Display Style:
Column Style
थप ३१४म्ह कोरोना संक्रमण
लहनान्युज | तछलागा तृतीया ११४०,जेठ २६ सोमवाः
नेपालय् हाकन थौं ३१४म्हेसित कोरोनाया संक्रमण जूगु दु ।
थौं स्वास्थ्य तथा जनसंख्या मन्त्रालयय् बिःगु जानकारी कथं थप २९० म्ह मिजं व २०म्ह मिसा पिन्त संक्रमण जूगु धका धाःगु दु ।
थ्व नापं आतक नेपालय् संक्रमितपि ३७६२म्ह थ्यंगु दु ।
वंगु २४ घण्टाया दुने येँया राष्ट्रिय जनस्वास्थ्य प्रयोगशालाय् याःगु परीक्षणय् १३२म्हेसित कोरोनाया संक्रमण खनेदुगु धका धाःगु दु ।
थौं संक्रमण जुपि मध्ये सर्लाहीया १०६म्हय् महोत्तरीया १२म्ह व कपिलवस्तु व रौतहटया न्ह्यम्ह न्ह्यम्ह खः । अ
थेहे देय्या थीथी थासय् याःगु परीक्षणय् १८२म्ह संक्रमित जूगु दु । नेपालय् आः संक्रमण ७१गू जिल्लाय् थ्यंगु दु ।
बजेटय् सम्बन्धित मन्त्रीं लिसः बिया थौं हे पारित यायेगु तयारी
लहनान्युज | तछलागा तृतीया ११४०,जेठ २६ सोमवाः
प्रतिनिधि सभा बैठकया बजेटय् वःगु न्ह्यसःया लिसः सम्बन्धित मन्त्रीं थौं लिसः बिइगु ज्याझ्वः दु ।
लिसः बिइ धुका थौं हे विनियोजन विधेयक पारित यायेगु कार्यसूची तया तःगु दु ।
विनियोजन विधेयक पारित जुलकि न्हुगु आर्थिक वर्ष सुरु जूगु अथे धइगु साउन १ निसे रकम खर्च यायेत सरकारयात लँ चाइगु दु ।
संसद भवन नयाँ बानेश्वरय् थौं सोमवाः सुथय् ११ बजे च्वनेगु बैठकय् प्रधानमन्त्री कार्यालय सहित २१ गू मन्त्रालयया विनियोजित बजेटबारे सांसदपिन्स न्यःगु न्ह्यसःया सम्बन्धित मन्त्रीं लिसः
बिइ ।
बैठकय् सांसदपिन्स पेश याःगु निगु दर्जन स्वया अप्वगु खर्च कटौतीया प्रस्ताव न निर्णयार्थ पेश यायेगु कार्यसूचीइ दु ।
मन्त्री याःगु लिसः व खर्च कटौतीका प्रस्ताव निर्णयार्थ पेश याये धुका अर्थमन्त्री डाक्टर युवराज खतिवडां विनियोजन विधेयक निर्णयार्थ याइगु ज्याझ्वः दु ।
स्याङ्जायाम्ह कोरोना संक्रमित छम्ह सीत
लहनान्युज | तछलागा तृतीया ११४०,जेठ २६ सोमवाः
स्याङजाया वालिङ नगरपालिकाया ६०दँया मिजंम्ह कोरोना संक्रमित पोखराय् सीगु दु ।
स्वास्थ्य निर्देशनालय गण्डकीं थुकियाःगु पुष्टि याःगु दु ।
पोखरा स्वास्थ्य विज्ञान प्रतिष्ठान अन्तर्गत पश्चिमाञ्चल क्षेत्रीय अस्पतालय् वासः याका च्वम्ह उम्ह मनू आइतवाः जक कोरोना पुष्टि जूगु खः ।
उम्ह मनू जेठ २३ गते अस्पतालय् भर्ना जूगु खःसा वयागु आइतवाः कोरोना रिपोर्ट पोजेटिभ वःगु खः ।
वयात आइसोलेसनय् तया तःगु खः ।
उम्ह मनू नाकाय् अलपत्र जूगुलि वालिङ नगरपालिकां उद्धार याःगु खः ।
