Display Style:
Column Style
रत्ननगर नगरपालिकाया मेयरयात कोरोना संक्रमण
लहनान्युज | अनलाथ्व १ ११४०, असोज २ शुक्रवाः
नगरपालिकाया मेयर नारायण वनयात न कोरोना सङ्क्रमण पुष्टि जूगु दु ।
वःगु भदौ २८ गते नमुना संकलन याना भरतपुर १९ कोभिड प्रयोगशालाय् छ्वगुलि बिहीवाः चान्ह्य जक वयात कोरोना सङ्क्रमण पुष्टि जूगु खः ।
येँ वया लिहा वःगु इलय् भचा मछिगु व नयेगुलि स्वाद तना वःगुलि थःम्हेसिया कोरोना परीक्षण यानागु खः धका वनं धाःगु खः।
स्वाब संकलन लिपा थः अलग्ग हे कोठाय् च्वनागु आः थत छु न समस्या मदुगु धका धयादिगु खः ।
आःतक स्वास्थ्यय् छु न समस्या मदुगु थः छेँय् हे आइसोलेसनय् च्वना च्वनगु धका धाःगु दु ।
नारायणगढ–मुग्लिन सतकय् स्व थाय् चलः वल
लहनान्युज | अनलाथ्व १ ११४०, असोज २ शुक्रवाः
वाः वया च्वंगु कारण नारायणगढ मुग्लिन सतक स्व थाय् चलः वया सतक पूर्णरुपं अवरुद्ध जुगु दु ।
जिल्ला ट्राफिक कार्यालय चितवनया प्रमुखया कथं भरतपुर महानगरपालिका वडा नम्बर २९ या केराबारी, चौध किलो, व सत्र किलोय् याना स्व थाय् चलः वःगु धका जानकारी बिःगु दु ।व
यकःया कथं थौं सुथय् पौने ६ बजे वःगु चलखं आः चौध किलोय् एकतर्फी रुपमं सतक चालु जुया च्वःगु केराबारी धइगु थाुय् तसकं चलः वया सतक सञ्चालन जुइत मेगु छु घण्टा लगे जुइ धका धाःगु दु ।
मे थाय् स्वया केराबारी तधःगु चलः वःगु दु । उगु चलख याना एकसय मिटर तक तहाकः जु । च्वं वःगु गेगर सहितया लेदो चलखं सतक सञ्चालन यायेत कम्ति न ४ घण्टा लगे जुइगु जानकारी बिःगु । केराबारी मुग्लिनपाखे नारायणगढ पाखे झण्डै १५ किलोमिटर तःहाकःगु खः।
यलय् कोरोना सक्रमित छम्ह मन्त
लहनान्युज | ञंलागा ३० ११४०,असोज १ बिहीवाः
यलय् च्वम्ह छम्ह कोरोना संक्रमित मनू वासः यायेगु झ्वलय् मन्त ।
नेपाल क्यान्सर अस्पतालय् वासः याकेगु झ्वलय् कोरोना संक्रमित जुम्ह मदुगु खः ।
स्वास्थ्य कार्यालय ललितपुरया कथं यलय् च्वम्ह ६६ दँ दुम्ह वासः याकेगु झ्वलय् थौं बिहीवाः मदुगु खः ।
उम्ह मनू वःगु भदौ ३० गतनिसे वासः याका वयाच्वम्ह खः ।
१२४६म्ह कोरोना संक्रमण पुष्टि, १२४३म्ह डिस्चार्ज
शोभा श्रेष्ठ | ञंलागा ३० ११४०,असोज १ बिहीवाः
वःगु २४ घण्टाय् थौ १२४६म्ह कोरोना भाइरस (कोभिड(१९) या संक्रमण पुष्टि जुगु दु । देय् यकंया प्रयोगशालाय् १० हजार ६४१ म्हसिगु नमुना परीक्षण याःगु इलय् ४२८म्ह मिसा व ८१८म्ह मिजं संक्रमण पुष्टि जूगु दु ।
थ्व नाप आःतक संक्रमितपि ५९ हजार ५७३म्ह थ्यःगु दु । उकि मध्ये ३८३ म्ह सी धुकुगु दु । ४२ हजार ९४९ म्ह संक्रमण मुक्त जुगु दु । वःगु २४ घण्टाय् जक १२४३ म्ह डिस्चार्ज जुइ धुकुगु खः ।
१६ हजार २४१ म्ह संक्रिय संक्रमित जूगु दु । उकि मध्ये १८२म्ह आईसीयूलय् व ३९ म्ह भेन्टिलेटरय् च्वना वासः याका वया च्वंगु दु धका स्वास्थ्य तथा जनसंख्या मन्त्रालयं धाःगु दु ।
थौं थपे जुपि येँ ५०७म्ह, यलय् ६० म्ह व ख्वपय् ५० म्हेसित सक्रमण जुगु दु ।
अथेहे चितवनय् १०१ म्ह, मोरङय् ९४म्ह, मकवानपुरय् ६३, सुनसरी ५४, अछाम २२, प्युठान, बाँके व कैलालीइ २१म्ह, २१म्ह, पर्साय् १९, डोटी १७, धनुषा, कास्की, नवलपरासी १६म्ह व १६म्ह, नवलपुरय् १५, बर्दिया १३, झापा, सर्लाही व सिराहाय् ११ म्ह व ११ म्ह बारा व दैलेखय् १० म्ह १० म्हेसित पुष्टि जुगु दु ।
सप्तरी ९, कञ्चनपुरय् ८, रौतहटय् ७, महोत्तरी, सिन्धुपाल्चोक व बाग्लुङय् प्यम्ह, प्यम्ह, दोलखा, गोरखा व रुपन्देही स्वम्ह स्वम्ह, काभ्रे, धादिङ व तनहुँइ निम्ह निम्ह व उदयपुर, खोटाङ, धनकुटा, नुवाकोट, रामेछाप, लमजुङ, स्याङ्जा, कपिलवस्तु, गुल्मी, दाङ, पाल्पा, जाजरकोट, सुर्खेत, बझाङ व बैतडी छम्ह छम्हेसित कोरोना संक्रमण पुष्टि जुगु दु धका मन्त्रालयं धाःगु दु ।
येँ ५०७म्ह नाप स्वनिगः ६१८ म्ह सक्रमित
लहनान्युज | ञंलागा ३० ११४०,असोज १ बिहीवाः
वःगु २४ घण्टाय् थौं स्वनिगः दुने ६१८म्ह कोरोना संक्रमित थपे जूगु दु ।
स्वास्थ्य तथा जनसंख्या मन्त्रालयया कथं येँ ५०७ म्हेसित कोरोना सक्रमित जूगु दु ।
अथेहे यलय् ६० म्ह व ख्वपय् ५०म्हेसित संक्रमण पुष्टि जुगु दु ।
वःगु २४ घण्टाय् येँ ८७ दँ दुम्ह छम्ह मनू सीगु दु।
