Display Style:
Column Style
वहः तोलाय् आः तक दकलय् अप्व
लहनान्युज | गुंलागा ६ ११४०,साउन २५ आइतवाः
वहः तोलाय् आः तक दकलय् थहाः वःगु दु । लुँ तोला धाःसा थौं छगु तोलाय् गुसः थहाः वःगु दु ।
वःगु शुक्रवाः छगु तोलाय् छगु लाख स्वद्धः व न्यासः न कारोबार जुगु खःसा थौं आइतवाः छगु लाख निद्धः व खुसः तका थ्यःगु खः ।
निगु वाः दुने लुँया भाः थौं क्वहा वःगु दु । थौ. आइतवाः लागि महासंघं तेजावी लु भाः १ लाख निद्धः व सच्छि तोके याःगु दु ।
अथेहे वहः न्यासः थहाः वना छगु तोलाय् १४१०म्ह थ्यःगु दु ।
वःगु शुक्रवाः वहः छगु तोलाया १४०५ तकां कारोबार जूगु दु ।
बाँकेय् २० म्हेसित कोरोना संक्रमण पुष्टि
लहनान्युज | गुंलागा ६ ११४०,साउन २५ आइतवाः
बाँकेय् २० म्हेसित कोरोना संक्रमण पुष्टि जूगु दु । भेरी अस्पताल नेपालगञ्जय् वःगु २४ घण्टाय् बाँकेय् २०म्हेसित कोरोना पुष्टि जूगु धका धाःगु दु ।
स्वसःम्हेसित पीसीआर परीक्षणय् बांकेय् २०म्ह जना व बर्दियाय् निम्ह नाप २२म्हेसित कोरोना पोजेटिभ खने दुगु धका भेरी अस्पतालं धाःगु खः ।
बाँकेय् नीम्ह मध्ये नेपालगञ्ज उपमहानगरपालिकाय् न्ह्यम्ह मिसा व च्याम्ह मिजंपि, कोहपुरय् प्यम्ह मिजंम्ह व छम्ह मिजं जिल्ला समन्वय समिति बाँकेय् छम्ह खः । बर्दियाय् निम्ह
संक्रमितपि मिसाम्ह खः ।
कोरोना संक्रमित अप्वःया वःगुलि बाँकेय् अत्यावश्यक सेवा बाहेकया थासय् मंगलवाः चान्ह्य निसे निषेधाज्ञा जारी याःगु दु ।
पर्साय् थप ७५म्ह कोरोना संक्रमण पुष्टि
लहनान्युज | गुंलागा ६ ११४०,साउन २५ आइतवाः
पर्साय् थप ७५ म्हेसित कोरोना संक्रमण पुष्टि जूगु दु । नारायणी अस्पतालय् पीसीआर प्रयोगशालाय् याःगु परीक्षणय् ७५म्हेसित कोरोना संक्रमण पुष्टि जूगु खः ।
संक्रमित जूपि मध्ये १५म्ह मिसापि खः । वीरगञ्ज–२ छपकैयाय् २० दँया छम्ह सीम्ह मिसा न संक्रमितको सूची लागु दु ।
कन्ट्याक्ट ट्रेसिङय् ३१म्ह, थःहे कोरोना जाँच या वःपि १२ म्ह, वीरगञ्ज महानगरपालिका दमकलय् निम्ह, क्वारेन्टिनय् च्वना च्वंपि प्यम्ह , जिल्ला प्रहरी कार्यालयय् गुम्हेसित कोरोना संक्रमण
खने दुगु खः ।
अथेहे ज्वरो,सेँय्खः चाःपि, मुसू वःपि गुम्ह, पर्सागढी नगरपालिकाय् स्वम्ह, नारायणी अस्पतालय् कर्मचारीपि स्वम्ह व सर्लाहीइ छम्हेसित पीसीआर परीक्षण रिपोर्ट पोजेटिभ वःगु दु धका धाःगु दु ।
मानव अधिकार संगठन किपू शाखापाखे भिंतुना नाप सम्मानयात
नृपेन्द्रलाल श्रेष्ठ | गुंलागा ६ ११४०,साउन २५ आइतवाः
नेपाल मानव अधिकार संगठन किपू शाखां छगुु ज्याझ्वः दथुइ न्हुगु कार्यसमिटियात भिंतुना व सम्मान ज्याझ्वः याःगु दु ।
