Display Style:
Column Style
लुँया भाः आः तक दकलय् अप्व
लहनान्युज | दिल्लागा दशमी ११४०,असार ३१ बुधवाः
लुँया भाः थौं छगू तोलाय् ९२ द्धः व च्यास तक थ्यःगु धका नेपाल सुनचाँदी व्यवसायी महासङ्घं धाःगु दु ।
म्हिगः तोलाय् सच्छि क्वहा वःगु खः । थौं लुँ छगू तोलाय् खुसः थहा वःगु खः ।
अन्तर्राष्ट्रिय बजारय् लुँया भाः थहा वःगुलि थन न भाः थहा वःगु धका महासङ्घ धाःगु खः ।
कोरोना सङ्क्रमण अप्वगुलि लुँया भाः थहा वना च्वंगु खः ।
नेपालय् लकडाउन स्वया न्ह्यः चैत १० गते लुँ तोलाय् ७७ द्धः खः ।
अथेह वहः तोलाय् झीतक थहा वना द्धःछि व न्यातका थ्यगु द धका धाःगु दु ।
नेपालय् कोरोना संक्रमितपि १७द्धः थ्यन
लहनान्युज | दिल्लागा नवमी ११४०,असार ३० मंगलवाः
थौं मंगलवाः थप ११६म्हसित कोरोना संक्रमण खने दुगु दु । स्वास्थ्य तथा जनसंख्या मन्त्रालयया कथं आःतक कोरोना संक्रमितपि १७द्धः व ६१म्ह थ्यःगु दु ।
अथेहे खुद्धः व ६९५म्ह संक्रमित आः आइसोलेनसनय् च्वना च्वंगु दु ।
वःगु २४ घण्टाय् ३४म्ह डिस्चार्ज जूगु दु । थौंतक डिस्चार्ज जूपि १०३२८म्ह थ्यःगु दु ।
कोरोना संक्रमण वासः याका छेँ लिहा वःपि ६०.५३ प्रतिशत थ्यःगु दु ।
आःतक क्वारेन्टिनय् २४७१६म्ह च्वना च्वगू दु ।
कर्णाली प्रदेशया छम्ह सांसदयात कोराना पूष्टि
लहनान्युज | दिल्लागा नवमी ११४०,असार ३० मंगलवाः
प्रदेशसभाय् छम्ह सदस्ययात कोरोना भाइरस (कोभिड(१९)या संक्रमण पुष्टि जूगु दु । कांग्रेसपाखे प्रदेशसभाय् प्रतिनिधित्व याम्ह छम्ह सांसदयात कोरोना संक्रमण पुष्टि जूगु दु ।
प्रदेशसभाया अधिबेशन क्वचाये त्यःगु इलय् थःगु निर्वाचन क्षेत्र वनेत आइतवाः पीसीआर परीक्षणया लागि स्वाब बिःगु रिपोर्ट पोजेटिभ वःगु स्वकीय सचिवं जानकारी बिःगु दु ।
वयाःगु स्वाब सोमवाः सुर्खेतया पशुपन्छी रोग अन्वेषण प्रयोगशालाय् परीक्षण याःगु खः ।
वया स्वकीय सचिवं सांसदया स्वास्थ्य अवस्था सामान्य जूगु धका धाःगु दु । कोरोना खने दुुगुलि आः वीरेन्द्रनगरया होम आइसोलेसनय् च्वना च्वंगु दु ।
उम्ह सांसद अधिबेशन यकं संसद भवन व कोठा बाहेक गन पिहा मवः धक धाःगु दु । संसद अधिबेशन सुरु जुइ न्ह्य पिसीआर परीक्षण रिपोर्ट नेगेटिभ वःगु खः ।
सांसद, कर्मचारी, माननियया स्वकीय सचिव व पत्रकारपि नाप १६० म्हेसिगु पीसीआर परीक्षण याये त्यःगु दु । उम्ह सांसदया ‘कन्ट्याक्ट ट्रेसिङ’ याना स्वाब संकलन यायेगु तयारी याना च्वंगु दु ।
