Display Style:
Column Style
संक्रमित खनेवं सिल मयायेत स्वास्थ्य मन्त्रालयया इनाप
लहनान्युज | तछलाथ्व चौथी ११४०,जेठ १३ मंगलवाः
स्वास्थ्य तथा जनसंख्या मन्त्रालयं कोरोना भाइरस (कोभिड–१९) या संक्रमित खने वं स्थानीय तह व समुदायय् सिल मयायेत इनाप याःगु दु ।
वःगु छु ई न्ह्य संक्रमित खने वं उगु थाय् यात पूुरा विवरण मवये वं हल्लाया भरय् स्थानीय तह व समुदाय सिल यायेगु प्रवृत्ति अप्वो याःगु खः । थुकि अनावश्यक थासय् सिल जुग धका धाःसे स्वास्थ्य मन्त्रालयं हथाये चाया थज्यागु ज्या मयायेत इनाप याःगु खः ।
‘स्थानीय तह व समुदायय् कोरोना संक्रमितपिनिगु थाय् न्य नाःगु भरय् सिल यायेगु प्रवृत्ति जुया च्वंग्ु खँय् स्वास्थ्य तथा जनसंख्या मन्त्रालयं थौं मंगलवाः ग्वसाः ग्वःगु पत्रकार सम्मेलनय्
मन्त्रालयया प्रवक्ता डा. विकास देवकोटां अथे धयादिगु खः ।
‘हः थाय् चाया थज्याःगु निर्णय याये माःगु आवश्यक मदुगु । संक्रमितया बारे इपिडिमियोलोजी व प्रदेश सरकारं जानकारी बिल कि जक उकिया निर्णय यायेत इनाप याःगु दु ।
वीरगञ्जय् डाक्टर निगु पुचः दथुइ ल्वापु
तछलाथ्व चौथी ११४०,जेठ १३ मंगलवाः
सामाजिक सञ्जालमा च्वंगु स्टाटस व म्यासेजया विषयय् कया ल्हाः तया ल्वापु तक जुग दु ।
वीरगञ्जया नारायणी उपक्षेत्रीय अस्पतालय् ज्या यानाच्वपि जुनियर चिकित्सक डा. दीपक चौरसिया व नेशनल मेडिकल कलेजया डा. मधुरञ्जन सिंह दथुइ ल्हाः तया तक ल्वापु जुगु दु ।
नारायणी अस्पतालया चिकित्सक च्वना वया च्वंगु टाउन हल क्वारेन्टाइनय् सिंह नेतृत्वया पुचलं विवाद याः वःगु खः ।
उगु विवादय् सिंह नेतृत्वया पुचःया आक्रमणं नारायणी अस्पतालया चिकित्सक डा. दीपक चौरसिया सामान्य घाःपा जुग दु ।
थप ९०म्ह नाप संक्रमित ७७२म्ह थ्यन
लहनान्युज | तछलाथ्व चौथी ११४०,जेठ १३ मंगलवाः
थौं मंगलवाः छन्हु हे ९० म्हेसित कोरोना भाइरसया संक्रमण खनेदुगु दु । स्वास्थ्य तथा जनसंख्या मन्त्रालयं बिःगु जानकारी कथं येँया टेकूया जनस्वास्थ्य प्रयोगशाला, भेरी, सेती, पोखरा नापं सुर्खेतया प्रयोगशालाय् याःगु परीक्षणय् ९०म्हेसित संक्रमण जूगु पुष्टि जूगु धका धाःगु दु ।
मन्त्रालयं बिगु जानकारी कथं गुल्मीइ निम्ह, रूपन्देही छम्ह, कैलाली छम्ह, अछामयय् छम्ह महत्तरीइ निम्ह, बाराय् ज्या यानाच्वंपिं जुम्लाया निम्ह, सिरहाया न्याम्ह, धनुषाया छम्ह, बाँकेया च्याम्ह, कपिलवस्तुया नीम्ह, अर्घाखाँचीइ निम्ह, बाराय् स्वम्ह, रौतहटया २२म्ह,स्याङ्जाया निम्ह व सुर्खेतया १२म्हेसित कोरोना संक्रमण जूगु दु ।
थ्व आतक नापं नेपालय् संक्रमण ४६गु जिल्लाय् थ्यःगु दु सा संक्रमितपि ७७२ म्ह थ्यःगु दु ।
बाराय् सैनिक निम्ह नाप न्याम्हेसित कोरोना पुष्टि
लहनान्युज | तछलाथ्व चौथी ११४०,जेठ १३ मंगलवाः
बारा जिल्लाय् हाकन मेपि न्याम्हेसित कोरोना संक्रमित पुष्टि जुगु दु ।
थौं संक्रमित जुपि न्याम्हय् निम्ह नेपाली सेनाय् ज्या याइपि जुगु दु ।
पचरौता नगरपालिकाय् क्वारेन्टाइनय् च्वना च्वपि स्वम्ह व क्वारेन्टाइनया सुरक्षाय् खटे जुयाच्वपि सैनिक निम्हेसित कोरोना पुष्टि जुगु दु ।
थ्व नाप बाराय् संक्रमित जुपिनिगु ल्याः ४१म्ह थ्यःगु दु । आतक थुगु थासय् निम्ह उपचार लिपा छेँय् वःगु दु सा कोरोना संक्रमणया कारणं छम्ह सीगु दु ।
सुर्खेतय् १२ म्ह संक्रमित
लहनान्युज | तछलाथ्व चौथी ११४०,जेठ १३ मंगलवाः
कर्णालीए थौं मंगलवाः सुथय् हाकन थप १२ म्ह कोरोना संक्रमण पुष्टि जुगु दु । थौं पुष्टि जुपि दक्को हे सुर्खेतयापि जुगु दु ।
१० म्ह वीरेन्द्रनगर नगरपालिका व निम्ह सिम्ता गाउँपालिका च्वपि जुगु दु ।
कर्णाली प्रदेश सरकारं भारतं लिहा वइपि नेपाली तयेत सीमावती क्षेत्रय् हे परीक्षण याना क्वारेन्टाइनय् तयेगु व्यवस्था मिले यायेत नेपाल सरकार व केन्द्रीय विपद् व्यवस्थापन समितियात इनाप न याःगु दु ।
भारत सरकारं सीमा तक वयेकेत अपुकुगुलि अन करिब २५ द्धः ति कर्णालीबासीपि छेँय् वइगु अनुमान प्रदेश सरकारं याःगु दु ।
