतक कोरोना संक्रमितपि ८२ हजार ४५०म्ह थ्यःगु दु।
येँ १२८०म्ह, यलय् १६२म्ह व ख्वपय् १९६म्ह कोरोना संक्रमण
लहानान्युज | अनलागा १ ११४०,असोज १६ शुक्रवाः
स्वनिगः दुने कोरोना संक्रमित छु ई न्ह्यःनिसे अप्वो जुया वया च्वंगु दु।
वःगु २४ घण्टाय् जक स्वनिगः दुने १ हजार ६३८ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
थौं शुक्रवा येँ जक १२८० म्हेसित कोरोना सक्रमण जुइ धुकुगु दु ।
अथेहे यलय् १६२ म्ह व ख्वपय् १९६ म्हेसित कोरोना संक्रमण जूगु दु धका मन्त्रालयय् धाःगु खः।
नेपालय् दकलय् अप्वो २७२२ म्ह कोरोना संक्रमण पुष्टि
शोभा श्रेष्ठ | अनलागा १ ११४०,असोज १६ शुक्रवाः
वःगु २४ घन्टाय् नेपालय् थप २ हजार ७२२ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया नियमित प्रेस ब्रिफिङय् थौं शुक्रवाः प्रवक्ता डा जागेश्वर गौतमया कथं न्हुपि थपे जुपि कोरोनाया संक्रमितपि नाप नेपालय् कोरोना संक्रमितपि आः ८२,४५०म्ह थ्यःगु दु।
अथेहे वःगु २४ घन्टाय् कोरोनामुक्त जूपि ३ हजार ३०७ म्ह डिस्चार्ज जूगु दु। थ्व नाप नेपालय् आःतक कोरोनामुक्त जूपि ६० हजार ६९६ म्ह जुइ धुकुगु दु।
अथेहे वःगु २४ घन्टाय् नेपालय् थप ११ म्ह कोरोना संक्रमणपि सीगु दु धका स्वास्थ्य तथा जनसंख्या मन्त्रालयं धाःगु दु। थ्व नाप नेपालय् कोरोना संक्रमणं सीपि ५२०म्ह थ्यःगु दु।
लुँ तोलां निसः क्वहा वल
रेजिाना श्रेष्ठ | अनलागा १ ११४०,असोज १६ शुक्रवाः
लुँया भाः थौं शुक्रवाः निसः क्वहा वःगु दु।
थौं लुँया भाः तोलाय् ९४ हजार ३ सय रुपैयाँ निर्धारण जुगु दु धका नेपाल सुनचाँदी व्यवसायी महासङ्घं धाःगु दु।
म्हिगः न तोलाय् निसः क्वहा वया तोलाया ९४ हजार ५ सय रुपैयाँ न कारोबार जूगु खः।
लुँया भाः क्वहा वःसा वहःया भाः धाःसा थौं स्थिर जुगु दु। वहः तोलां ११७५ रुपैयाँ कायम जुगु दु धका महासङ्घं धाःगु दु।
वःगु चौबीस घण्टाया दुने प्रदेश १ य् न्याम्ह मन्त
लहानान्युज | अनलागा १ ११४०,असोज १६ शुक्रवाः
कोरोना संक्रमणं वःगु चौबीस घण्टाया दुने प्रदेश १ य् न्याम्ह मन्त । निम्ह धाःसा प्रदेश पिनेयापि खः। सामाजिक विकास मन्त्रालयया कथं मदुपि छम्ह विराटनगर व मेम्ह धरानया अस्पतालय् मदुगु खः।
मोरङया उर्लाबारी छम्ह, मोरङ कारागारया कैदी, सिरहाया छम्ह व धनुषाय् छम्ह मचा नाप सुनसरीया इटहरीया याना न्याम्ह मदुगु खः।
मोरङ उर्लाबारी नगरपालिका २ या ८४ दँ दुम्ह कोरोना संक्रमितम्ह मिसाम्ह छेँय् मदुगु खः। सुनसरीया धरानय् बीपी कोइराला स्वास्थ्य विज्ञान प्रतिष्ठानय् बुधवा चान्ह्य इटहरी उपमहानगरपालिका ६ या ५६ दँ दुम्ह अस्पतालय् मदुगु खः।
मोरङ कारागार पुर्पक्षय् च्वम्ह सुनसरी इटहरीया २७ दँ दुम्ह संक्रमण पुष्टि जुया मदुगु खः। बिहीवाः हे विराटनगरया नोबेल मेडिकल कलेजय् वासः यायेगु झ्वलय् सप्तरी बिसनपुर ५ या ६७ दँ दुम्ह बिहीवाः न्हिनय् १ः५० बजे मदुगु खः।
प्रदेश १ य् कोरोना संक्रमणपाखे सीपि ७५म्ह थ्यःगु दु। उकि मध्ये उपचारय् रेफर जुया प्रदेश २ य् १६ म्ह दु।
