Display Style:
Column Style
लुँ वहःया भाः क्वहा वल
लहनान्युज | ञंलाथ्व १० ११४०,भाद्र १२ शुक्रवाः
नेपाल सुनचाँदी व्यवसायी महासंघं थौं छापावाल लुँ छगु तोलाया ९६ हजार गुसः कायम जूगु दु धका धाःगु दु ।
अथेहे तेजाबी लुँया भाः तोलाय् ९६ हजार प्यसः कायम जूगु दु ।
अथेतु वहः तोलाय् न्यातका क्वहा वःया १३४० कायम जूगु दु धका महासंघं धाःगु दु ।
उद्यमी विनोद चौधरीयात कोरोना संक्रमण
लहनान्युज | ञंलाथ्व १० ११४०,भाद्र १२ शुक्रवाः
उद्यमी विनोद चौधरीयात कोरोना संक्रमण पुष्टि जूगु दु ।
चौधरी थौं शुक्रवाः थःगु ट्विटरपाखे थःत कोरोना संक्रमण पुष्टि जूगु जानकारी बिःगु खः ।
उपत्यकाय् ६ हजार बेदया आइसोलेसन दयेकेगु तयारी
नृपेन्द्रलाल श्रेष्ठ | ञंलाथ्व १० ११४०,भाद्र १२ शुक्रवाः
स्वनिगलय् कोरोना संक्रमितपव न्हिया न्हिथं अप्वया वया समूदायस्तरय् हे फैलै जुइ फइगु ध्यानय् तया संघीय सरकार व स्थानीय तहपाखे एकीकृत आइसोलेसन निर्माण यायेगु ज्या न्ह्यने वनाच्वंगु दु ।
उपप्रधान तथा रक्षामन्त्री एवं कोभिङ–१९ संकट व्यवस्थापन केन्द्र (सीसीएमसी)या संयोजक ईश्वर पोखरेल व स्वास्थ्य तथा जनसंख्या मन्त्री भानुभक्त ढकालनाप उपत्यका नगरपालिका फोरमया पदाधिकारीपि दथुइ छगु सहलह यासे स्वास्थ्य प्रोटोकलयात ध्यान बिया एकीकृत आइसोलेसन निर्माणय् केन्द्रित जूगु दु ।
रक्षा मन्त्रालयय् जूगु उगु सहलय ज्याझ्वलय् उपत्यका नगरपालिका फोरमका पदाधिकारीपिन्स निषेधाज्ञाया इलय् पूर्ण सदूपयोग यासे स्वनिगलय् एकीकृत आइसोलेसन निर्माण याये माःगु खँय् जोड बिःगु दु ।
उगु बैठकय् आःतक एकीकृत आइसोलेसन व क्वारेन्टिन दयेकेगु प्रयास व आः तक जुयावया च्वंगु ज्याया समीक्षा जूगु धका उपत्यका नगरपालिका फोरमया अध्यक्ष नाप येँ महानगरपालिकाया मेयर विद्यासुन्दर शाक्यं धयादिगु खः । ‘जारी निषेधाज्ञाया पूर्ण सदुपयोग यासे स्वनिगः दुने गुणस्तरीय एकीकृत क्वारेन्टिन व आइसोलेसनय् दयेकेगु विषयय् केन्द्रित जुया सहलह जूगु धका धाःगु खः ।’
मेयर शाक्यं उपत्यका नगरपालिका फोरमया सुझाव लिपा सरकारं स्वनिगः दुने कम्तीमा ६ हजार एकीकृत आइसोलेसन निर्माण यायेगु निर्णय याये धुकुग दु धयादिसे संघीय, प्रदेश व स्थानीय तहया समन्वयय् निषेधाज्ञा इलय् हे आइसोलेसन दयेकेगु ज्या न्ह्यने वनि धका जानकारी बियादिगु खः ।
