Display Style:
Column Style
राप्ती स्वास्थ्य विज्ञान प्रतिष्ठानय् छम्ह डाक्टर नाप प्यम्हेसित कोरोना
लहनान्युज | तछलागा चतुर्दशी ११४०,असार ६ सनीवाः
दाङया घोराहीइ राप्ती स्वास्थ्य विज्ञान प्रतिष्ठानय् प्यम्ह चिकित्सिक व स्वास्थ्यकर्मीपिन्त कोरोना संक्रमण पुष्टि जूगु दु ।
थ्व नाप आः अस्पतालय् निन्हुया लागि आकस्मिक बाहेकया सेवा बन्द याःगु दु ।
अस्पतालय् मेडिकल वार्डय् भर्ना जूम्ह छम्ह बिरामीयात कोरोना संक्रमण पुष्टि खः ।
उम्ह विरामीया हेरचाहय् संलग्न प्यम्ह डाक्टर, ११म्ह नर्स व खुम्ह स्वास्थ्यकर्मी याना २१म्हेसित होम क्वारेन्टिनय् च्वना च्वंगु दु ।
उमिगु स्वाब संकलन याना परीक्षणय् छम्ह चिकित्सक, निम्ह नर्स व छम्ह स्वास्थ्यकमी शुक्रवाः हे कोरोना पुष्टि जुइ धुकुगु खः ।
कलाकार रुमन जोशीया मां मन्त
लहनान्युज | तछलागा चतुर्दशी ११४०,असार ६ सनीवाः
नेपालभाषा संकिपा ख्यः नांजाःम्ह कलाकार रुमन जोशीया मां लक्ष्मी जोशी विहीवाः चान्हय् मंत ।
मदुम्ह जोशी ७२ दँ दुम्ह मेडिसिटी अस्पताल मदुगु खः ।
मदुम्ह जोशीया पित्त थैलीइ क्यान्सर जुगुलि वःगु खुला न्ह्यः अपरेशन याःगु खः ।
मदुम्ह जोशीया काय स्वम्ह व म्ह्याय् छम्ह दु । मदुम्ह जोशीयात वंगु शुक्रवाः पशुपतिइ अन्त्येष्ठि याःगु खः ।
गण्डकीइ ५८म्हेसित कोरोना पुष्टि
लहनान्युज | तछलागा चतुर्दशी ११४०,असार ६ सनीवाः
गण्डकी प्रदेशया न्ह्यगु जिल्लाय् थप ५८म्हेसित कोरोना संक्रमित जूगु दु ।
थौं तनहुँइ २५म्ह, नवलपुरय् १६म्ह, बाग्लुङय् ८म्ह, गोरखाय् ५म्ह, कास्कीइ निम्ह, म्याग्दी व स्याङ्जाय् छम्ह छम्हेसित कोरोना संक्रमण पुष्टि जूगु दु ।
थ्व नाप गण्डकी प्रदेशय् कोरोना संक्रमण पुष्टि आः ४३८म्ह थ्यःगु दु धका गण्डकी प्रदेश कोरोना नियन्त्रण तथा रोकथाम कार्यक्रमया निर्देशक डा. विनोद विन्दु शर्मां जानकारी बियादिगु दु ।
न्हुपि संक्रमितहरु मध्ये तनहुँया ऋषिङ गाउँपालिकायापि २१म्ह, ब्यास नगरपालिका निम्ह, शुक्लागण्डकी नगरपालिकाय् निम्हेसित कोरोना पुष्टि जूगु दु ।
नवलपुर जिल्लाय् १६ म्ह संक्रमित मध्ये बुलिङटार गाउँपालिकाय् ११म्ह, मध्यविन्दु नगरपालिकाय् निम्हेसित कोरोना पुष्टि जुगु दु ।
गण्डकीइ थप ३२म्ह कोरोना संक्रमण
लहनान्युज | तछलागा त्रयोदशी ११४०,असार ५ शुक्रवाः
