Display Style:
Column Style
येँ १७८४म्ह स्वनिगः दुने २४०२ म्ह समक्रमण
लहानान्युज | अनलागा ३० ११४०,असोज ३० बिहीवाः
थौं स्वनिगलय् दुने जक थप जूपि येँय् १,७८४ म्ह थ्यःगु दु।
अथेहे यलय् ३७४ म्ह व ख्वपय् २४४ म्हेसित कोरोना सक्रमण जूगु दु।
आःतक देय् यकं संक्रमितपि १,२६,१३७ म्ह थ्यंगु दु।
हे देय् न्यंकं ४,३९२ म्हेसित कोरोना पुष्टि
लहानान्युज | अनलागा ३० ११४०,असोज ३० बिहीवाः
अथेहे देय् न्यंकं ४,३९२ म्हेसित कोरोना पुष्टि जूगुलि स्वनिगलय् जक २,४०२ म्ह थप जूगु दु ।
थौं स्वास्थ्य मन्त्रालयं नियमित पत्रकार सम्मेलनय् १६,५३१ म्हेसित पीसीआर परीक्षणय् ४,३९२ म्हेसिगु रिपोर्ट पोजेटिभ वःगु जानकारी ब्यूगु खः ।
अथेहे,२४ घण्टाया दुने ३,५२२ म्ह कोरोना संक्रमणमुक्त जुयाः छेँय् लिहाँ वंगु दु ।
आःतक छेँय् लिहाँ वंपि ८८ हजार ४० म्ह थ्यंगु दु।
फलफूलचोकय् ग्याँस मुया खबरसेण्टरया ज्याकू क्षति
अनलागा ३० ११४०,असोज ३० बिहीवाः
येँया सोह्रखुटेया फलफूलचोकय् कृष्ण कार्कीया छेँय् ग्याँस सिलिण्डर मुया खबरसेण्टरया ज्याकू तक क्षति जूगु दु।
ग्याँस मुया खवरसेन्टरया निगः ल्यापटप व निगः कम्प्युटर न क्षति जूगु दु धका खवरसेन्टर डट् कमया सम्पादक उत्तम श्रेष्ठ लहनान्युजयात कनादिगु दु । थःपि ज्या यानाच्वनागु इलय् तधःगु सः वःगु नाप च्वंगु जला खला या छेँ तक स्यःगु दु थःपिनिगु झ्याःया न्ह्याक तक तज्याना ना निगः ल्यापटप नाप निगः कम्प्युटर याना निगु लाखया बराबर क्षति जूगु दु धका कनादिगु दु।
ग्याँस मुया उगु थासय् च्वपि ११ म्ह घाःपाः जूगु दु। घाःपाः जूपि शान्ति अधिकारी, विन्दा श्रेष्ठ, रमेश श्रेष्ठ, विशाल कँडेल, नरसिंह केसी, अम्बर बस्नेत, चन्द्र केसी, सरला बस्नेत, अर्जुन चोखाल, मेचिनी खत्री व ईश्वर खत्रीपि खः। घाःपाः जूपिन्त मनमोहन अस्पताल ठमेलय् वासः याका वयाच्वंगु दु।
किपू नगरपालिकाय् निर्माण जुयाच्वंगु थीथी थासय् अनुगमन
लहानान्युज | अनलागा ३० ११४०,असोज ३० बिहीवाः
किपू नगरपालिकाया योजनाय् नियमित अनुगमन यायेगु झ्वलय् अनुगमन टोलिया संयोजक कीर्तिपुर नगरपालिकाया उप–प्रमुख सरस्वती खड्काया नेतृत्वय् थीथी थासय् अनुगमन याःगु दु।
अनुगमन यायेगु झ्वलय् वडा नं. ३ समलय् दयेमका वयाच्वंगु सामुदायिक भवन, वडा नं. २ लय् गःसिइ ढलान यायेत्यःगु लँ, वडा नंं ३ य् विश्व राष्ट्रिय मा.वि.पाखे सल्यानस्थानय् वनेगु लँय् याःगु पीच, वडा नं. ४ कार्यालय दुगु चम्पादेवी निसे बाघ भैरव द्यःया थाय् वनेगु दयेका च्वंगु लँ य् निरीक्षण व अनुगमण याःगु दु ।
अथेहे वडा नं. ६ य् दयेका च्वंगु लिच्छिविकालिन जालपादेवी देगः, वडा नं. ६ याःगु हे वडा भवनया प्यंगु तल्लाय् ढलानय् अनुगमन याःगु खः।
उगु अनुगमन टोलिइ प्रमुख प्रशासकीय अधिकृत सीता परियार, वरिष्ठ ईन्जिनियर बालकृष्ण महर्जन, प्राविधिक चाँदनी थापा, अनुगमन समितिया सदस्यपि वडा नं. ४ या अध्यक्ष राजेन्द्र वानियाँ व अनुगमन समितिया सदस्य नाप वडा नंं ३ या सदस्य नन्ददेवी महर्जनपिन्स अनुगमन यानादिगु खः।
न्हुपि मन्त्रीपिन्स पुष्पलालया झ्वाताय् स्वां देछात
नृपेन्द्रलाल श्रेष्ठ | अनलागा १२ ११४०,असोज २९ बिहीवाः
न्हुपि नियुक्त जूपि अर्थ मन्त्री विष्णु पौडेल, शहरी विकास मन्त्री कृष्ण गोपाल श्रेष्ठ व महिला वालवालिका ज्येष्ठ नागरिक तथा समाज कल्याण मन्त्री लिलानाथ श्रेष्ठपिन्स थौं बिहिवाः किपू–४, चम्पादेवीइ नेकपाया संस्थापक महासचिव क.पुष्पलाल श्रेष्ठया झ्वाताय् माल्यार्पण यानादिगु दु।
थौं वयपिन्त किपू नगरपालिकाया मेयर रमेश महर्जन, उप–मेयर सरस्वती खड्का, वडा अध्यक्षपि वडा नं. १ या अध्यक्ष हर्ष महर्जन, वडा नं. ६ या अध्यक्ष न्हुच्छेबहादुर महर्जन नाप जनप्रतिनिधिपिन्स व सर्वसाधारण जनतापिन्स न न्हुपि मन्त्रीपिन्त लसकुस याःगु दु।
