परराष्ट्रमन्त्री आरजु राणा देउवा मिसापि राजनीतिक नेता तयेगु उच्चस्तरीय सम्मेलन (डब्लूपीएल) य् सोमवाः न्युयोर्कय् ब्बति कयादीगु दु।

संयुक्त राष्ट्र संघया ७९ क्वःगु महासभाया झ्वलय् उगु सम्मेलनय् थीथी देशं वःपि मिसा परराष्ट्रमन्त्री तयेगु ब्बति दुगु खः।

उगु झ्वलय् थःम्हेसिया मिसा प्रतिनिधित्व तयेगु महत्त्व, लैंगिक समानता व नेपालय् मिसा पिनिगु सशक्तीकरणया निति नेपाःया प्रतिबद्धता बिषय सहलह यानागु धकाध धयादीगु खः।

ओली प्रधानमन्त्री केपी शर्मा ओलीं हिमालय क्षेत्रया जलवायु सन्तुलनय् कायम याइ धका धयादीगु दु।

अमेरिकाया न्युयोर्कय् कोलम्बिया विश्वविद्यालयय् ‘वर्ल्ड लिडर्स फोरम’ अन्तर्गत ‘नेपाःया लोकतन्त्र व आर्थिक समृद्धिया लँय्’ या विषय न्ह्यब्बयादीसे वयकलं उगु अन्तरक्रियाय् हिमालय नेपाःया निति जक मखु हलियक न महत्त्वपूर्ण खः धका धयादीगु खः।

‘यदि हिमालयनाप च्वापू दु सा बुलुहँ च्वापू नाया ठीक जुइ। समुन्द्र व हिमालयया पारिस्थितिक प्रणाली जुइ। समुन्द्रय् फोहोर जुलकि उगु फोहोर बाफ जूया सुपाँयखय् वनिइ व हिमालयय् लाइ व च्वापू असर जुइ,’ प्रधानमन्त्री ओलीं धयादीगु खः।

‘नेपालय् ४६ प्रतिशत वन क्षेत्र दु। १७ प्रतिशत हिमालय क्षेत्र दु। अथेहे, खुसि व पूखु दु। समग्रय् ७० प्रतिशत स्वया अप्पो क्षेत्र जलवायु क्षेत्रयात योगदान याइ,’ वयकलं धयादीगु दु, ‘झीसं पृथ्वी व जनता तय्त दय्केमाः।’

प्रधानमन्त्री केपी शर्मा ओलीं नेपाः बालाम्ह जलाखला जुइ चाहे जू धका धयादीगु खः।

अमेरिकाया न्युयोर्कय् जुगु कोलम्बिया विश्वविद्यालयय् ‘वर्ल्ड लिडर्स फोरम’ अन्तर्गत ‘नेपाःया लोकतन्त्र व आर्थिक सम्बृद्धिया लँ’ या विषय न्ह्यब्बयादीसे प्रधानमन्त्री ओलीं नेपाः जलाखला विरुद्ध छु न यायेमखु धका धयादीगु खः।वयकलं धयादीगु दु,‘जिपि बालाम्ह जलाखला जुइ चाहे जू। बालाम्ह मखु। जिपि सूनाप न ढल्के जुइ मास्तिव मवः।’

प्रधानमन्त्री ओलीं सुरुनिसे नेपाःया इतिहासनिसे आःतकया लँपू याःगु राजनीतिक इतिहासयात न्ह्यब्बयादीगु खः। सुरुइ करिब १२ मिनेट न्ह्यब्बयादीगु खःसा लिपा ४५ मिनेट अन्तरक्रिया यानादीगु खः। वयालिपा कोलम्बिया विश्वविद्यालयया न्ह्यय्म्ह विद्यार्थीतयेस न्यगू न्ह्यसःया लिसः बिउगु खः।

लुँया भाः थौ हाकन न्हुगु कीर्तिमान तःगू दु। लुँ तोलां न्यासः थहावना आःतक हे दकलय् अप्पो १ लाख ५९ हजार ७ सय तका थ्यःगु दु धका नेपाल सुनचाँदी व्यवसायी महासङ्घं धाःगु दु।

अथेहे, वहः तोलां न्यातका कुहावःगु दु। वहः तोलां न्यातका कुहावया १ हजार ९ सय १५ तका न कारोवार जूगु दु धका महासङ्घं धाःगु दु।

संयुक्त राष्ट्रसङ्घया ७९ क्वःगु महासभाय् ब्बति कायेगु निति नेपाःया प्रतिधिमण्डलया नेतृत्व यानादीसे संयुक्त राज्य अमेरिकाया न्युयोर्कय् प्रधानमन्त्री केपी शर्मा ओेली व भूटानया प्रधानमन्त्री दासो छिरिङ तोग्बे दथुइ नापलायेगु ज्या जुगु दु।

वयकःपि दथुइ राष्ट्रसङ्घया निति नेपाःया स्थायी नियोगया कार्यालय, न्युयोर्कय् नापलायेगु ज्या जुगु खः।