Display Style:
Column Style
प्रधानमन्त्री निवासय् ६५म्ह सुरक्षाकःमि कोरोना पुष्टि
अनलागा २ ११४०,असोज १७ सनिवाः | अनलागा २ ११४०,असोज १७ सनिवाः
प्रधानमन्त्री निवास बालुवाटारय् च्वपि ६५ म्ह सुरक्षाकःमिपिन्त कोरोना भाइरस (कोभिड(१९) या संक्रमण पुष्टि जूगु दु।
नेपाली सेनायाा २८म्ह, नेपाल प्रहरीया १९म्ह (शुक्रबार निम्ह व शनिवाः झींन्ह्यम्ह) व सशस्त्र प्रहरीया १८ म्हेसित कोरोना संक्रमण जूगु दु। मेपिनिगु धाःसा रिपोर्ट वय ल्यः दनि।
थौं शनिवाः जक प्रधानमन्त्रीया तीन सल्लाहकार व स्वकीय सचिवयात कोरोना संक्रमण पुष्टि जूगु दु।
प्रधानमन्त्री ओलीया सचिवालयय् प्यम्ह कोरोना संक्रमण
मनिष | अनलागा २ ११४०,असोज १७ सनिवाः
प्रधानमन्त्री केपी शर्मा ओलीया सचिवालयय् प्यम्हेसित कोरोना भाइरस (कोभिड(१९) या संक्रमण खनेदुगु दु।
राजनीतिक सल्लाहकार विष्णु रिमाल, विदेश मामिला सल्लाहकार राजन भट्टराई, प्रेस सल्लाहकार सूर्य थापा व प्रमुख स्वकीय सचिव इन्द्र भण्डारीयात संक्रमण खनेदुगु खः।
उमिगु शुक्रवाः स्वाब संकलन याःगु ख। चालकनिसे दक्कोसिगु स्वाब न संकलन याःगु खः। सचिवालयया प्यम्हेसित जक पोजेटिभ पिहावःगु दु धाःगु खः।
थुगु पटक प्रधानमन्त्री ओलीया परीक्षण याःगु मदु। सचिवालयया प्यम्हेसित खने दयेवं आः प्रधानमन्त्रीयात न परीक्षण जुइ धका धाःगु दु।
२१२० कोरोना संक्रमित, २०४४ म्हजना डिस्चार्ज
शोभा श्रेष्ठ | अनलागा २ ११४०,असोज १७ सनिवाः
वःगु २४ घन्टाय् थप २१२०म्हेसित कोरोना संक्रमण पुष्टि जूगु धका स्वास्थ्य तथा जनसंख्या मन्त्रालयं धाःगु दु।
मन्त्रालयं ग्वसाः ग्वःगु नियमित कोरोना मिडिया ब्रिफिङय् प्रवक्ता डा जागेश्वर गौतमं आःतक ८४ हजार ५७० म्ह संक्रमितपि पिहा वये धुकुगु दु धका धाःगु दु।
अथेहे २४ घन्टाया दुने कोरोना संक्रमणपाखे मुक्त जूपि २०४४ म्ह डिस्चार्ज जुगु दु धका धाःगु दु। थ्व नाप आःतक कोरोना संक्रमणपाखे डिस्चार्ज जूपि ६२ हजार ७४० म्ह थ्यःगु दु।
स्वनिगलय् ११७७ म्हेसित कोरोना संक्रमण पुष्टि
लहानान्युज | अनलागा २ ११४०,असोज १७ सनिवाः
वःगु २४ घन्टाय् स्वनिगलय् जक थप १ हजार १७७ म्हेसित कोरोना संक्रमित खनेदुगु दु।
येँ जक १००१म्हेसित कोरोना सक्रमित जूगु दु।
अथेहे यलय् १०९म्ह व ख्वपय् ६७ म्हेसित संक्रमित जुगु दु धका स्वास्थ्य तथा जनसंख्या मन्त्रालयं थौ पत्रकार सम्मेलनय् जानकारी बिःगु खः।
थौं २४ घन्टाया दुने १२ हजार ९७८ म्हेसिगु पीसीआर परीक्षण याःगु खः।
म्हिगः शुक्रवाः आःतकया दुने दकलय् अप्वो स्वनिगलय् १ हजार ६३८ म्हेसित कोरोना संक्रमित पुष्टि जूगु खः।
बीपी स्वास्थ्य विज्ञान प्रतिष्ठान धरानय् छम्ह कोरोना मन्त
लहानान्युज | अनलागा २ ११४०,असोज १७ सनिवाः
बीपी कोइराला स्वास्थ्य विज्ञान प्रतिष्ठान धरानय् वासः याका वयाच्वम्ह २८ दँ दुम्ह कोरोना संक्रमित मिसाम्ह थौं सुथय् मन्त।
इनरुवा–४ सुनसरीया उम्ह मिसा थौं सुथय् ४ः३० बजे मदुगु धका प्रतिष्ठानया सहप्रवक्तां जानकारी बिःगु दु। प्रवक्ताया कथं उम्ह मनू मेमेगु दीर्घरोगी धका धाःगु दु।
बीपी प्रतिष्ठानय् परीक्षण यायेत वःगु असोज ८ गते उम्ह मिसायात कोरोना संक्रमण पुष्टि जूगु खः। उगु हे दिं अस्पतालय् भर्ना याःगु खः।
