वःगु २४ घन्टाया दुने स्वनिगलय् थप २३२ म्हेसित कोरोना संक्रमित जुगु दु धका स्वास्थ्य मन्त्रालयं धाःगु दु ।

थौं   मंगलवाः संक्रमित जूपि ९३ म्ह मिसा व मेपि मिजंपि खः। अथेहे देयन्यक ४५५१म्हेसिगु पिसीआर परीक्षण याःगु खःसा उकिइ ५२२ म्ह संक्रमित जूगु दु।

अथेहे ५७८ म्ह संक्रमणमुक्त जुगु दु सा च्याम्ह सीगु दु धका मन्त्रालयय् धाःगु दु ।

थौं येँ न्यूनतम तापक्रम ९ डिग्री सेल्सियस मापन जुगु दु ।अथेहे अधिकतम तापक्रम १७ निसे १९ डिग्री सेल्सियस तक जुइगु अनुमान दु ।

थौं देयँयकं मौसम बद्ली जुइ। हिमाली व उच्च पहाडी जिल्लाय् थौं न हिमपात व मेमेगु थासय् वाः वइ धका मौसमविदं धाःगु दु। सुदूरपश्चिम, कर्णाली, लुम्बिनी व गण्डकी प्रदेशया छु थासय् वाः वइगु सम्भावना दु धका रहेको मौसमविदं जानकारी बियादीगु दु । वयकःया कथं वाग्मती प्रदेशया छगु निगु थासय् हल्का वाः वइगु अनुमान दु धका धयादीगु दु।

पश्चिमी वायु प्रभावया कारण वःगु आइतवाः निसे देयन्यक मौसमय् ह्युपाः वःगु दु। थ्व प्रणालीया प्रभावं कन्ह्यनिसे कम जुया वनिइ धका धाःगु दु । कन्ह्यनिसे वाग्मती, गण्डकी, लुम्बिनी, प्रदेश निगुलय् व प्रदेश १ य् निभाः त्वइ धका धाःगु दु।

वःगु २४ घण्टाय् ५९४ म्ह कोरोनामुक्तपि डिस्चार्ज जुगु दु। थ्व नाप कोरोनामुक्त जुपि २ लाख ५५ हजार ८८ म्ह थ्यःगु दु । २४ घण्टाय् कोरोना न्ह्यम्ह सीगु दु।

थ्व नाप आःतक कोरोनां सीपि १८८५ म्ह थ्यःगु दु। अथेहे स्वनिगः दुने १८५ म्हेसित कोरोना संक्रमित थपे जुगु दु।

वःगु २४ घण्टाय् संक्रमित जूपि ८२ म्ह मिसा व १०३ म्ह मिजंपि खः। सक्रमित जूपि येँ १४०म्ह, यलय् २१ म्ह व ख्वपय् २४ म्ह खः।

वःगु २४ घण्टाया दुने देयन्यकं ४०३ म्ह कोरोना संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाःगु दु।

संक्रमित जुपि मिसापि १५९ म्ह व मिजंपि २४४ म्ह खः। २४ घण्टाय् ४४०१म्हेसिगु पीसीआर परीक्षण याःगु खः। थ्व नाप आःतक १९ लाख ५२ हजार ९०३ म्हेसिगु पीसीआर परीक्षण याये धुकुगु दु।

थ्व नाप आःतक देयन्यक संक्रमित जूपि २ लाख ६२ हजार २६२ म्ह थ्यःगु दु। सक्रिय संक्रमितपि ५ हजार २८९ म्ह दु ।आःतक क्वारेन्टाइनय् च्वना च्वपि ३४२ म्ह दु।