Display Style:
Column Style
येँया गहनापुखू–हाँडीगाउँ क्षेत्र सिल
लहनान्युज | गुंलागा ५ ११४०,साउन २४ सनीवाः
येँया गहनापुखूया पूर्वपाखे हाँडीगाउँया कोटाल त्वालय् कोरोना संक्रमित पिहा वये वः उगु थासय् सिल याःगु दु ।
उगु थासय् संक्रमितपि नेपाल प्रहरी, प्रहरीया परिवार नाप स्थानीय छेँ थुवाःपि खः ।
उपि बिहीवाः छम्ह प्रहरीयात सुरुइ कोरोना संक्रमण पुष्टि जूगु खः । प्रहरीया परिवार नाप प्यम्हेसित कोरोना खने दुगु खः ।
उपि नाप सम्पर्कय् दुपिनिगु स्वाब संकलन याना परीक्षण याःगु इलय् शुक्रवाः मेपि न्याम्ह नाप कोरोना पुष्टि जूगु खः ।
किपू नगरपालिका भवनय् स्तनपान कक्ष स्थापना
नृपेन्द्रलाल श्रेष्ठ | गुंलागा ५ ११४०,साउन २४ सनीवाः
विश्व स्तनपान दिवसया लसताय् किपू नगरपालिका भवनय् स्तनपान कक्ष स्थापना याःगु दु । उगु ज्याझ्वः मूपाँहा किपू नगरपालिकाया मेयर रमेश महर्जनं उगु कक्षया उलेज्या यानादिगु खः ।
किपू नगरपालिकाया न्हुगु भवन अमल्सिय् स्थापना याःगुलि थुगु कक्षय् सेवाग्राही मिसापि नाप कर्मचारीपिन्त सहज रुपमा सुविधा जुइ धका नगरपालिकाया उप–प्रमुख सरस्वती खड्कां धयादिगु खः ।
ज्याझ्वलय् नगरपालिका स्वास्थ्य शाखा प्रमुख सन्तमान मानन्धरं थुगु कक्ष मापदण्ड कथं दुगु व थप सुविधा सहित वइगु दिं सहज रुपं सञ्चालन यायेगु जानकारी बियादिसे नगरपालिका अन्तरगत सञ्चालन याना वयाच्वंगु स्वास्थ्य संस्थाय् न स्तनपान सूचना कक्षया व्यवस्थापन यायेगु जुइ धका जानकारी यानादिगु खः ।
विश्व स्तनपान सप्ताह थुगु दँय् २०७७ साउन १७ गते निसे २३ गते (१–७ अगस्ट २०२०) तक थीथी ज्याझ्वः याना हःगु खः ।
प्रधानमन्त्री ओलीया कोरोना रिपोर्ट नेगेटिभ
लहनान्युज | गुंलागा ४ ११४०,साउन २३ शुक्रवाः
प्रधानमन्त्री केपी शर्मा ओलीया कोरोना रिपोर्ट नेगेटिभ वःगु दु । प्रधानमन्त्रीया प्रेस सल्लाहकार सूर्य थापां बिःगु जानकारी कथं प्रधानमन्त्रीया कोरोना रिपोर्ट नेगेटिभ वःगु धका धाःगु खः ।
थौं सुथय् परीक्षणया लागि स्वाब काःगु खः । परीक्षण लिपा प्रधानमन्त्री ओलीया रिपोर्ट नेगेटिभ वःगु खः ।
थौं सुथय् बालुवाटारय् प्रधानमन्त्री, संसदीय दलया उपनेता, कानुनमन्त्री डा. शिवमाया तुम्वाहाङ्फे, मुख्य सल्लाहकार विष्णु रिमाल, विदेश मामिला सल्लाहकार सूर्य थापा, प्रमुख स्वकिय
सचिव इन्द्र भण्डारी यान न्ह्यम्हेसिगु स्वाब संकलन याना यंकूगु खः ।
न्ह्यम्हेगु हे रिपोर्ट नेगेटिभ वःगु धका थापां जानकारी बिःगु खः ।
प्रदेश २ लय् १७९ म्हेसित कोरोना संक्रमण पुष्टि
लहनान्युज | गुंलागा ४ ११४०,साउन २३ शुक्रवाः
प्रदेश २ लय् थौं शुक्रवाः नेपाली सेनाया न्याम्ह व जिल्ला प्रहरी कार्यालय, पर्साया ४५ म्ह नाप १७९ म्हेसित कोरोना संक्रमण पुष्टि जूगु दु ।
सामाजिक विकास मन्त्रालयया कथं थौं शुक्रवाः बहनि जारी याःगु प्रेस विज्ञप्ती कथं जिल्ला प्रहरी कार्यालय, पर्साया छम्ह मिसा नाप ४५ म्ह, श्रीपुर आर्मी ब्यारेकय् न्याम्ह व वीरगन्ज कारागारय् छम्ह मिसा ना निम्हेसित कोरोना संक्रमण पुष्टि जूगु खः ।
अथेहे, वीरगंज महानगरपालिकाया वडा नम्बर २ निसे २१ तक या १४म्ह मिसा नाप ४२म्ह, वीरगंज –२५, सिरसियाया २७ म्ह, वीरगंज चिनी मिलय् निम्ह मिसा नाप प्यम्ह, नेश्नल मेडिकल कलेजय् छम्ह नाप मेपि न्याम्ह याना मुक्क १३३ म्हेसित कोरोना पुष्टि जूगु खः ।
जनकपुरधाम उपमहानगरपालिकाय् छम्ह मिसा नाप न्ह्यम्ह व शहिदनगर नगरपालिकाय् छम्ह मिसा मेपि निम्ह नाप धनुषा जिल्ला यकं झीम्ह, बाराय् न्याम्ह, रौतहटय् निम्ह मिसा नाप प्यम्ह, सप्तरीइ झींच्याम्ह व सर्लाहीइ गुम्हेसित कोरोना संक्रमित जूगु धका मन्त्रालयं धाःगु दु ।
नारायणी कोभिड अस्पतालय् छम्ह मनू कोरोना संक्रमण मन्त
लहनान्युज | गुंलागा ४ ११४०,साउन २३ शुक्रवाः
वीरगञ्जया नारायणी अस्थायी कोभिड विशेष अस्पतालय् छम्ह मनू कोरोना संक्रमण पुष्टि जूग दु ।
वीरगञ्ज–३ छपकैयाया ६५ दँ दुम्ह उम्ह मनू परीक्षण याःगु इलय् कोरोना संक्रमण पुष्टि जूगु धका नारायणी अस्पतालं धाःगु खः ।
कोभिड अस्पतालया इमर्जेन्सी कक्षय् वासः यायेगु झ्वलय् थौं सुथय मदुगु खः । उम्ह मनू प्यन्हु न्यान्हु न्ह्य ज्वरो वःगुलि अस्पतालय् वःगु खः ।
तर साउन २२ गते चान्ह्य हाकन अचानक सासः ल्हाये थाकुलि अस्पताल वःगु खः ।
थ्व नाप पर्साय् कोरोना संक्रमणया कारण सीपिनिगु ल्याः १६ म्ह थ्यःगु दु । कोरोना संक्रमणया कारण वीरगञ्जया एक छम्ह मिजंम्ह येँ मदुगु खः ।