‘छु थासय् आइसोलेसन सञ्चालन जुइ धुकुगु दु धका धयादिसे मेगु ल्यः दनिगु न समन्वय याना गुलि फत उलि याकन हे ज्या न्ह्याइ धक्का धयालिदगु खः ।
सरकारं क्वारेन्टि व आइसोलेसनय् छम्ह मनूयात १७५ रुपैयाँ जक खर्च याना मापदण्ड दयेकुगुलि मेगु न्यासः थपे यायेमाः धका मेयर फोरमका पदाधिकारीपिन्स माग याःगुलि निम्ह हे मन्त्री सकारात्मक जूगु दु धका फोरमया सचिव मदनसुन्दर श्रेष्ठं जानकारी बियादिगु खः ।
अस्पताल व आइसोलेसन याना करीब १० हजार बेड निर्माण याये त्यःगु खः । सरकारं भदौ ४ गते येँं, यल व ख्वपय् एकीकृत क्वारेन्टिनया प्रवन्ध तथा व्यवस्थापन यायेत गृह मन्त्रालय सचिवया संयोजकत्वय् समिति गठन याःगु खः ।
अथेहे स्वास्थ्य तथा जनसंख्या मन्त्रालय नं स्वनिगःया दुने सरकारी अस्पताल, आवश्यकता कथं अन्य निजी, सामुदायिक एवं शिक्षण अस्पताल व स्वास्थ्य प्रतिष्ठानयात छ्यला कम्ती न ६,००० बेदया आइसोलेसन दयेकेत्यःगु खः ।
चितवनय् हेटौंडायाम्ह छम्ह संक्रमित मिसा मन्त
लहनान्युज | ञंलाथ्व १० ११४०,भाद्र १२ शुक्रवाः
हेटौंडा उपमहानगरपालिका १९ या ७१ दँ दुम्ह मिसाम्ह थौं सुथय् कोरोनाया कारणं मदुगु धका कलेजया निर्देशकं जानकारी बिःगु दु ।
वयात वःगु ७ गते चितवन मेडिकल कलेजय् वासः याकेगु झ्वलय् मदुगु खः । उम्ह मिसा दम व निमोनियाया ल्वय् दुम्ह खः ।
उम्ह मनू कलेजया आईसीयूलय् २० म्ह वासः याका वयाच्वम्ह खः ।
स्वम्ह धाःसा भेन्टिलेटरय् तया वासः याका वयाच्वंगु दु ।
धरानया बीपी कोइराला अस्पालय् निम्ह कोरोना मन्त
लहनान्युज | ञंलाथ्व १० ११४०,भाद्र १२ शुक्रवाः
धरानया बीपी कोइराला स्वास्थ्य विज्ञान प्रतिष्ठानय् निम्ह कोरोना संक्रमित सीगु दु ।
झापाया दमक–३ छेँय् दुम्ह ८३ दँ दुम्ह व मोरङको बेलबारी–५ या ५६ दँ दुम्ह सीगु दु ।
८३ दँ दुम्ह मिजंम्ह बी एण्ड सी टिचिङ अस्पताल विर्तामोड झापां रिफर याना धरानया प्रतिष्ठानय् वःम्ह खः । वयात मूसु, ज्वरो व सासः ल्ह्यायेगु समस्या वःगु खः । वयाके उच्च रक्तचाप, चिनी ल्वय्, जँलास्येँ ल्वःगि खः।
वयागु अस्पतालय् हे डायलायसिस याका वयाच्वम्ह खः । वयात भदौ ३ गते कोरोना संक्रमण पुष्टि जूगु खः ।
अथेतु ५६ दँया मिसा कोशी अञ्चल अस्पतालपाखे रिफर जुया प्रतिष्ठानय् वःम्ह खः । वयात मूसु व ज्वरो वया सासः ल्ह्यायेत समस्या वःगु खः ।
थ्व हे भदौ ९ गते कोरोना संक्रमण पुष्टि जुया प्रतिष्ठानय् भर्ना जुम्ह खः । थौं सुथय् ३ः४५ बजे मदुगु खः ।
