Display Style:
Column Style
स्वास्थ्यमन्त्री ढकालया छम्ह सदस्ययात कोरोना संक्रमण
लहनान्युज | ञंलागा ४ ११४०,भाद्र २१ आइतवाः
स्वन्हु न्ह्यः परिवारया छम्ह सदस्ययात कोरोना संक्रमण खने दुगुलि मन्त्री ढकाल थःगु निवास हे क्वारेन्टिनय् च्वना च्वंगु दु।
मन्त्री ढकालं क्वारेन्टिनपाखे हे मन्त्रालयया ज्या याना वयाच्वंगु दु।
मन्त्री ढकालं थःत संक्रमण जुगु मखु परिवारया सदस्ययात संक्रमण जुगुलि थः क्वारेन्टिनय् च्वना च्वंगु दु धका धाःगु खः।
९८०म्ह कोरोना संक्रमण, १८१४म्ह डिस्चार्ज
लहनान्युज | ञंलागा ४ ११४०,भाद्र २१ आइतवाः
वःगु २४ घण्टाय् ९८० म्हेसित कोरोना भाइरस (कोभिड–१९) या संक्रमण पुष्टि जूगु दु । देय् यकया प्रयोगशालाय् १० हजार ३८२ म्हेसिगु नमुना परीक्षण यागुलि २९०म्ह मिसा व ६९० म्ह मिजंपिन्त संक्रमण पुष्टि जूगु दु ।
थ्व नाप संक्रमितपि ४६ हजार २५७म्ह थ्यःगु दु । उकि मध्ये २८९म्ह सी धुकुगु दु सा २८ हजार ९४१ म्ह कोरोना मुक्त जूगु दु ।
वःगु २४ घण्टाय् १८१४म्ह डिस्चार्ज जूगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया कथं स्वनिगः दुने ३५४म्हेसित कोरोना संक्रमण पुष्टि जूगु दु । उकि मध्ये येँ २९०म्ह, यल व ख्वपय् ३२, ३२म्हेसित कोरोना पुष्टि जूगु दु ।
अथेहे सुनसरी ८६म्ह, बाराय् ७३म्ह, सुर्खेतय् ४४म्ह, रुपन्देही ३५म्ह, चितवनय् ३०म्ह, मोरङय् २९म्ह, झापाय् २८म्ह, पर्साय् २५म्ह, स्याङ्जाय् २२म्ह, कास्की व कैलालीइ २१,२१म्ह, पाल्पाय् १९म्ह, नवलपुरय् १२म्ह, सप्तरी, अर्घाखाँची व अछामय् ११, ११म्ह, धनुषा, धादिङ व बझाङय् १०, १०म्ह संक्रमितपि जूगु ।
रौतहटय् ८म्ह, दोलखा व तनहुँय् ७,७म्ह, संखुवासभा, सिराहा, बर्दिया व बाँकेय् ६,६म्ह, सर्लाही, गोरखा व जुम्लाय् ५, ५म्ह, कपिलवस्तु व प्युठानका ४र४ जना, महोत्तरी, दाङ, बाग्लुङ र कञ्चनपुरका ३र३ जना, सिन्धुली, नवपरासी, लमजुङ, जाजरकोट, दैलेख व डडेलधुराय् निम्ह निम्ह व उदपयुर, ओखलढुंगा, ताप्लेजुङ, भोजपुर, काभ्रे, सिन्धुपाल्चोक व कालीकोटय् छम्ह छम्हेसित संक्रमण पुष्टि जूगु धका मन्त्रालयं धाःगु दु ।
येँ २९०म्ह नाप स्वनिगः दुने ३५४म्ह सक्रमित
लहनान्युज | ञंलागा ४ ११४०,भाद्र २१ आइतवाः
वःगु २४ घण्टाय् स्वनिगः दुने ३५४म्हेसित कोरोना संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं येँ जक २९०म्हेसित कोरोना संक्रमण पुष्टि जूगु दु ।
अथेहे यलय् व ख्वपय् ३२, ३२म्हेसित कोरोना संक्रमण पुष्टि जूगु दु ।
वःगु २४ घण्टाय् १० हजार ३८२म्हेसिगु पीसीआर परीक्षण याःगुलि देय् यकं ९८०म्हेसित कोरोना संक्रमण पुष्टि जुगु दु ।
वःगु २४ घण्टाय् कोरोना भाइरस संक्रमणपि जूपि थौं १८१४म्ह डिस्चार्ज जूगु दु ।
थौं आइतवाः तक कोरोना संक्रमणपि २८ हजार ९४३म्ह डिस्चार्ज जूगु दु ।
आइतवाः तक देय् यकं कोरोना भाइरसया सक्रिय संक्रमितपिनिगु ल्याः १७ हजार २७ म्ह थ्यःगु दु । संस्थागत आइसोलेसनय् ९ हजार २०१ म्ह दु । होम आइसोलेसनय् ७ हजार ८२६म्ह च्वना च्वंगु दु ।
बुंगद्यःया रथ सालेगु तयारी जुयाच्वन
शोभा श्रेष्ठ | ञंलागा ४ ११४०,भाद्र २१ आइतवाः
थौं बिहीवाः बुंगद्यया रथ सालेगु सुरु जुइ त्यःगु दु ।
यलय् पुच्वः न सालेगु तयारी याना च्वगु दु । द्यः सालेगु लागि महानगरीय प्रहरी परिसर, यलं कडा सुरक्षा व्यवस्था लागू याना च्वंगु दु ।
यलय् दुहा वनेगु बालकुमारी निसे बल्खु तक सिल याना तःगु दु ।
जिल्ला प्रशासन कार्यालय, प्रहरी ज्यापु समाजया पदाधिकारीपि दथूइ सहलह कथं सीमित मनूत जक मुना रथ साले त्यःगु खः ।
स्वनिगलय् सक्रमित प्रहरी ६२९म्ह थ्यःन
लहनान्युज | ञंलागा ४ ११४०,भाद्र २१ आइतवाः
स्वनिलयकं जक मखु देय् यकं हे कोरोना संक्रमित प्रहरीपिनिगु ल्याः न अप्वोया वःगु दु ।
स्वनिगः दुने जक हे ६२९ म्ह प्रहरीपिन्त कोरोना सक्रिय संक्रमित दु ।
आःतक प्रहरीया निम्ह डीआईजी नाप कोरोना संक्रमितपि २ हजार १११म्ह थ्यःगु दु । उकि मध्ये १२११म्ह सक्रिय संक्रमित दु ।
अथेहे ९५०म्ह वासः याना डिस्चार्ज जुइ धुकुगु दु । प्रहरी प्रधान कार्यालयय् ज्या यानाच्वपि ७१म्ह व स्वनिगः दुने ५५८म्ह सक्रिय संक्रमित दु ।
प्रहरी प्रवक्ताया कथं प्रदेश १ य् २१०म्ह, प्रदेश २ य् ७३म्ह, वाग्मती प्रदेशय् ६०म्ह, गण्डकीय् ८१म्ह, प्रदेश ५ य् १०४म्ह, कर्णाली प्रदेशय् ३७म्ह व सुदूरपश्चिम प्रदेशय् १७म्ह प्रहरीयात कोरोना सक्रिय संक्रमितपि दु ।
