Display Style:
Column Style
१८००म्ह कोरोना संक्रमणमुक्त
कौलाथ्व पारु ११४०,कार्तिक १ शनिवाः | कौलाथ्व पारु ११४०,कार्तिक १ शनिवाः
थौं वःगु २४ घण्टाया दुने १८००म्ह कोरोना संक्रमणमुक्तपि डिस्चार्ज जूया छेँय् लिहा वःगु दु।
थ्व नाप कोरोना संक्रमणमुक्त जुपि ८९ हजार ८४० म्ह थ्यःगु दु।
स्वास्थ्य तथा जनसंख्या मन्त्रालयया कथं आःतक पीसीआर विधिपाखे १२ लाख ६९ हजार ६०५ म्हेसिगु परीक्षण याःगु दु। २४ घण्टाय् जक १५ हजार ५३१ म्हेसिगु पीसीआर परीक्षण याःगु दु।
आःतक क्वारेन्टाइनय् ४ हजार ७१५ म्ह च्वना च्वंगु दु। अथेहे २४ घण्टाय् १२ म्ह कोरोना संक्रमणं सीगु दु।
थ्व नाप नेपालय् सीपि आःतक ७२७ म्ह थ्यःगु दु।
३१६७ म्हेसित कोरोना संक्रमण पुष्टि
लहानान्युज | कौलाथ्व पारु ११४०,कार्तिक १ शनिवाः
वःगु २४ घण्टाय् थौं शनिवाः थप ३१६७ म्ह कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु।
मन्त्रालयं थौं ग्वसाः ग्वःगु नियमित कोरोना मिडिया ब्रिफिङय् प्रवक्ता डा जागेश्वर गौतमं आःतक १ लाख २९ हजार ३०४ म्ह संक्रमितपि थ्यःगु दु धका धाःगु दु।
थ्व नाप आःतक सकृय संक्रमितपि आःतक ३८ हजार ७३७ म्ह दु धका धाःगु दु।
येँ जक १४५१ म्ह नाप स्वनिगलय् १७४६म्हेसित सक्रमण
लहानान्युज | कौलाथ्व पारु ११४०,कार्तिक १ शनिवाः
वःगु २४ घण्टाया दुने स्वनिलः दुने थप १७४६ म्हेसित कोरोना संक्रमित जूगु दु।
स्वास्थ्य तथा जनसंख्या मन्त्रालयया कथं थौं येँ जक १४५१ म्हेसित कोरोना सक्रमण जुगु दु।
अथेहे यलय् १५२ म्ह व ख्वपय् १४३ म्हेसित कोरोना सक्रमण जूगु दु।
वीरगञ्जय् साढे २२ किलो लुँ बरामद
लहानान्युज | कौलाथ्व पारु ११४०,कार्तिक १ आइतवाः
पर्साया वीरगञ्जय् साढे २२ किलो लुँ बरामद याःगु दु।
प्रहरीं वीरगञ्ज महानगरपालिका ६, रेशमकोठीसिथत गणेश अपार्टमेन्टय् छापा मारे याःगु इलय् उगु लुँ बरामद याःगु खः।
उगु झ्वलय् प्रहरीं २२ किलो ५६७ ग्राम लुँ बरामद याःगु खः।
लुँया वचुगु प्लास्टिकं भुना पोचिना तःगु खः।
चितवनय् मेम्ह वडासदस्य मन्त
लहानान्युज | कौलाथ्व पारु ११४०,कार्तिक १ आइतवाः
चितवनय् कोरोना संक्रमणं सीपि जनप्रतिनिधि निम्ह जूगु दु। सीपि निम्ह खैरहनी नगरपालिका च्वपि खः।
जिल्लाया खैरहनी नगरपालिकाया वडा नं. १२ या वडा सदस्य बद्रीबहादुर पाण्डेया वासः यायेगु झ्वलय् भरतपुर अस्पतालय् थौं शनिवाः सुथय् मलुगु धका वडा अध्यक्षं जानकारी बिःगु खः।
निन्हु न्ह्य जक कोरोना संक्रमण पुष्टि जुम्ह ४१ दँया पाण्डे क्यान्सर ल्वय् पाखे पीडितम्ह खः। वयागु वःगु चैतय् क्यान्सरया अप्रेसन याःगु खःसा स्वक्वः तक किमो काये धुकुम्ह खः।
पाण्डे वःगु स्थानीय निर्वाचनय् नेपाली कांग्रेसपाखे निर्वाचित जुम्ह खः।
थ्व स्वया न्ह्यः, चितवनया भरतपुर महानगरपालिका वडा नं. २० या वडाध्यक्ष न कोरोना संक्रमणं मदुगु खः।