थौ जक आजमात्र ५६म्ह गण्डकी प्रदेशय् थप ३२ म्ह कोरोना संक्रमित थपे जूगु दु ।
बागलुङय् १०म्ह, तनहुँइ १७म्ह व पर्वतय् न्याम्हेसित कोरोना संक्रमित थपे जूग दु ।
बागलुङ नगरपालिकाय् न्याम्ह मिजंपि, ढोरपाटन नगरपालिकाय् प्यम्ह मिजंपि व बागलुङय् छम्ह मिसायात कोरोना संक्रमण खने दुगु धका प्रदेश स्वास्थ्य निर्देशनालयं पुष्टि जूगु दु ।
तनहुँया घिरिङ नगरपालिकाय् झींप्यम्ह मिजंपि व स्वम्ह मिसायात कोरोना संक्रमण खने दुगु दु । पर्वतया कुश्मा नगरपालिकाय् स्वम्ह मिजंपि व निम्ह मिसा स्वास्थ्यकमीयात कोरोना संक्रमण पुष्टि जूगु दु ।
थौं सुथय् जक गण्डकीइ प्यगु जिल्लाय् २४म्हेसित संक्रमित खने दुगु खः ।
येँ महानगरं सुविधा सम्पन्न ५० सैयाया अस्पताल दयेकेइगु
लहनान्युज | तछलागा त्रयोदशी ११४०,असार ५ शुक्रवाः
येँ महानगरपालिकाया मेयर बिद्यासुन्दर शाक्यं आर्थिक वर्ष ७७÷०७८ या नीति तथा कार्यक्रम सार्वजनिक यानादिसे २५९ बुँदा दुगु नीति तथा कार्यक्रमय् जनस्वास्थ्य सेवायात प्राथमिकताय् बिःगु दु ।
महानगरया मेयर शाक्यं येँ महानगरपालिकां थःगु नीति तथा कार्यक्रमय् थःगु हे सुविधा सम्पन्न म्हति ५० सैयाया अस्पताल स्थापना यायेत आवश्यक पूर्वाधार व्यवस्था यायेगु, महानगरपालिका दुने सञ्चालन जुया वयाच्वंगु सामुदायिक अस्पतालयात हे महानगरपालिका अस्पतालया रुपय् सञ्चालन यायेगु योजना समावेश याःगु दु ।
वरिष्ठ ज्येष्ठ नागरिकपिन्त विशेषज्ञ चिकित्सकपाखे नियमित नाप निशुल्क स्वास्थ्य परीक्षण सेवायात निरन्तरता बिइगु, महानगरय् च्वपिन्त स्वस्थ जीवनया लागि स्वच्छ आहार विहारया नीति अवलम्बन यायेगु खँ प्राथमिकता बिःगु दु । ‘गुणस्तरीय एवं न्युनतम स्वास्थ्य सेवा यायेत दइगु हकयात सुनिश्चित यायेत येँं महानगरपालिका दुने सञ्चालित दक्को सरकारी, निजी व सामुदायिक अस्पतालपाखे बिया वयाच्वंगु स्वास्थ्य सेवाया गुणस्तर नियमन व अनुगमन यायेत संस्थागत व्यवस्था मिले याये त्यःगु दु,’ नीति तथा कार्यक्रमय् वडा वडाय् मृगौला जोगाउ अभियान सञ्चालन याये योजना न हःगु दु ।
अर्बुद रोग लगायत मेगु दीर्घ ल्वय् इलय् हे स्वास्थ्य परीक्षण याना दीर्घरोग स्वास्थ्य परीक्षण कार्यक्रम सञ्चालन यायेगु नीति हःगु दु । कोभिड १९ व मेमेगु सम्भावित महामारीपाखे बचे जुइत आवश्यक निरोधात्मक उपाय प्रभावकारी रुपं लागु यायेगु धका धाःगु दु ।
