Display Style:
Column Style
येँ ६९८म्ह नाप स्वनिगलय् ८५९म् कोरोना संक्रमित
लहनान्युज | अनलाथ्व १ ११४०, असोज २ शुक्रवाः
वःगु २४ घण्टाय् स्वनिगः दुने ८५९म्ह कोरोना संक्रमित थपे जुगु दु ।
स्वास्थ्य तथा जनसंख्या मन्त्रालयया कथं वःगु २४ घण्टाय् येँ जक ६९८म्हेसित कोरोना सक्रमण जुगु दु
अथेहे ख्वपय् ८२म्ह व यलय् ७९म्हेसित कोरोना संक्रमित थपे जुगु दु ।
उकि मध्ये येँ २१६म्ह मिसा व ४८२म्ह मिजंम्ह, ख्वपय् ४८म्ह मिसा व ३४म्ह मिजं, यलय् ३२म्ह मिसा व व ४७म्ह मिजंपिन्त कोरोना संक्रमण खने दुगु खः ।
उपसमितिया संयोजक जीवन राम श्रेष्ठया पुचलं थीथी थासय् अनुगमन
लहनान्युज | अनलाथ्व १ ११४०, असोज २ शुक्रवाः
संघीय संसद, शिक्षा तथा स्वास्थ्य समिति अन्तर्गत कोभिड १९ या सम्बन्धय् सरकारं याःगु ज्याया अनुगमन याइगु उपसमितिं माननीय जीवन राम श्रेष्ठया संयोजकत्वय् दुवाकोट अस्पताल (के.एम.सि), भक्तपुर अस्पताल, सहिद धर्मभक्त राष्ट्रीय प्रत्यारोपन केन्द्र भक्तपुर, काठमाडौ बिश्वबिद्धालय धुलिखेल अस्पताल, धुलिखेल नगरपालिका कोभिड १९ क्वारेन्टाइन व बागमती प्रदेश अन्तर्गत जनस्वास्थ्य प्रयोगशाला धुलिखेलय् अनुगमन याःगु दु ।
उपसमितिया संयोजक माननीयपि जीवन राम श्रेष्ठ, अन्जना बिशन्खे, सरिता न्यौपाने, एकबाल मिया, नमिता चौधरी, उपसमितिया सचिव अमित कुमार यादव, सचिवालयया कर्मचारी नारायण बस्नेतपिन्स स्थलगत अनुगमन याःगु खः ।
अनुगमनय् सहजीकरणया लागि संसदीय टोलि नाप भक्तपुरया प्रमुख जिल्ला अधिकारी हुमकला पाण्डे, काभ्रेया प्रमुख जिल्ला अधिकारी शिवराम पोखरेल, जिल्ला प्रहरी कार्यालय भक्तपुरया प्रमुख एसपी तारा देवि थापा, धुलिखेल नगरपालिकाया प्रमुख अशोक ब्यन्जू, सुर्यविनायक नगरपालिकाया उपप्रमुख जुना बस्नेतपिनिगु ब्बति दुगु खः ।
अनुगमन याःगु थासय् दुगु कमिकमजोरीयात तुरुन्त सच्चे यायेत उगु पुच्वलं निर्देशन बिउसे अन समस्या व सुझावय् संयोजक जीवन राम श्रेष्ठं तुरुन्त सरकार नाप खँ ल्हायेगु धका धयादिगु खः।
सर्वोच्च कमाण्डर गणेशमान सिंहया २३ क्वःगु स्मृति दिं
लहनान्युज | अनलाथ्व १ ११४०, असोज २ शुक्रवाः
नेपालय् प्रजातन्त्र पुनः स्थापनाया नितिं विसं २०४६ या जनआन्दोलनया सर्वोच्च कमाण्डर गणेशमान सिंहया थौं २३ क्वःगु स्मृति दिवस ं थी थी ज्याझ्वः यानाः न्यायेकुगु दु ।
