संयुक्त राष्ट्रसङ्घया ७९ क्वःगु महासभाय् ब्बति कायेगु झ्वलय् नेपाली प्रतिनिधिमण्डलया नेतृत्व यानादीसे अमेरिकाया न्युयोर्कय् प्रधानमन्त्री केपी शर्मा ओलीं पाकिस्तानया प्रधानमन्त्री सेहबेज शरिफ दथुइ नापलायेगु ज्या जुगु दु।

राष्ट्रसङ्घया मुख्यालयय् वयकःपि दथुइ नापलायेगु ज्या जुगु खः।उगु ज्याझ्वलय् प्रधानमन्त्री ओलीया मुख्य सल्लाहकार विष्णुप्रसाद रिमाल, राष्ट्रसङ्घया निति नेपाःया स्थायी नियोगया प्रतिनिधि लोकबहादुर थापापिनिगु न ब्बति दुगु खः।

संयुक्त राष्ट्रसङ्घया ७९ क्वःगु महासभाय् ब्बति कायेगु झ्वलय् नेपाली प्रतिनिधिमण्डलया नेतृत्व यानादीसे अमेरिकाया न्युयोर्कय् प्रधानमन्त्री केपी शर्मा ओलीं जनगणतन्त्र लाओसया प्रधानमन्त्री सेनोक्साइ सिफानदोन दथुइ नापलायेगु ज्या जुगु दु। 

प्रधानमन्त्री केपी शर्मा ओलीें संयुक्त राष्ट्रसङ्घया ७९ क्वःगु महासभाय् सम्बोधन यानादीसे राष्ट्रसङ्घीय शान्ति अभियानय् सेना व प्रहरीया दकलय् अप्पो तधःगु योगदानकर्ता याःगु कथं नेपाः विश्व शान्ति व सुरक्षाय् थःपिनिगु योगदानयात अप्पो यायेगु तयार दु धका धयादीगु दु।

वयकं धयादीगु दु सुयात न लिउने मलाकूसे वर्तमान व भावी पुस्ताया निति शान्ति, दिगो विकास व मानव मर्यादाया उन्नति यायेगु निति छप्प जुइत विश्व समुदाययात इनाप यानादीगु खः। सशस्त्र द्वन्द्वलिपा नेपाःया शान्ति स्थापना यायेगु कुतः च्वय् क्वय् जूगु व्याख्या यानादीसे प्रधानमन्त्री ओलीं थःगु नेतृत्वया सरकारं सङ्क्रमणकालीन न्यायसम्बन्धी कानुनयात संसदं नकतिनि हे पारित यानागु धका महासभाय् धयादीगु खः।

‘निगु तधःगु राजनीतिक दलया सहकार्ययय् दयकागु वर्तमान सरकार नेपाःया जनता याःगु समावेशी व समतामूलक समृद्धिया निति आर्थिक रुपान्तरणय् न्ह्याः वसें स्थायित्व कायम यायेगु कटिबद्ध दु’, प्रधानमन्त्री ओलीं धयादीगु दु, पारस्परिक सम्मान, सार्वभौम समानता, क्षेत्रीय अखण्डता, छम्ह मेम्हनाप आन्तरिक मामिलाय् हस्तक्षेप व शान्तिपूर्ण सहअस्तित्वया सिद्धान्तय् च्वना जलाखला नाप व मेपि देय् नाप घनिष्ठ, सौहार्दपूर्ण व रचनात्मक सम्बन्धयात अझ बालाकेगु नेपाःया प्रतिबद्ध दु।’

इजरायल–प्यालेस्टाइन द्वन्द्वय् निगु देय् दथुइ शान्तिपूर्ण सम्वादपाखे समाधान जुइमाःगुलि प्रधानमन्त्री ओलीं बःबियादीगु दु। प्रधानमन्त्री ओलीं विश्वय् विकसित देशया कार्बन उत्सर्जनपाखे नेपाः प्रभावित जुइमाःगु दु व जलवायु न्यायया फाइदा नेपाःयात बिइमाःगु माग यानादीगु खः।

सेयर बजाः थौ बिहिवाः हाकन कुहावया २४ सयया लाइनय् कहावःगु दु। बुधवाः म्हिगः २५ सयया लाइनय् थ्यःगु खःसा थौ हाकन कुहावःगु खः।

थौ ३६.५९ ल्याखं कुहावया २४८२.९८ विन्दुइ थ्यःगु खः। ४ अर्ब ६५ करोड रुपैयाँ बराबरया सेयर कारोबार जूगु दु।उत्पादन नाप प्रशोधन व ट्रेडिङ समूह बाहेक दक्को समुह कुहावःगु खः।

थौ ३२२ गु कम्पनीया कारोबार जूगु खः। कारोबार रकमया आधारय् अपि पावर कम्पनीया दकलय् अप्पो कारोबार जूगु खः। उगु कम्पनीया  जक ४७ करोड ९९ लाख तका स्वया अप्पो सेयर कारोबार जूगु खः।

लिपागु इलय् सेयर बजाः मदिक्क कुहावया च्वंगु दु। छगु इलय् करिब ३० अर्बया कारोबार जुयाच्वंगुलि नेप्से आः ४ अर्बय् कुहावःगु दु।

नेपाल प्रज्ञा प्रतिष्ठानया सहकार्यय् विशेष ज्याझ्वः दथुइ नेपाःया प्राज्ञिक ख्यःया स्तम्भ संस्कृतिविद् प्रा.डा.प्रेम खत्रीया कृति “साना निबन्ध“ प्रज्ञा प्रतिष्ठानया कुलपति भुपाल न विमोचन यानादीगु खः।

उगु सफूया प्रकाशक प्रा. पुन्य खत्री व सिद्धार्थ पब्लिक एकेडेमीया प्रधानाध्यापक अन्जु थापा यानादीगु खः। अथेहे उगु ज्याझ्वलय् च्वमि व अनुसन्धान दाता कथं म्हसिउम्ह महेश चन्द्र प्रधानयात सम्पदा सम्मान याःगु खः।