मूपाँहा संगठनया किपू शाखाया संस्थापक नायः बाबुराम महर्जनं मानव अधिकार ज्याय् योगदान यानादिपि व संचाःकःमिपिन्त सम्मान यानादिगु खः ।
अथेहे संस्थापक नायः महर्जनं बाबुराम—लिला मानव अधिकार सिरपाया लागि स्वगु लाखया अक्ष्यकोषया घोषणा यानादिगु खः । उगु सिरपा निदँय् छकः मानव अधिकारया ख्यलय् योगदान याइम्हेसित लल्हायेगु धका धयादिगु खः ।
सगठनया अधक्ष्य रचना श्रेष्ठया सभाध्यक्षताय् उगु ज्याझ्वलय् नेपाल आदिवासी पत्रकार महासंघया अधक्ष्य डण्ड गुरुङ्ग, नेवाः पत्रकार राष्ट्रिय दबूया अधक्ष्य सुरजवीर बज्राचार्य, पत्रकार श्रीकृष्ण महर्जन थःथःगु नुँगः खँ तयादिगु खः ।
न्हुगु कार्यसमिटिया न घोषणा जूगु खः । न्हुुगु कार्यसमिटियाना अधक्ष्य बच्चुराम श्रेष्ठयात ल्यःगु खः । अथेहे उपाधक्ष्य केशव अधिकारी, सुनील मालाकार सचिव, रुपेन्द्र महर्जन कोषाधक्ष्य च्वनादिगु खः । दुजलय् जानकी श्रेष्ठ, नीरज कुमार श्रेष्ठ, सविता महर्जन, अशोक अधिकारी, बाबुराम महर्जन, बिश्वमाया महर्जन, दिपा महर्जन, रामभोला श्रेष्ठ, रुकेश महर्जन व देवानन्द महर्जन च्वनादिगु खः ।
शिक्षा समितिं पाठ्यक्रम अनुमोदन यात
गुंलागा ६ ११४०,साउन २५ आइतवाः
नेपालभाषा पाठ्यक्रम निर्माण समितिं छगू तगिं निसें च्यागू तगिं तकया नेपालभाषा पाठ्यक्रमयात बैधानिक रुपं मान्यता बिइगु नितिं शिक्षा समितियात लःल्हाःगु दु । शिक्षा समितिं उगु पाठ्यक्रम लागू यायेत अनुमोदनं याये धुंकूगु खँ निर्माण समितिं जानकारी ब्यूगु खः ।
पाठ्यक्रमयात स्तरीय जुइक निर्माण यायेगु झ्वलवय् दकले न्हापां शिक्षा नापं मेमेगु क्षेत्रय् ज्या याना च्वंपिं थीथी खलःपुचः लिसें आवश्यकता पहिचान यायेगु ज्या याःगु खः ।
अथेहे निगूगु चरणय् आवश्यकता पहिचानयात विस्तृत रुपं पाठ्यक्रम तयार यानाः प्रवोधीकरण यायेगु ज्यानं याःगु खः । निगूगु चरणं वःगु सुझावकथं स्वंगूगु चरणय् अन्तिम रुप वियाः पित ब्वज्या यायेया नितिं विज्ञतय्गु पुचः दथुइ सहलह ज्या पूवंके धुंकूगु दु ।
येँ महानगरपालिका शिक्षा समितिपाखें स्थानीय विषय नेपालभाषा पाठ्यक्रम तगिं १–८ तकया पाठ्यक्रम निर्माण समिति नीस्वंगु खः ।
उगु समितिइ प्रा.डा.चुन्दा बज्राचार्य, पूर्व प्रधानाध्यापक बरुणप्रसाद वैद्य, प्रा.मदन रत्न मानन्धर व नरेशवीर शाक्य नापं सदस्यसचिव मोती राज खनाल दुथ्याःगु खः ।
येँ महानगरपालिकाया उप मेयर हरिप्रभा खड्गीया संयोजकत्वय् सफू पिथनेगु व स्यनामि ल्ययेगु निगू समिति नीस्वने धुंकूगु नं जानकारी ब्यूगु दु ।
