संयुक्त राष्ट्रसङ्घया ७९ क्वःगु महासभाय् ब्बति कायेगु निति नेपाली प्रतिधिमण्डलया नेतृत्व यासे संयुक्त राज्य अमेरिकाया न्युयोर्कय प्रधानमन्त्री केपी शर्मा ओेली व कुवेतया राजकुमार नाप प्रधानमन्त्री शेख सबाह अल खलेद अल हमाद अल मुबारक अल सबाह दथुइ नापलायेगु ज्या जुगु दु।

वयकःपि दथुइ राष्ट्रसङ्घया निति कुवेतया स्थायी नियोगया कार्यालय, न्युयोर्कय् नापालानादीगु खः।

संयुक्त राष्ट्रसङ्घया ७९ क्वःगु महासभाय् ब्बति कायेगु निति नेपाःया प्रतिधिमण्डलया नेतृत्व यानादीसे संयुक्त राज्य अमेरिकाया न्युयोर्कय् झायादीम्ह प्रधानमन्त्री केपी शर्मा ओेली व भारतया प्रधानमन्त्री नरेन्द्र मोदी दथुइ नापलायेगु ज्या जुगु दु।

वयकःपिन्स नाप निगु देय् या दथुइ विदेशमन्त्री व मेमेप अधिकारीपि नापलायेगु ज्या जुगु खः।

प्रधानमन्त्री केपी शर्मा ओलीं संयुक्त राष्ट्रसंघया ७९ क्वःगु महासभाअन्तर्गत अमेरिकाया न्युयोर्कस्थित राष्ट्रसंघया मुख्यालयय् जूगु ‘समिट अफ द फ्युचर’ ज्याझ्वः अन्तरक्रियात्मक सत्रय् अध्यक्षता यानादीगु दु।

महासभाय् उगु समिटया उलेज्या ज्याझ्वलय् ब्बति कायेधुका प्रधानमन्त्री ओलीं राष्ट्रसङ्घया मुख्यालयस्थित ट्रष्टी काउन्सिलय् जुगु ज्याझ्वलय् सहलह जुगुलि अध्यक्षता यानादीगु खः। उगु सत्रय् दिगो विकासया लक्ष्य कार्यान्वयन अवस्था, चुनौती व भावी लँपुया बारे सदस्य राष्ट्रया सम्बन्धित मन्त्री व प्रतिनिधि तय्स थःगु धारणा तःगु खः।

राष्ट्रसंघया महासचिव एन्टेनियो गुटेरसं महासभाया समिट अफ द फ्युचरयात सम्बोधन यायेगु इलय् प्रधानमन्त्री ओली नेपाली प्रतिनिधि मण्डलं महासभाय् ब्बति कयादीगु खः।

प्रेस काउन्सिल नेपालं थौ ५५ क्वःगु वर्षिकोत्सव राष्ट्रपति कार्यालय तःजिक ज्याझ्वः याःगु दु।

राष्ट्रपति रामचन्द्र पौडलया मूपाहाँसुइ व बिशेष पाहाँ कथं संचार व सुचना प्रबिधि मन्त्री पृथ्बी सुब्बा गुरुङ्ख झायादीगु खःसा प्रेस काउन्सिलया अध्यक्ष बालकृष्ण बस्नेतया सभाध्यक्षताय् जूगु खः।

उगु ज्याझ्वलय् भाषागत सिरपा लहना वाःपौया प्रकाशक व प्रधान सम्पादक नृपेन्द्रलाल श्रेष्ठयात बिशेष पाहाँ कथं संचार व सुचना प्रबिधि मन्त्री पृथ्बी सुब्बा गुरुङ्खं हनापौ व चेक प्रेस काउन्सिलया अध्यक्ष बालकृष्ण बस्नेतं लःल्हागु खः।

