नेकपाया सचिवालय सदस्य नाप गृहमन्त्री रामबहादुर थापां थः निकट नेतापिनिगु भेला सःतुगु दु।

उगु भेलाय् सहभागी थापा समूहया सहभागी नेतापिन्स संसद् विघटन प्रतिगामी पलाः खः धका धाःगु दु । सहभागी नेतापिन्स गम्भीर व असंवैधानिक राजनीतिक घटनायात मुकदर्शक जुया च्वने मज्यु धका धाःगु दु।

तर, समूहया नेता थापां धाःुसा समग्र परामर्श लिपा जक थुगु विषयया लिपागु धारणा दयेकेगु धका धाःगु दु। प्रधानमन्त्री नाप पार्टीया अध्यक्ष केपी शर्मा ओली समूह न सांसदपिन्त बालुवाटारय् व मेम्ह अध्यक्ष पुष्पकमल दाहाल नाप वरिष्ठ नेता माधवकुमार नेपालपक्ष समूहया सांसदपि बानेश्वरय् बिस्क बिस्क भेला जुया च्वंगु इलय् थापा समूहया निकट केन्द्रीय सदस्यपिन्स भेला याःगु खः ।

थापा समूहया नेकपा केन्द्रीय कमिटीइ करिब ४० सदस्य दुगु दाबी याना वयाच्वंगु खः। लिपागु निर्णायक विवादय् प्रधानमन्त्री ओलीया हे समर्थन दुगु आशंका जुयाच्वंगु इलय् थः निकट नेतापिनिगु बिस्क भेला जुगु खः । भेलाय् निगु दुई दर्जन नेता सहभागी जुगु धका धाःःगु दु।

वःगु असारय स्थायी कमिटी विवादय् थापां गुवलय् ओली गुवलय् दाहाल व नेपाल समूहया भेला थ्यःगु खः।

संसद विघटनया विरुद्ध प्रदर्शन सिंहदरबार न्ह्यने बिरोध याःवःपिन्त थौं प्रहरीं ज्वःगु दु।

आइतवाः असंवैधानिक रूपं संसद विघटन याना मध्यावधि निर्वाचनया तिथि तोके यायेवं उकिया विरुद्ध देयन्यकं थीथी थासय् प्रदर्शन जुयाच्वंगु दु।

थ्व हे दथुइ थौं सोमवाः सुथय् प्रदर्शन यायेगु निति सिंहदरबारय् वःपि कृष्ण पहाडी नेतृत्वया पुचःयात प्रहरीं धरपकड यासे नियन्त्रणय् काःगु दु।

उमिसं संसद विघटन लोकतन्त्रया दकलय् तधःगु उपहास खः धका प्रतिनिधि सभा विघटन असंवैधानिक अलोकतान्त्रिक व स्वेच्छाचारी च्वया तःगु प्लेकार्ड ज्वना प्रदर्शनय् क्वहा वःगु खः।

असंवैधानिक रुपं आइतवाः संसद विघटन यायेगु निर्णयया विरुद्ध नेपाल कम्युनिस्ट पार्टी (नेकपा)या ८७ म्ह सांसदपि सर्वाेच्च अदालत वनेगु तयारी याःगु दु।

सोमवाः पार्टी स्थायी समिति सदस्य सुरेन्द्र पाण्डेया नेतृत्वय् ८७ म्ह सांसदपि सर्वाेच्च वनेगु तयारी याःगु दु धका धाःगु दु ।

दक्को सांसदपि पाखे अधिवक्ता गोविन्द बन्दी न सर्वाेच्चय् रिट दायर यायेगु तयारी याःगु दु।

आइतवाः प्रतिनिधि सभा भंग यासे मन्त्रिपरिषदया सिफारिसयात राष्ट्रपति तक लालमोहर तयेवं उकिया विरोध देय् न्यकं जुयाच्वंगु दु ।

सत्तारुढ नेपाल कम्युनिस्ट पार्टी हे सांसदपिन्स सरकारया थुगु पलाखय् बिरोध याना वयाच्वंगु दु।

पूर्वप्रधानमन्त्री डा. बाबुराम भट्टराई न वइगु बैशाखय् चुनाव जुइ मखु धका दाबी याःगु दु।

प्रधानमन्त्री केपी शर्मा ओलीया सिफारिसय् राष्ट्रपति विद्यादेवी भण्डारी न संसद विघटन यासे वइगु वैशाख १७ व २७ गते निगु चरणय् निर्वाचन तिति घोषणा याःगु सन्दर्भय् डा. भट्टराई न अथे दाबी यानादीगु खः।

डा. भट्टराई न सामाजिक सन्जालय् ट्वीटरय् च्वयादीगु दु ‘बैशाखय् चुनाव जुइवाला मदु। देय् हाकूगु सुरुङ्गय् फसे जुइ धुकल।

 डा. भट्टराई न संवैधानिक/कानूनी उपचारया छु भचा आशा दु सा भर याये फइ मखु धका धयादीसे बरु दिगो उपचार राजनीतिक खः धका धयादीगु दु।

संगठित/एकीकृत/सशक्त जनप्रतिरोध व प्रतिनिधिसभाया बैठक हे दिगो राजनीतिक उपचार खः धका थःगु भनाइ तयादीगु दु।

नेपाल कम्युनिष्ट पार्टी (नेकपा) या सचिवालय सदस्य नाप गृहमन्त्री रामबहादुर थापा ‘बादल’ आन्तरिक छलफलय् लगे जुगु दु।

आइतवाः प्रधानमन्त्री केपी शर्मा ओलीया सिफारिसय् राष्ट्रपति विद्यादेवी भण्डारीं संसद विघटन यायेवं राजनीतिक घटनाक्रमय् सहलह यायेत थापानिकट नेतापि वयागु छेँय् वःगु दु।

थापायात नापलायेत देव गुरुङ, पम्फा भुसाल, हितमान शाक्य, मनोज थापा, यशोधा सुवेदी, सूर्यप्रकाश सुवेदी, लेखनाथ न्यौपाने, सावित्रीकुमार काप्ले, अमृता थापा, श्रीराम ढकाल, मायाप्रसाद शर्मा, दिलिपकुमार प्रजापति, सुरेश आलेमगर, रामदीप आचार्य, महेश्वर दाहाल, युवराज भट्टराई नाप झींखुम्ह स्थायी कमिटी सदस्य व केन्द्रीय सदस्य वःगु दु। नेकपाय् थापा निकट ३४ म्ह केन्द्रीय सदस्य दु ाि ओलीया लाइनय् वनेमखु धका धागु दु। उ

मिसं ओलीया कदम प्रतिगामी खः उकि ग्वाहालि मयायेत इनाप याःगु खः। प्रधानमन्त्री ओलीं बालुवाटारय् थः सतिइपि नेतापि नाप भेला सःतूसा थापा न थः नाप च्वपि नेतापि नाप छलफलय् व्यस्त जुयाच्वंगु दु। संसद विघटनय् आपत्ति क्यसे दाहाल व नेपाल समूहया कृषिमन्त्री घनश्याम भुसाल, संस्कृति, पर्यटन तथा नागरिक उड्डयन मन्त्री योगेश भट्टराई, शिक्षामन्त्री गिरीराजमणि पोखरेल, वनमन्त्री शक्ति बस्नेत, उर्जामन्त्री वर्षमान पुन, खानेपानी मन्त्री विना मगर, श्रम तथा रोजगार मन्त्री रामेश्वर रायपिन्स म्हिगः आइतवाः मंकाः कथं राजीनामा बिइ धुकुगु दु।