संक्रमितपि २२ गते सुनौली नाकां स्याङ्जाय् वःगु खः ।
हलिं नेवाः दबूपाखें आमाघरयात ग्वाहालि
विकाश | तछलागा द्वितीया ११४०
हलिं नेवाः दबुलिं हाःनाः मदुपिं ज्याथःजिथिपिन्त सुसाःकुसाः यानावःगु आमा घरयात ग्वाहालि याःगु दु । हलिंन्यंक महामारीया रुपं न्यंगु कोरोना भाइरस (कोभिड १९) या हुनिं आमा घरयात समस्या जूगुलिं हलिं नेवाः दबू (डब्ल्युएनओ) पाखें ग्वाहालि याःगु खः ।
हलिं नेवाः दबूया केन्द्रीय नायः सिजन श्रेष्ठया पहलय् अमेरीकां छ्वयाहःगु आर्थिक ग्वाहालि दबूया नेपाः च्याप्टरया प्रतिनिधिपिं वनाः लःल्हानाथकूगु खः ।
आमा घरया निंतिं अमेरिकाया मेरिल्यान्डय् च्वनादीम्ह सुमन कुमार सिंहं (सुमन नेवाः) छ्वयाहःगु द्वःछि डलर (१ लाख २० हजार तका) आइतवाः आमा घरया संचालक दिलशोभा श्रेष्ठयात लःल्हायेयंकूगु खः ।
दबूया पहलय् अमेरिकाया मेरिलायन्डय् च्वनादीम्ह सुमन कुमार सिंह (सुमन नेवाः)पाखें वःगु द्वःछि डलर दबूया नेपाः च्याप्टर नायः शाक्य सुरेन व दांभरिं सुरेन्द्र भक्त श्रेष्ठं आमा घरया संचालक श्रेष्ठयात लःल्हानादीगु खः ।
ग्वाहालिं दां लःल्हाना कासें आमा घरया संचालक समाजसेवी दिलशोभा श्रेष्ठं हलिं नेवाः दबू व ग्वाहालि यानादीम्ह सुमन नेवाःयात नं सुभाय् देछासें कोरोना महामारीया अवस्थाय् नं थःपिंसं लँय् हाःनाः मदयेक च्वनाच्वंपिं ज्याथःजिथिपिंतसेवा बियाच्वनागु धयादिल ।
लँय् लानाच्वंपिं ज्याथःजिथिपिंत प्रहरीं आमा घरय् तयेहयेवं झिंप्यन्हु तक बिस्कं हे क्वथाय् तयाः सुसाःकुसाः यानाः आः आमा घरय् हे आश्रय बिया वयाच्वनागु खँ वय्कलं जानकारी बियादिल ।
न्हूबहाः पुचःया हिदान
लहनान्युज | तछलागा द्धितीया ११४०,जेठ २५ आइतवाः
न्हूबहाः पुचःया ग्वसालय् व दौतरी संस्थाया ग्वाहालिइ थाय्मदुया न्हूबहालय् हिदान ज्याझ्वः जुगु दु ।
उगु ज्याझ्वलय् ४८ पिन्ट हि संकलन जूगु दु । ज्याझ्वलय् हिदान याःपिंत मू पाहां राज्यमन्त्री रामवीर मानन्धरं दसिपौ लःल्हानादीगु खः ।
हिदान ज्याझ्वलय् येँ मनपा २५ वडा अधक्ष्य निलकाजी शाक्य, दुजः दार्विन शाक्य, न्हूबहाः पुचःया पदाधिकारीपिं, ब्लोदानया सदस्य नाप कामपा २४ वडाया दुजः बिनोद तुलाधर, ब्लोदान काठमाडौं जिल्लाया सचिव नाप काठमाडौं जिल्ला रक्तदान संयोजक अनिल रत्न तुलाधर, मनाङ मस्यान्दी क्लब अध्यक्ष छिमी गुरुङ, स्थानीय बुद्धिजिवी, महिला स्वयंसेवि व
स्थानीयवासितय् उपस्थिति दुगु खः ।
ज्याझ्वलय् तारामण्डल महिला सशक्तिकरण अभियानपाखें ब्लड डोनर्स एशासियशनयात पिपिइ प्यपा नं बिउगु खः ।