थौ राष्ट्रपति पौडलं काउन्सिलया पूर्वसदस्य रघुजी पन्त, दीपेन्द्र चौहान, नवलकिशोर यादव, प्रतीक प्रधान व तेजप्रकाश पण्डितयात हनापौ लःल्हानादीगु खः। अथेहे काउन्सिलउा पूर्व सदस्य–सचिव रघुराम विष्ट, अग्रज पत्रकारपि ज्ञान उदास, देवेन्द्र चुँडाल, केदारबाबु तिवारी, चित्राङग थापा, बलदेब अवस्थी, खगेन्द्र खत्री, हरिबिनोद अधिकारी, उषा लोहनी, खुर्शिद आलम, विष्णुप्रसाद सुवेदी, बोधराज त्रिपाठी, बालकुमार नेपाल, प्रमोदकुमार सिंह (दाहाल), ईश्वरी वाग्ले, जन्मदेव जैसी, ईश्वरीप्रसाद काफ्लेयात हंगु खः।

अथेहे प्रेस काउन्सिल गोपालदास पत्रकारिता सिरपा अखण्ड भण्डारी व नेपाल प्रेस इन्स्टिच्यूटयात लःल्हागु खः। प्रेस काउन्सिल सुरेन्द्रबहादुर बस्नेत पत्रकारिता सिरपा बद्री सिग्देल, प्रेस काउन्सिल आचारसंहिता सिरपा रातोपाटी डटकमयात लःल्हागु खः।

थौ बैंकिङ समूह अप्पो थहावःगुलि सेयर बजाः निगुगु ल्याखं थहावंगु दु। नेप्से परिसूचक थौ ११.५८ ख्याखं थहावना २५८८ कायम जूगु दु।

बजाः थहावंसा कारोबार रकम छु भचा म्हो जूगु दु। वंगु दिं ५ अर्ब ६६ करोडया कारोबार जूगुलि थौ ५ अर्ब ९ करोड जक जूगु दु। बजाः चाःगु न्यागू मिनेटय् नेप्से २६४२ ल्याः थ्यःगु खः।

अथेहे न्हिनय् २ बजे लिपा २५७० थ्यःगु खः। वया लिपा बजाः भचा सुधार जूगु खः। १३८ गु कम्पनीया भाः थहावःगुलि ९४ गु कम्पनीया भाः कुहावःगु दु सा १२ गु कम्पनी स्थिर जूगु दु। बैंकिङय् दकलय् अप्पो १.०१ प्रतिशत थहावःगु दु। बजाः पूँजीकरणया आधारय् थुगु समूह दकलय् अप्पो शक्तिशाली जूगु दु सा समग्र परिसूचकयात हे यक्को प्रभाव याउगु दु।

विकास बैंक ०.६६, हाइड्रोपावर ०.३१, लगानी ०.६२, जीवन बीमा ०.२४, निर्जीवन बीमा ०.४७, मेमेगु ०.४१ व व्यापार ०.०७ प्रतिशत थहावःगु दु। माइक्रोफाइनान्स ०.१८, उत्पादन ०.१९, होटल व पर्यटन ०.६१ व फाइनान्स समूह ०.१७ प्रतिशत कुहावःगु दु। इस्टर्न हाइड्रोपावर, आत्मनिर्भर लघुवित्त व अपर स्याङ्गे हाइड्रोपावरया भाः १० प्रतिशत थहावःगु दु।

सयपत्रि हाइड्रोपावरया ८.३, स्टान्डर्ड चार्टड बैंक ३.९७, मध्यभोटेकोशी ३.८ प्रतिशत भाः थहावःगु दु। रावा इनर्जीया भाः ८.६ प्रतिशत कुहावःगु दु सा स्वरोजगार लघुवित्तया भाः ७.४ व साहस ऊर्जाया ४.२ प्रतिशतं कुहावःगु दु।

कारोबार रकमया आधारय् सीईडीबी हाइड्रोपावर, एनएलजी इन्स्योरेन्स, हिमालयन रिइन्स्योरेन्स, नेपाल फाइनान्स व एनआरएन इन्फ्रास्ट्रक्चर न्ह्यने खने  दु।