नेपाःया राजनीति त्याग व साहसी कथं ब्यक्तित्व दुम्ह सिंह निष्ठाया केन्द्र जुइत ताः लाःगु दु ।
सिंहया नेतृत्वय् विसं २०४६ या जनआन्दोलन सफल जुगु खः । लिपा तत्कालीन जुजु वीरेन्द्र प्रधानमन्त्री जुइत सिहयात इनाप याःगु खःसा वयकलं थः समकक्षी नेता कृष्णप्रसाद भट्टराईयात न्ह्यःने तयाः नेपाःया राजनीतिइ त्यागया तःधंगु दसि न्ह्यब्वःयादिगु खः ।
विसं १९७२ कात्तिक २४ गते येँया थःबहीलय् जन्म जुयादिम्ह नेता सिंह वःगु २०५४ साल असोज २ गते मदु्गु खः ।
वयकःया थौं २३ क्वःगु स्मृति दिवस न्हिं वयकः छेँय् थःबही चाकुसिबारीं वयकःया काय् लिसें नेपाली काग्रेसया महामन्त्री प्रकाशमान सिंह बयकःयात लुमंका श्रद्धा प्वंकादिगु दु ।
आः खाली खाली सिलिण्डर धरौटी २१ सय
शोभा श्रेष्ठ | अनलाथ्व १ ११४०, असोज २ शुक्रवाः
नेपाल एलपी ग्यास उद्योग संघं बागमती प्रदेशय् एलपी ग्यासया खाली सिलिण्डर धरौटी २१ सय रुपैयाँ तोके याःगु दु । बजारय् कम्पनी कथं सिलिण्डरया धरौटी ध्यवा थः यः थे कया वयाच्वंगुलिथःथे निर्णय यानागु धका संघया अध्यक्षं जानकारी बिःगु दु ।
बागमती प्रदेशय् थौं शुक्रवाः निसे न्हुगु व्यवस्था कथं न्ह्याःगु हे कम्पनीया सिलिन्डर नाप न्याःसा ३४७५ रुपैयाँ स्वया अप्वो काये दइ मखु ।
निगमं तोके याःगु ग्यासया सिलिण्डर भाः १३७५ व सिलिण्डर धरौटी २१ सय याना जाःगु सिलिण्डर ग्यास नाप न्हुगु सिलिण्डरया भाः निर्धारण यानागु धका अध्यक्षं धाःगु दु ।
सिलिण्डरया फ्याक्ट्री लागत १९५० रुपैयाँ, ढुवानी ५० रुपैयाँ व कर सच्छि याना २१ सय धरौटी तोके यानागु धका धाःगु दु । उद्योगं छु न विकल्प मबिसे उद्योग बन्द
याःसा व उपभोक्ता बसाइँ याना मेथाय् वःसा डिलरपाखे धरौटी लित काये दइ ।
तत्कालया लागि बागमती प्रदेशय् २९ गु उद्योगया सिलिण्डरय् उगु निर्णय कार्यान्वयन जुइ धका संघं धाःगु खः ।
लुँया भाः प्यसः थहा वन
शोभा श्रेष्ठ | अनलाथ्व १ ११४०, असोज २ शुक्रवाः
नेपाःया बजारय् थौं लुँया भाः तोलां प्यसः थहा वःगु दु ।
वःगु दिं छगु तोला ९६ हजार ६ सय रुपैयाँय् कारोबार जूगु छापावाल लुँया भाः थौं शुक्रवाः छगु तोलाया ९७ हजार रुपैयाँ कायम जूगु दु धका नेपाल सुनचाँदी व्यवसायी महासंघं जानकारी बियादिगु दु ।
तेजाबी लुँ न तोलाया प्यसः हे थहा वःगु दु । तेजावी लुँ छगु तोलाया ९६ हजार ५ सय रुपैयाँ थ्यःगु दु ।
अथेहे वहः छगु तोलाया १३३० रुपैयाँ थ्यःगु दु ।