अवैधरुपं कोरोना परीक्षण शुल्क कापिं निजी अस्पतालयात छानबिन यायेत समिति गठन
लहनान्युज | दिल्लागा नवमी ११४०,असार ३० मंगलवाः
स्वगू अस्पताल ग्राण्डी, ह्याम्स अस्पताल व जोरपाटीको अत्तरखेलया नेपाल मेडिकल कलेजं स्वीकृति मकासे कोरोना भाइरस (कोभिड(१९) या परीक्षण याःगु विषयय् अनुसन्धान यायेत स्वास्थ्य तथा जनसंख्या मन्त्रालयं छानबिन याये त्यःगु दु ।
मन्त्रालयं गुणस्तर मापन तथा अनुगमन महाशाखा न मन्त्रालयया वरिष्ठ औषधि व्यवस्थापक पानबहादुर क्षेत्रीया संयोजकत्वय् असार २८ गते स्वम्ह सदस्यीय छानबिन समिति गठन याःगु दु ।
थुगु स्वगू अस्पतालं सरकारी निर्देशिका विपरीत स्वाब संकलन याना परीक्षणया लागि सरकारी प्रयोगशालाय् छ्वःगु व सेवाग्राही नाप थः यः थे शुल्क उठे याःगु सूचं वःगुलि छानबिन याये त्यःगु खः । स्वगू अस्पतालयात कोभिड(१९ या परीक्षण याना च्वंगू धयागु बारे छानबिन याना निन्हुया दुने प्रतिवेदन बुझे यायेत निर्देशन बिःगु दु ।
उगू समिति राष्ट्रिय जनस्वास्थ्य प्रयोगशालाया प्याथोलोजिस्ट डा शंकर काफ्ले व स्वास्थ्य मन्त्रालयया जनस्वास्थ्य अधिकृत रवीकान्त मिश्र सदस्यपि खः ।
कोरोना संक्रमणया महामारीे तसक स्यनिगु विश्व स्वास्थ्य संगठन धका चेतावनी
लहनान्युज | दिल्लागा नवमी ११४०,असार ३० मंगलवाः
यक्को देशं निर्णायक कदम मल्ह्वःगुलि कोरोना संक्रमणया महामारीे तसक स्यनिगु धका चेतावनी विश्व स्वास्थ्य संगठन (डब्ल्यूएचओ) नं बिःगु दु ।
डब्ल्यूएचओ प्रमुख डा. टेड्रोस एड्हानोम गेहब्रेयससं यक्को देशं गलत दिशाय् न्ह्यने वना च्वंगु धका उगु चेतावनी बिःगु दु ।
डब्ल्यूएचओ प्रमुख डा.गेहब्रेयससं ‘गु देशय् कोरोनाका संक्रमण रोक्के यायेगु प्रावधान ठीक ढंगं लागु मया, अन खतरनाक ढंगं संक्रमण अप्वया वना च्वंगु दु धयादिसे अझ स्पष्ट रुप धाये खः सा गुलि देश गलत लँय् वना च्वंगु दु धका धयादिगु खः ।’
यक्को देशय् भौतिक दुरी कायम यायेगु, ल्हाःसिलेगु, मास्क तयेगु थे सामान्य सतर्कता तक अपने मयागु धका धयादिसे डब्ल्यूएचओ व स्वास्थ्य विज्ञपिन्स सावधानीया उपाय अपने मयाःगु विश्व सामान्य अवस्थाय् लिहा मवइगु चेतावनी बिःगु दु ।
डब्ल्यूएचओ प्रमुख डा.गेहब्रेयससं गन नेतापिन्स अःखःत विश्व स्वास्थ्य संगठनयात कोरोना भाइरसको संक्रमण रोक्के याये मफुगु आरोप बिःगु धका धयादिगु दु ।
