Display Style:
Column Style
अख्तियारय् १५म्ह कर्मचारीयात कोरोना संक्रमण पुष्टि
लहनान्युज | गुंलागा १ ११४०,साउन २० मंगलवाः
अख्तियार दुरुपयोग अनुसन्धान आयोगया १५म्ह कर्मचारीयात कोरोना संक्रमण पुष्टि जूगु दु ।
आइतवाः १८२म्ह कर्मचारी याःगु स्वाब संकलन याना परीक्षण याःगु खःसा थौं मंगलवाः १५म्हेसित कोरोना संक्रमण पुष्टि जूगु धका धाःगु दु ।
कोरोणा संक्रमण पुष्टि जूपि अधिकांश प्रहरी कर्मचारीपि खः ।
अख्तियारया अप्रेसनय् लागि खोटाङ वःपि छम्ह प्रहरी अधिकारीयात कोरोना संक्रमण जुइवं वयागु स्वापू दुपि नाप स्वाब संकलन याना परीक्षण याःगु खः ।
मेपि संक्रमित नाप कन्याक ट्रेसिङ सुरु याःगु दु ।
लुँया भाः छगु लाख थ्यनि न
लहनान्युज | गुंलागा १ ११४०,साउन २० मंगलवाः
थौं लुँया भाः निसः तका थहा वःगु दु । छगु लाख थ्यनेगु लागि आः निसः जक ल्यः दनि ।
म्हिगः सोमवाः छगु तोलाय् ९९ द्धः व खुसः न कारोबार जुगु लुँ थौं मंगलवाः ९८ द्धः व च्यासः थ्यःगु दु ।
मंगलवाः तोके याःगु लुँ या भाः आःतकया हे दकलय् अप्वः खः धका महासंघं धाःगु दु ।
महासंघं थौं तेजाबी लुँ छगु तोलाय् ९९ द्धः व ३७५ तका क्वछिगु दु ।
अथेहे वहः छगु तोलाया लागि १२३० तका क्वछिगु दु ।
च्याम्हम्ह संघनायक भिक्षु बोधिसेन महास्थविर
लहनान्युज | गुंलाथ्व १५ ११४०,साउन १९ सोमवाः
नेपाःया च्याम्हम्ह संघनायकया रूपय् भिक्षु बोधिसेन महास्थविर पदासीन जुयाबिज्याःगु दु । संघनायक भिक्षु ज्ञानपूर्णिक महास्थविर मदुगुलिं संघउपनायक भिक्षु बोधिसेन महास्थविर संघनायक जुयाबिज्याःगु दु ।
अखिल नेपाल भिक्षु महासंघया उपाध्यक्षपिं भिक्षु सुमेध महास्थविर नाप भिक्षु धर्ममूर्ति महास्थविरया उपस्थितिइ भिक्षु महासंघया धर्मानुशासक, पदाधिकारी व सम्बद्ध संघ दुजःपिनि दथुइ थौं च्वंगु मुँज्यां वसपोलपिंत संघनायक व उपसंघनायकय् पदासीन यायेगु थुगु निर्णय याःगु खः । मुँज्या स्वयम्भूस्थित ऐतिहासिक आनन्दकुटी विहारय् च्वंगु खः ।
मुँज्यापाखें महासंघया धर्मानुशासक, पुलांम्ह नायः, बोधिचर्या विहार (बनेपा) या संस्थापक प्रमुख महासद्धम्मजोतिकधज भिक्षु बोधिसेन महास्थविरलाई संघनायक पतिट्ठापनविधिसहित संघसम्मति विधिपूर्वक नेपाःया च्याम्हम्ह संघनायक पदय् धर्मगौरवसहित पदस्थापन याःगु खः ।
उकथं हे महासंघया धर्मानुशासक, पूर्वाराम विहार (धौख्यः) या संस्थापक प्रमुख महासद्धम्मजोतिकधज भिक्षु गुणघोष महास्थविरयात संघउपनायक पतिट्ठापनविधिसहित संघसम्मति विधिपूर्वक संघउपनायक पदय् धर्मगौरवसहित पदस्थापन याःगु खः ।
कोरोना संक्रमणया कारणं अप्वः हुलमुल याये मजिउगु कारणं उपयुक्त इलय् सार्वजनिक समारोह यासें संघनायक अभिनन्दन ज्याझ्वः जुइगु जानकारी भिक्षु महासंघया महासचिव भिक्षु कोण्डन्यं बियाबिज्याःगु दु ।
कैलालीइ छेँ वःपि ४४म्ह कोरोना संक्रमण पुष्टि
लहनान्युज | गुंलाथ्व १५ ११४०,साउन १९ सोमवाः
कैलालीइ कोरोना संक्रमणक रिपोर्ट मवयेवः छेँ वःपि ४४म्हेसित कोरोना संक्रमण पुष्टि जूगु दु । सोमवाः कैलालीइ ४५म्ह कोरोना संक्रमण खनेदुगुलि छम्ह अस्पतालय् वासः याका च्वंगु
खःसा मेपि दक्को छेँय् वःगु खः ।
जिल्ला स्वास्थ्य कार्यालय कैलालीया कथं सोमवाः गोदावरी नगरपालिकाय् ४२म्ह, गौरीगंगा नगरपालिकाय् निम्ह व टीकापुर नगरपालिकाय् छम्हेसित कोरोना संक्रमण पुष्टि जूगु खः ।
टीकापुरय् छम्ह बाहेक मेपि स्थानीय तहय् संक्रमितपिन्त साउन ११ गते स्वाब संकलन याना क्वारेन्टिनं छेँय् छ्वःगु धका स्वास्थ्य कार्यालय कैलालीया प्रमुखं धाःगु खः ।
सोमवाः संक्रमण पुष्टि जूपि ४२ गु परिवारया सदस्यपिनिगु पीसीआर परीक्षण याःगु खः ।
कैलालीइ आःतक ११९७म्ह कोरोना संक्रमण पुष्टि जुइ धुकुगु दु ।
थौं येँ ४३म्हेसित कोरोना संक्रमण
लहनान्युज | गुंलाथ्व १५ ११४०,साउन १९ सोमवाः
थौं स्वनिगलय् ५१ म्हेसित कोरोना भाइरस (कोभिड–१९) या संक्रमण पुष्टि जूगु दु ।
स्वास्थ्य तथा जनसंख्या मन्त्रालयया कथं येँ जक ४३म्हेसित संक्रमण पुष्टि जूगु दु ।
अथेहे यलय् स्वम्ह व ख्वपय् न्याम्हेसित कोरोना संक्रमण पुष्टि जूगु दु ।
संक्रमितपि गन च्वपि धका धाःसा स्वास्थ्य तथा जनसंख्या मन्त्रालयं धाःगु मदुनि ।
